ماتی زُبان ءِ اَرزِشت

الطاف بلوچ

ما یک اَنچیں باریگےءَ زندگ ایں کہ اے سائنسء ُ ٹیکنالوجی ءِ زمانَگ گُشگ بیت۔کمپیوٹرء ُ دامَگ(انٹرنیٹ)ءِ سوب ءَ علمء ُ زانت ءِ سرچمگاں سر بووگ ءِ مزنیں دَرے پَچ بوتگ۔نوکیں اَہدءِ انسان کہ آئی ءِ سیادی چہ کُجام یک راجےءَ بہ بیت ،آ ،چرے آسراتیاں ایوک ءَ زانتء ُ شعورِ وَدّینگ ءِ نپء ُ سیتّاں زورگا نہ اِنت بلکن ءَ وتی مارشتانی درشانیء ُ لیکہ ءِ دیما آرگ ءَ ہِچ رنگ ءَ پُشت ءَ نہ اِنت۔بلئے ہمے دَرشان مُدام وتی ماتی زُبان ءَ بوتگء ُ انگتہ اے درِچ دیما جُنزان اِنت۔انچش گشنت کہ دُنیاءِ کُجام یک مزنیں زُبانےءَ ،کُجام یک سرھالےءَ کتابے شِنگ بہ بیت تہ اے کِتاب ءِ شنگ بووگ ءِ دومی یا سیمی روچ ءَ اِشی ءِ رجانک(ٹرانسلیشن)جاپان ءِ وانوکان ءَ جاپانی زُبان ءَ دَست کپیت۔اِشی ءِ سوب اے نہ اِنت کہ جاپانءِ مردُم دگہ زُبان ونتءُ پہم اِت نہ کن اَنت بلکنءَ اشی مستریں سوب ایشنت کہ جاپان ِ مردُم اینکس کہ وتی ماتی یا راجی زُبان ءَ ارزِشت دئینت درآمدیں زُباناں اینکس ارزشت نہ دئینت۔ھالانکہ جاپان ءَ وانگء ُ زانت ءِ پرسنٹیج کِساس ۱۰۰ درسدبیت،ء ُ جاپان ءِ مردُم انگریزیء ُ اندگہ زُباناں اوں بلد اَنت بلئے آہانی اولی ترجیح وتی ماتی زُبان اِنت۔جاپان ءَ ابید اوں دُنیاءِ ہرچ دیمروئی کتگیں(ڈویلپڈ)مُلک ءُ اِستان کہ اَست اَنت ،کہ آہانی تہا برطانیہ،امریکہ،اٹلی،جرمنی،فرانس،چائنا،یا کہ یورپء ُ ایشیاءِ دیمروئی کُتگیں اندگہ مُلک کہ اَست اَنت ،اے تیوگیں مُلکاں وانگء ُ زانت ءِ سسٹم ہما مُلک ءِ ماتیء ُ راجی زُبان ءَ اِنتء ُ اِشانی دیمروئی ءِ مستریں سوب اوں ہمیشنت۔البتہ اے اوں یک تہلیں راستی یے کہ اے مُلکانی مردُم وتی سرڈگارءِ ہر فیصلہءُ کارانی ذمہ وارءُ مستر وَت اَنتءُ بقول سید ہاشمی ئیگءَ مئے رِیشّ دگرانی دستءَ اَنت۔
نوں ما وتی چاگِردءِ سرا کسانیں چمشانکے دیاں کہ مئے چاگِردءَ مئے جندءِ پہ وتی ماتی زُبان ءَ مئے عالمء ُ زانتکاریں واجہء ُ بانکیں گہارانی چے کِرد اِنت۔۔؟اولی نِزوری ایشنت کہ مئے وانگجاہاں مئے ماتی زُبان ءِ وانگء ُ وانینگ ءِ سرکاری بندوبست نیست اِنت۔مئے زبان ءِ واستا سرکاری بندوبست پرچہ نیست اِنت ۔۔اے جُست ءِ پسہ ءَ باید اِنت کہ ہر کس وت بزانت۔۔ چیا کہ منی ھیالءَ سرکارءَ نندوکیں پارٹیء ُ گلانی ترجیحءِ تہا مئے زبان ھوار نہ اِنت۔۔۔بلئے مئے جندءِ رَوِشت گوں وتی زُبان ءَ چے اِنت۔۔۔اے جُست ءِ سرا باوستے بہ بیت گڑا بازیں ھبرے دیما کئیت کہ اِشی ءِ تہا مئے جندءِ ملامتی گیشتر بنت۔اے بابت ءَ مئے اولی نزوری ایشنت کہ ما وتی زبان ءَ Own کنگ ءَ نیاں۔مئے راجکاری،لبزانکی،چاگردی ،علمی رَوِشت پہ وتی زبان ءَ Positive نہ اَنت۔ما مُدام بلوچی ءِ وانگء ُ ھبر کنگ ءِ وہداں یک Impresion یے اے دیما کاراں کہ”بلوچی زبان ءَ وانگ ءَ ہِچ نپ نیست کہ اِشی ءَ پہ نوکریء ُ JoB ءِ ھاترا ہِچ اِسکوپ نیست اِنت۔،،بلئے یک زانتکارے گُشیت کہ اگاں یک چاگردےءَ مردُم وانگءُ زانگءَ پہ نوکریءِ ھاترءُ نیتءَ بہ کنت تہ آ چاگِردءَ گیشتر گلام جوڈ بیت۔ اگاں ما ہمے سئیں پوائنٹانی سرا وتی رویہ ءَ فوکس بکناںء ُ دیما بہ جُنزاں تہ بازیں کارے اَرزان بوت کنت۔مئے اولی ذمہ واری ہمیش بیت کہ ما وتی زبان ءَ own بکناںءُ وتی زبانءَ گوں وتی رو،شت ءَ پوزیٹیو بکناں،دومی ذمہ واری ایش بیت کہ اشی ءِ ہمراہی ءَ کم از کم وت ماں وت ءَ وہدے کہ مئے مجلس ء ُ دیوان بنت (اے دیوان دیم پہ دیم بہ بنت یا کہ سوشل میڈیاءِ یکے دومیگ ءَ گوں رابطہ کاری ءِ وہداں بہ بنت) مارا چہ دگہ زُبانانی بدل ءَ وتی زُبان ءَ ھبر کنگی اِنت۔بزاں کہ ما وتی رَوِشت(رویہ)ءَ پہ وتی زُبان ءَ Positive بکناںء ُ سیمی ذمہ واری ایش بیت کہ ما ہمے تاثرءَ ھلاس کنگ ءِ جہدءَ بکناں کہ بلوچی زبان ءَ اِسکوپ نیست۔چیاکہ بلوچی زبان دنیاءِ تہا ء ُ ھاس اے ریجن ءِ تہا ہما کوْہنء ُ کدیم تریں زباناں چہ یکے کہ آئی ہمسروئیں ء ُ ہمساہگیں اندگہ زُباناں وتی اصلیں ء ُ کدیمیں دروشُم یلہ کُتگء ُ بازیں بدلی ئے آ زُباناں اتکگ،بلئے بلوچی انگتہ وتی کوہنیں دروشم ءَ است اِنت۔اگاں بنداتی دروشُم ءَ ہمے کمیں کارانی بندات ءَ بکناں تہ بازیں کارے دیما جنزیت ءُ اسکوپے اوں بیت۔بلئے اے نیام ءَ بلوچ چاگردءَ ہرچ راجکاری گَل،لبزانکی گَل ء ُ چاگردیء ُ نیکراہی گَل کہ اَست اَنت بائد اِنت اے سرْپاں ہواریں ہما مردُم کہ لبزانکی ء ُز انشتی سِنچےءِ واہُند اِنت،آ وتی وتی گلانی تہا اے رَوِشتاں دیما برگ ءِ شعوری جُہدے بہ کنت۔من ءَ بازیں سنگتاں بازیں وٹس اپ گروپاں ھوار کُتگ کہ اے گروپانی تیوگیں ورنا سَد دَرسد بلوچ اَنتء ُ بلوچی سرپد بنت۔بلئے بژن ءِ ھبر ایشنت کہ اِشانی گیشتریں بہرے وہدے یک سرھالے ءِ سرا بحثء ُ باوستےءَ روت،آ وت ماں وتءَ اوں درامدیں زباناں ھبر کن اَنت کہ ٹیکنیکلی اے رَوِشت من ءَ چہ وتی زُبان ءِ روتگاں سِندان کنت۔منی اے ھبرانی مولءُ مراد اے نہ اِنت کہ مارا دگہ زُبان دوست نہ بنت،یا کہ اِندِگہ زُباناں ما ،مہ واناں،یا کہ ھبر مہ کناں۔۔۔اِنا۔۔من ءَ گوں ہچ زُبان ءَ دُژمنی نیستء ُ من ءَ اُردو،انگریزی،فارسی،پشتو،پنجاپی،چائنیءُ دُنیاءِ اندگہ بازیں زُبان سَک دوست بنتء ُ من ءَ گوں اے زُباناں سَک باز مہر اَست اِنت چیا کہ اے زُبان ہمے سرزمین ءِ راجء ُ اِنسانی زُبان اَنت۔۔اِشانی وانگ،گپ کنگ سکیں جوانیں عملے،بلے اے رَوِشت کہ مئے گوں وتی جندءِزبان ءَ اِنت اِشی ءِ من سک ھلاپ اوں۔تو اندگہ زُباناں انچش ھیل بکن کہ وتی جیڑہء ُ پیگاماں دومی زبان ءِ وانوکاں سر کُت بکنےء ُ وتی درشان کہ لبزانکی تہرانی دروشم ءَ بیت یا کہ راجکاری ٹولزانی دروشم ءَ بیت،ہما زبان ءَ سر کُت بہ کنئے۔۔ یا کہ علمء ُ زانتءِ پولگءَ اندگہ زباناں ھیل بکن،بزانء ُ بوان ھم۔۔اے سکّیں شرّیں ھبرے،بلئے ہمے شونگ ءَ تو وتی جندءِ زُبان ءَ گُٹگیر بکنے گڑاتئی پدریچانی واستا کہ زُبان پَشت نہ کپیت ترا کئے پجّہ کاریت۔۔؟زبان ءِ سرا کار کنگ ناں سیاست یےء ُ ناں کہ ھرابیں کارے۔اے تئی ہما اِنسانی حق اِنت کہ دنیاءِ ہچ کسے اوں چہ ترا پچ گپتے نہ کنت۔اگاں کار کنگ ءَ تئی دیما اڑانگے اَست اِنت،وت ماں وت ءَ ھبر کنگء ُ نبشتہ کنگ ءَ ترا کَس نہ داریت۔۔یک وٹس اَپ گروپےءَ وت ماں وت ءَ وتی زبان ءَ ھبر کنگ ءَ تو، ریلیکسRelax نہ بئے گڑا دیما پہ وتی راج ءَ چے زھم جنے۔۔؟ہمے روِشتانی سوب اِنت کہ مرچی میاں استمانی گل یونیسکوءِ یک رپورٹے دیما اتکگ کہ آئوکیں پنجاہ سالانی تہا کِساس دُنیاءِ نیم زُبان ھلاس ء ُ بیگواہ بووگ ءِ گُمان اِنت،کہ اِشانی تہا بد بھتی ءَ براہوئی زُبان اوں ھوار اِنت کہ آئی ءِ اوں اگاں ھبرکنوکانی رَوِشت گوں وتی زبانءَ ہمے رنگ ءَ بوت ،ھدا مہ کنت براہوئی زبان اوں ھلاس بیت۔ہمے انگریزی زُبان ءَ کہ ما واناںء ُ پہماں باید اِنت کہ اِشی کُمک ءَ ما کمپیوٹرء ُ دامگ ءَ ماتی زبانانی اَرزِشتء ُ کارمرزی ءِ بابت ءَ اوں پولکاری بکناں بہ چاراں کہ دنیاءِ اِندگہ راج وتی زباناں پہ کجام ھدّءَ تک سنجیدہ اَنتء ُ آاے پڈا چے کنگا اَنت۔۔؟ ھیف اِنت کہ مئے راجکاری ہما گل کہ وتی لوٹء ُ گزرانی تہا ماتی زبان ءِ دیمروئی ءِ واستا سوگند وراَنت بلئے وھدے عمل ءِ باری کئیت ما زبان ءَ چہ پراموش باںء ُ لاپ چاری ءِ بہارگاہ ءَ اَنچو بے سما باں کہ دِگہ ہچ چی مئے ھیالانی دریگاں سرُکّ نہ دنت۔
منی چہ ورناہاں ہمے دزبندی اِنت کہ اے بابت ءَ یک برے انٹر نیٹء ُ دامگ ءَ بہ پول اَنتء ُ Search یے بہ کن اَنت ،چدء ُ پد وتی جندءِ روشتاں گوں وتی جندءِ زبان ءَ اگاں بوت کنت،پوزیٹیو بہ کن اَنت۔چیا کہ اے وہدی مئے ورناہانی یک درسد(%1 )یے اوں پہ وتی زبان ءَ ناں جیڑگا اِنتء ُ ناں آئی ءَ اے رنگ ءِ سرپدی اَست اِنت۔ہر اسکول،کالج،یونیورسٹیء ُ اندگہ وانگجاہاں لٹریری سرکل جوڈ کنگ بہ بیت کہ آ زبانء ُ آئی ءِ ارزشت ءِ سرا کار بہ کن اَنت،کہ اے کار چہ راجکاری پلیٹ فارم ءَ گیشتر لبزانکیء ُ چاگردی پلیٹ فارم ءَ دیما شُت کن اَنت۔البتہ راجکاری پڈءِمردُم اِشانی حوصلہ افزائی ءَ بکن اَنتء ُ اِشاں ٹیکنیکل سپورٹ ءِ ہمراہی ءَ وتی جندءِ سرکلانی تہا زُبان ءِ ارزِشت ءَ دیما بیارنتء ُ پریکٹیکل بہ بنت۔وتی زبان ءَ شنگ بووکیں ہر تاکبندء ُ ماہتاکے کہ اسٹینڈر ئیگ اِنت،آئی ءَ بہا بزور ایتء ُ بوانیت۔بازیں تاک یا مہتاک انچین اَنت کہ آ رجسٹرڈ اَنتء ُ ایوک ءَ اِشتہارء ُ سرکاری کوٹہءِ گرگء ُ ورگ ءِ نیت ءَ تاکاں شنگ کن اَنت کہ اِشانی تہا موادء ُ نکان ہِچ نیست۔باید اِنت کہ اشان ءَ اوں سنجیدہ بووگی اِنتء ُ وتی پہکیں لبزانکی کار بندات کنگی اَنت۔
سائنسی پولکاریءُ گیدیءِ راستی آں چہ یکے ہمیش اِنت کہ اے وہداں دُنیاءِ کُجام یک زُبانے کہ مَرگءِ آماچ بوتگءُ بیگواہ اِنت۔۔آئیءِ مِرَگءُ بیگواہیءِ اولیء مستریں دست ہما زُبانءِ کارمرز کنوکانی وتیگ اِنت۔ءُ ہما زُبان کہ پہ بیگواہیءُ مرگءِ نیمگءَ روگا بیت تہ آئیءِ ھبر کنوکءُ واھُند بنداتءَ گوں وتی زبانءَ وتی جندءِ رَوِشتءَ ہمے رنگءَ کن اَنت کہ ما بُرزا ہما سوب بیان کُت اَنت۔اے رویہ بنداتی پدیانک اِنت کہ تو وتی زبانءَ مَرگءِ کورچاتاں دست ء وت دور دئیگا ئے۔برے برے اے عمل پہ بے سمائیءَ بیتءُ برے برے اے پہ سما بیت۔۔نوں مارا اے ھبر پولگی اِنت کہ بلوچ وتی زُبانءَ گوں اے روِشتءِ واہُند اِنت۔۔آیا آ اے کاراں پہ سما کنگءَ اِنت یا کہ بے سمائی۔۔۔؟ بزاں اے مئے شعوری عمل اِنت یا لاشعوری بووگا اِنت۔۔۔؟ اے جُستانی پسہ پہ وانوکاں ایر اَنت کہ آہانءَ جیڑگی اِنت اے بابتءَ۔۔۔۔!
(منی دیمترءِ سرھال بلوچی زبانءِ لبزانکیءُ راجکاری تاکء ُ مہتاکانی سرا اِنت)۔

Advertisements

صحافتی انقلاب اور ہمارا معاشرہ

eltaap

صحافتی انقلاب اور ہمارا معاشرہ                                

تحریر: اِلتاپ بلوچ

دراصل کسی بھی معاشرتی معاملہ،خبر ،تجزیاتی رپورٹ اور اس معاملے کو عوام تک تحریر ،بصری(آواز) ،،ویڈیو یا تصاویر کے ذریعہ پہنچانا  صحافت (جرنلزم)ہوتا ہے۔اس پیشے سے منسلک افراد کو اپنے پیشے سے متعلق مکمل آگاہی اور علم ہونا از حد ضروری ہے کیونکہ صحافت کو کسی معاشرے کا اہم ستون اورکسی ملک کا چوتھا ستون سمجھا جاتاہے اور اس چوتھے ستون کی ذمہ داریاں اس معاشرے کی بنیادوں کو مضبوط بنانے میں بھی کلیدی حیثیت رکھتی ہے۔ہمارا معاشرہ خصوصاً بلوچستان میں جہاں جرنلزم کی تعلیم کا حصول دور دراز علاقے کے نوجوانوں کیلئے مشکل ہے ،وہاں خودرو صحافی بھی پیدا ہوتے ہیں جو بغیر کسی صحافتی علم کے اپنے تجربے کے بل پر اس میدان میں اپنا لوہا منواتے ہیں لیکن ایسے صحافیوں میں ،،زردصحافت،،کا عروج بھی کچھ زیادہ ہونے کے امکانات ہیں۔صحافت کی آڑ میں ،،زردصحافت،،کا فروغ معاشروں کو ترقی کی بجائے پستی کا شکار بناتی ہیں۔پُرانے زمانوں میں صحافت کیلئے ذرائع کم تھے لیکن اس جدید دور میں اخبارات،ٹی وی،رسالے اور انٹر نیٹ (سوشل میڈیا)کے انقلاب نے صحافت کے میدان کو مزید وسعت دی اور سیکنڈوں میں ایک جگہ کی خبریں دوسرے ممالک یا دوسری دنیا تک پہنچ جاتی ہیں اورعوام الناس حالات سے باخبر ہوتے ہیں ۔اینڈروائیڈ موبائل اور سوشل میڈیا نے انٹر نیٹ سہولت کیساتھ ملکر صحافت کے شعبے کو وسعت دی ہے جس کی بدولت اب ہر شخص صحافی بن چکا ہے دنیا بھر سے پل پل کی خبریں اور تجزیاتی رپورٹس کی سوشل میڈیا میں بھر مار ہے۔
وکی پیڈیا کے مطابق ،،خبر(News )کوئی بھی نئی معلومات یا حالیہ واقعات کی معلومات ہیں جو عام طور پر خبر رساں ادارے پیش کرتی ہیں،،
امریکی صحافی اینڈرسن ڈانا کے مطابق ،اگر کُتّا انسان کو کاٹے تو یہ خبر نہیں ہے لیکن اگر انسان کُتّے کو کاٹے تو یہ خبر ہے،،برطانوی پبلشر لارڈ نورتھ کلف کے مطابق،خبر وہ ہے جسے کوئی ایک شخص چھپانا چاہتا ہے جبکہ دیگر تمام لوگ اسے مشتہر کرنا چاہتے ہیں،،امریکی صحافی کرٹ لوڈر کے مطابق،خبر کوئی بھی ایسی چیز ہوسکتی ہے جو دلچسپ ہو جس تعلق دنیا میں ہونے والے واقعات سے ہو،فرانسیسی صحافی ہاولے کے مطابق،اچھی خبر کوئی خبر نہیں ہوتی،کینیڈین ماہر ابلاغیات کے مطابق ،حقیقی خبر کوئی بد خبری ہی ہوتی ہے،امریکی پبلشر ایل گراہم کے مطابق،خبر تاریخ کا پہلا مسودہ ہوتا ہے،ڈاکٹر مسکین علی حجازی اپنی کتاب فن ادارت میں خبر کی تعریف یوں کرتے ہیں،،ہر وہ واقعہ خبر ہے جو درست ہو،لوگوں کیلئے دلچسپی کا باعث ہو جس کے متعلق لوگ جاننا اور اخبار نویس بتانا چاہئے۔آکسفورڈ لغت(انگریزی) میں خبر،،نئی اطلاع،تازہ واقعات کی رپورٹ کو کہتے ہیں،،ان تمام تعریفوں میں جامع تعریف یہ نکلتی ہے کہ ،،حالیہ واقعات سے متعلق ایسی قابل ذکر نوموصولہ اطلاع کو خبر کہتے ہیں جو نشرو اشاعت سے وابستہ کسی ادارے کی جانب سے جاری کی گئی ہو،،خبر کی اہمیت کا تعلق ان متعدد چیزوں سے ہے کہ،،خبر کی فوری پن یا تازگی،،خبر کی قربت مکانی،خبر کے اثرات اور نتیجہ،خبر کی تعدد،خبر کی حیثیت عرفی،خبر کا تنازع،خبر کی مقدر یا تعدد اور خبر کا انوکھا پن،،۔مزکورہ تعریف و تبصرے وکی پیڈیا کی تحریر میں وضع کیئے گئے ہیں ۔
اگر ہم مزکورہ بالا تعریفوں کو دیکھیں تو اس معیار میں جدید دور میں صحافت کیلئے سہولیات بہت ہیں اور خبر کی اشاعت،تصدیق کے مرحلے اور اس کے نتائج و اثرات تک کا سارا مرحلہ ہماری آنکھوں کے سامنے ہیں اور ان تمام تجزیوں اور معیاری صحافت کیلئے ہمارے پاس موجودہ انٹر نیٹ اور سوشل میڈیا کے انقلاب نے صحافت کے میدان میں بھی انقلاب لایا ہے جس سے پوری دنیا مستفید ہورہی ہے۔میں ذاتی طور پر اینڈروئیڈ،انٹر نیٹ،اور سوشل میڈیا کی ایجاد اور ترقی کو ہی صحافت کا جدید اور ترقی یافتہ شکل ہی سمجھتا ہوں اگر چہ میں غلط بھی ہوسکتا ہوں لیکن میری نظر میں سوشل میڈیا اور مزکورہ ترقی صحافت ہی کی ترقی یافتہ شکل ہیں اور ان وسائل اور ایجادات سے جس شعبے کو زیادہ متاثرکیا ہے اورجس شعبے کو وسعت ملی ہے وہ صرف اور صرف،،صحافت،،کا ہی شعبہ ہے۔کیونکہ خبریں اور معلومات کے شیئر کرنے یا شائع کرنے کے عمل ہی کو صحافت کہتے ہیں اور سوشل میڈیا انٹرنیٹ کے ذریعے ہی سے یہ کام دنیا کا ہر شخص بخوبی سر انجام دے رہا ہے۔
انیسویں صدی کے آخری دِہائی میں جب نیو یارک میں مختلف اخبارات نے ایک دوسرے سے سبقت لیجانے کیلئے خبروں کو سنسنی خیز بنا کر پیش کیا تو یہیں سے ،،زردصحافت،،کا آغاز ہوا اور صحافت کی دنیا میں نئی ہلچل مچ گئی ،زرد صحافت دراصل وہ ہے جس میں کسی خبر کی اصل شکل کو ختم کرکے اسے سنسنی خیزبنایا جائے (اس وقت پاکستان میں نوے فیصد سے زائد زرد صحافت ہو رہی ہے اور حقائق جان بوجھ کر چھپائے جارہے ہیں)تاکہ قارئین،سامعین کی دلچسپیاں اس اخبار یا خبر کے ذرائع کی جانب زیادہ بڑھیں،اس زرد صحافت ہی کی بدولت سے ملکوں میں جنگی حالات بھی پیدا ہوتے ہیں اور بعض اوقات ملکوں کے مختلف ادارے زردصحافت کی خود حوصلہ افزئی کرتے ہیں اور اپنے مطلوبہ مقاصد یا نتائج تک اسی زرد صحافت کی بدولت ہی پہنچ پاتے ہیں۔تاریخی حوالے سے جب ہم دیکھتے ہیں تو جب کیوبا میں ہسپانوی فوج کی داستانیں امریکی اخبارات میں مرچ مصالحے کے ساتھ شائع ہوئے تو اس وقت رائے عامہ اس قدر تیار ہوا کہ امریکہ اور اسپین آمنے سامنے ہوئے اور جنگ کی دہلیز تک ذرد صحافت ہی بدولت پہنچ گئے۔گزشتہ دنوں پاکستانی میڈیا کی زردصحافت ہی کی وجہ سے ڈیرہ گازی خان سے تعلق رکھنے والی خاتون فوزیہ عظیم عرف ،،قندیل بلوچ،،کی موت واقع ہوئی۔
پاکستان میں صحافت کا جو معیار متعارف کیا جارہا ہے وہ انتہائی درجے تک ،،غیر صحافتی،،معیار ہے،میڈیا جس کا کام حقیقی صورتحال سے عوام کو آگاہ کرنا ہے یہاں اس کے ساتھ ساتھ میڈیا کا شعبہ ،،کارپوریشن،،میں تبدیل کیا جارہا ہے جس کا کام صرف ،،بزنس،،کرنا اور ملکی حالات و معاملات کو کنٹرول کرنے کیلئے مخصوص گروہ یا لابی کے مخصوص مقاصد کے حصول کیلئے میڈیا کو بطور ،،انڈسٹری،،استعمال کیا جانا ہے۔2014 ء کی بات ہے کہ میں ایک بڑے میڈیا گروپ کے کراچی آفس میں اپنے ایک دوست کی توسط سے بطور صحافی انٹرویو کیلئے گیا تو وہاں جس شعبے میں مجھے جانا تھا ،اس کا انچارج ایک نوجوان تھا ۔جب میں اس کے آفس پہنچا تو اس نے مجھے بلوچستان کی حالات سے متعلق سوال کئے لیکن اس کی دلچسپی مجھے اپوائنٹمنٹ کرنے سے زیادہ اس بات پر تھا کہ اس صحافی کا(یعنی میرا)بلوچستان کے معاملے میں نظریہ کیا ہے۔لیکن مجھے اس دوران اس صحافی کی جانب ایک سوال نے چونکا دیا وہ یہ تھا کہ اس نے کہا کہ ،،اگر بلوچستان کے 60 سے زائد سرداروں اور نوابوں کو ریاست ایک ایک کرکے ختم کرے تو کیا بلوچستان میں امن ہوگا اور ترقی کی راہیں ہموار ہونگی۔؟،،میں یہ سوال سن کر چونک گیا،اس سوال کا میری صحافت سے کوئی تعلق ہی نہیں تھا اور نہ ہی اس نوجوان کی پیشہ ورانہ صحافت سے اس کا تعلق تھا،لیکن پھر بھی میں نے مختصراً جواب دیا کہ ،،جناب اس سے متعلق میں کچھ نہیں جانتا لیکن مجھے ایک بات معلوم ہے کہ ابھی تک صرف ایک نواب(شہید اکبر خان بگٹی) کو ریاست نے ٹارگٹ کیا ہے اور آج تک حالات قابو میں نہیں آتے ،بھلا دیگر 60 یا اس سے زائد سرداروں کے مارنے کے بعد حالات کیا ہونگے اس کا اندازہ آپ خود لگا لیں،،۔میں اس جواب کے بعد وہاں سے مایوس واپس لوٹ آیا اور اپنے دوسرے بلوچ صحافی کو فون کرکے حالات سے آگاہی دی اور واپس بس کے ذریعے اپنا گھر آیا۔اس مثال سے ہم یہ اخذ کر سکتے ہیں کہ صحافت کو کہاں کہاں اورکن کن مقاصد کیلئے استعمال کیا جاتا ہے اور یہاں تو المیہ یہ ہے کہ ایسا کلچر متعارف ہو چکا ہے کہ یہاں کی سیاسی مینڈک اتنی پارٹیاں نہیں بدلتیں کہ یہاں کی میڈیا صحافی تبدیل کرتے ہیں ،وہ بھی خاص طور پر ہمارے دور افتادہ علاقوں میں اوروہ بھی بغیر معاوضہ کے صحافی ہوتے ہیں جو ہر قسم کے خطرات کا سامنا کرتے ہوئے بھی مفت میں ریاستی چوتھے ستون کو سہارا دے رہے ہوتے ہیں۔
بلوچستان میں جس قدر،،نام نہاد آزاد قومی،،میڈیا کو بلوچ عوام اور نوجوانوں کے خلاف استعمال کیا جارہا ہے شاید اس کی مثال جرمنی کے نازی دور میں یہودیوں کے خلاف ہونے والی میڈیا وار سے ہی دیا جاسکتا ہے ۔جہاں یہودیوں کے خلاف میڈیا دن رات زہر اگلتی رہی اور رائے عامہ اس قدر تیار کیا گیا کہ وہاں یہودیوں کی بستیوں کو تباہ کیا گیا ۔یہودیوں کے بچوں،بوڑھوں ،عورتوں ،بیماروں سب کو نشانہ بنایا گیا اور عوام ان مظالم کا ساتھ دیتا گیا کیونکہ ان کے خلاف میڈیا کو بطور استحصالی ٹولز کے استعمال کیا گیا۔حال ہی میں جس طرح عراق میں جنگ مسلط کی گئی اور جس انداز سے صدام حسین حکومت کا خاتمہ کیا گیا اور عراق کو تاراج کیا گیا اس کی وجوہات بھی یہی زردصحافت ہے اورمیری نظر میں ان وار کرائم میں ،،میڈیا،،براہ راست قصور وار ہے۔بلوچستان میں جہاں سنگین انسانی حقوق کی پامالیاں ہورہی ہیں وہیں انسانی المیہ بھی جنم لے چکا ہے اور ہزاروں افراد اپنے اپنے آبائی علاقوں سے نقل مکانی کرکے دوسرے جگہوں میں آئی ڈی پیز کے بطور پناہ گزین بن چکے ہیں اور مختلف موسموں کی سختیوں میں بے یارومددگار کھلے آسمان تلے زندگی بسر کررہے ہیں اور ہزاروں سیاسی ورکر ،نوجوان غائب کئے جاچکے ہیں لیکن ان کیلئے نہ میڈیا آواز اٹھاتی ہے اور نہ ہی یہاں انصاف کے ادارے سوموٹوایکشن لیتے ہیں،باالکل اسی طرح جس طرح نازی دور میں یہودیوں کے خلاف وہاں کی عدلیہ نے خاموشی اختیار کی اور ان کے قتل عام کا جائز قرار دیا۔ اس وقت اگر چہ پاکستان میں صحافت کی آزادی کا نعرہ بلند ہے اور بڑے فخر سے صحافتی تنظیمیں کہتی ہیں کہ میڈیا آزاد ہے میں ان سے کسی طور بھی متفق نہیں،یہاں کی میڈیا مکمل،،کنٹرولڈ میڈیا،،ہے جس کی چابی اسٹبلشمنٹ کے پاس ہے اور جس چیز کو ہم آزادی قرار دے رہے ہیں دراصل وہ گمراہی اور دیگر الفاظ میں ہم اسے،،صحافتی بے راہ روی،،کہہ سکتے ہیں ۔ہماری آنکھوں کے سامنے جو واقعات رونما ہوتے ہین ان واقعات کو مین اسٹریم میڈیا کے سورما اس انداز سے توڑ مروڈ کے پیش کرتے ہیں کہ واقعے کے عینی شاہدین کو اپنے ہی آنکھوں پر بھروسہ نہیں ہوتا اوروہ تذبذب میں ہوتا ہے کہ میں نے شاید غلط دیکھا اور سُنا ہے۔
ہم جس معاشرے(بلوچستان) میں رہتے ہیں یہاں کی سول سوسائٹی علمی،ادبی اور سیاسی اعتبار سے زرخیز سوسائٹی ہے اور انہی کی بدولت سماج میں فکری ترقی کی امید اب بھی باقی ہے لیکن مسئلہ یہ ہے کہ ہم تنقید اور خود تنقیدی کے عمل کی علمی حوالے سے بعض معنی تراشتے ہیں لیکن عملاً اسے اس پیمانے پر نہیں اپنا تے جس پیمانے پر ہمیں اپنانا چاہیئے اور ہم اپنے معاشروں میں وہ علمی کردار عملاً بعض مصلحتوں کی وجہ سے نہیں نبھاتے ہیں جس کا تقاضہ ہے۔میں نے اپنے صحافتی سفر کا آغاز بلوچستان کے ایک بڑے روزنامے،،انتخاب،،سے کیا ہے اور آگے جاکر میں روزنامہ،،آساپ،، توار،گروک ،روزنامہ آزادی اور دیگر اخبارات سے بھی وقتاً فوقتاًمنسلک رہا ہوں اور روزنامہ آساپ سے تو بہت دیر تک صحافتی سفر چلتا رہا ،اگر یہ کہا جائے کہ میری صحافتی سفر کا سنہرا دور آساپ کے ساتھ وابستگی سے رہی تو غلط نہ ہوگاکیونکہ آساپ ہی نے ہمیں سنجیدہ موضوعات پر بحث کرنے اور لکھنے کی حوصلہ افزائی دی اور تربیت کی۔اس کے بعد میرا یہ سفر بلوچستان کے پہلے بلوچی نیوز چینل ،،وش،،نیوز سے شروع ہوا جب وش نیوز نے اپنی نشریات کا آغاز کیا تھا ۔اس دوران میں نے جو نشیب و فراز صحافتی میدان میں دیکھے ہیں میں اس کالم میں انہی تجربوں کی روشنی میں لکھ رہا ہوں۔
عام طور پر ہمارے معاشرے میں جب،، صحافت ،،یا ،، صحافی ،،کا ذکر آتا ہے تو اس کیلئے ایک امیج ہمارے ذہنوں میں ابھرتا ہے۔ہم نے بیشتر سنا ہے کہ صحافت کے پیشے سے منسلک افراد کو آگے خوش آمد کی جاتی ہے اور پیچھے سے اس کو حقیر سمجھا جاتا ہے۔یہ رویہ ان سیاسی حلقوں میں پایا جاتا ہے جو ہمارے بغیر اپنی آواز کو عوام تک نہیں پہنچا پاتے۔یہ طبقہ ہماری محتاج بھی ہوتی ہے اور ہمیں ،،حقیر،،نگاہوں سے بھی دیکھتی ہے۔صحافت چونکہ کسی بھی معاشرے میں وہاں کے عوام کی آواز ہوتی ہے اور اس کا علاقے کی ترقی اور خوشحالی میں بنیادی کردار ہوتا ہے اس لیئے وہ اپنے اس فرائض کی ادائیگی کیلئے اپنا کردار ادا کرنے کا خواہاں تو ہے مگر اس کے مشکلات ایسے ہوتے ہیں کہ وہ بعض اوقات خود یہ محسوس کرتا ہے کہ صحافت میں آکر میں نے اپنا وقت،ذہن،اور صلاحیتیں ضائع کردیں کیونکہ جو صحافی معاشرے کی ترقی کیلئے اپنی زندگی وقف کردیتا ہے وہ اس معاشرے کی جانب سے وہ مقام حاصل نہیں کر سکتا جس کا وہ خواہاں ہے یا جس کا وہ حقدار ہے۔ہم اس لئے اس معاشرے کا گلہ نہیں کرتے کیونکہ یہاں نہ صرف صحافی بلکہ مقدس ترین پیشہ ،،ٹیچرز،،کا بھی احترام نہیں،ہم نے بارہا سنا ہے کہ فلاں سیاست دان جب سیاست میں نہیں آیا تھا تو اس کا لائف اسٹائل کچھ الگ تھا اور جب وہ سیاست کے میدان میں اپنا جھندا گاڈ دیتا ہے تو اس کی زندگی راتوں رات بدل جاتی ہے اور اس کا معاشرتی ،،کلاس،،تبدیل ہوجاتا ہے اور وہ ،،ادنیٰ،،سے ،،اعلیٰ،، کا مقام حاصل کرتا ہے لیکن صحافی جس کا کام کل وقتی فرائض کی انجام دہی ہے ،وہ معاشی،اور معاشری حوالے سے وہی ہوتا ہے جس نے پہلے دن صحافت کا آغاز کیا تھا۔کیونکہ ہم جن اداروں کیلئے کام کرتے ہیں وہاں سے نہ کوئی معاوضہ ملتا ہے اور نہ ہی عزّت،اخلاقی سپورٹ کی امید کی جاسکتی ہے۔
چونکہ صحافی کا فرض بنتا ہے کہ وہ اپنے معاشرے میں ہر سیاسی پارٹی کے رہنماء کے پاس جائے یا ان سے تعلقات استوار کرے اور سماجی ،سیاسی مسائل کے حل کیلئے ، اس پارٹی کا کسی سماجی مسئلے پر اس کے موقف کی تشہیر اور اشاعت کی غرض سے وہ اس سے تعلقات استوارکرکے ہی اس سے اسکی رائے لیکرشائع کرتا ہے اور عوام کی خدمت کرتا ہے لیکن اس کے باوجود اسے (صحافی کو) معاشرے میں انتہائی مشکوک نگاہوں سے دیکھا جاتا ہے۔آجکل بلوچستان میں جس قدر سیاسی بے چینی بڑھ رہی ہے اسی قدر حالات حساس بنتے جا رہے ہیں اور اس ماحول میں کسی صحافی کا غیر جاندارانہ صحافت کی امیدیں دم توڈ رہی ہیں کیونکہ اگر ،گراؤند رئیلیٹیز پر رپورٹنگ ،تجزیہ اور کالم نگاری کی جائے تو صحافی کی شامت آتی ہے اور اس کا نام مبینہ ،،لِسٹ،،میں چڑھا دیا جاتا اورمعلوم ،،نامعلوم ،، کی جانب سے اس کی نیندیں حرام کی جاتی ہیں۔لیکن آج سوشل میڈیا نے صحافیوں کیلئے کچھ آسانیاں پیدا کی ہیں کیونکہ ہر گلی کوچے میں ،،فری لانس،،صحافی موجود ہوتے ہیں جہاں کسی بھی واقعے کی تصدیق اور تشہیر سیکنڈوں میں ہو سکتی ہے اور صحافی رپورٹ تیار کرتے وقت کسی بھی متحرک سوشل میڈیا کا حوالہ بھی دے سکتا ہے۔لیکن اس صحافتی فرائض کی انجام دہی کے وقت صحافی کو ایک اور عذاب جھیلنے کیلئے بھی مشق کرنا چاہیئے ،وہ یہ کہ ہر سیاسی پارٹی کی خواہش ہوتی ہے کہ ہمارا کوریج دوسرے سیاسی پارٹی سے زیادہ اور بہتر انداز میں ہو،اس غرض سے اس پارٹی کی خواہش ہوتی ہے کہ اس
کے علاقے کے صحافی ہماری پارٹی میں شامل ہوجائے یا ہمارا حمایتی بن جائے۔جب یہ مرحلہ آتا ہے تو صحافی کیلئے بہت سے مشکلات کھڑی ہوتی ہیں کہ وہ صحافت کرکے سب کی نمائندگی کرے یا کسی سیاسی پارٹی میں شامل ہو کر اس مخصوص پارٹی کی مخصوص نظریہ کی تشہیر کرے۔اگر وہ صحافی انکار کرتا ہے تو سیاسی پارٹیاں اپنے تعلقات دوسرے ذرائع سے اخبارات کے مدیران،چینلز کے بیوروچیفس اور میڈیا مالکان سے استوار کرتے ہیں اور اس صحافی کو بلیک میل کرتے ہیں کہ اس نے ہمیں زیادہ کریج نہیں کیا تو وہ اس کی جگہ دوسرے صحافی کو اس ادارے میں لگائیں گے۔یہ وہ تلخ حقائق ہیں جن کا ذکر لازمی ہے اور ہمارے معاشرے میں یہ سب کچھ کاروبار کی صورت میں ہورہی ہیں۔اس لئے اخبارات،ٹی وی چینلز اور رسائل میں ہمارے ہاں مکران میں بیشتر صحافی بلا معاوضہ کام کررہے ہیں ۔مگر جیسا کہ میں پہلے کہہ چکا ہوں سوشل میڈیا کی ترقی نے صحافت کو اس لئے وسعت دی کہ بیشتر سیاسی پارٹیوں ،سماجی اداروں اور صحافیوں کے اپنے اپنے پیجز اور بلاگز موجود ہیں یا ویب سائیٹس بنے ہوئے ہیں جن میں وہ آسانی سے اپنی سرگرمیوں کی تشہیر کرکے عوام الناس کو باخبر کرسکتے ہیں ۔
ہمارے معاشرے میں کسی صحافی یا صحافت کی خواہش رکھنے والوں کیلئے نہ صرف مواقع بہت ہیں بلکہ آج کل آن لائن صحافتی تربیت بھی ہوتے ہیں جن سے استفادہ حاصل کرکے بعد میں کوئی بھی شخص اپنا ویب سائیٹ،فیس بک پیج،بلاگ یا ٹویٹر،لنکڈ اِن کے ذریعے صحافتی کام سر انجام دے سکتا ہے۔کسی زمانے میں صحافی یا لکھاری رسائل ،اخبارات کی محتاج ہوا کرتی تھی کہ وہ اس کی تحریریں،رپورٹس اور تجزیئے شائع کرے لیکن آج سوشل میڈیا کی ترقی نے کسی بھی صحافی کو خود کفیل بنا دیا ہے کہ وہ اپنے مثبت صحافتی کردار کو احسن طریقے سے انجام دے سکے اور اپنے قارئین ،سامعین،ناظرین تک اصل حقائق پہنچا سکے۔میرا بلوچستان بھر کے ان نوجوانوں سے اپیل ہے کہ وہ اس میدان میں اپنا مثبت کردار ادا کریں اور اپنے اپنے علاقے کے حالات کو شائع کرنے کیلئے سوشل میڈیا کو زیادہ سے زیادہ استعمال کریں اور صحافت میں مثبت کلچر کو فروغ دیکر زرد صحافت کی حوصلہ شکنی کریں جس سے معاشروں میں انتشار پیدا ہورہا ہے۔اس کام کیلئے صحافتی خواہش مند نوجوانوں کیلئے صرف تربیت کی ضرورت ہوتی ہے باقی لوازمات مثلاً ایک عدد موبائل سیٹ،کمپیوٹر،کیمرہ ان کے پاس پہلے سے موجود ہوتے ہیں اور انہی ہتھیاروں سے وہ ایک صحت مند معاشری کی تشکیل میں اپنا کردار بھی ادا کرسکتا ہے اور اپنا مقام بھی حاصل کرسکتا ہے۔

روشت ءُ بلوچ چاگرد

رَوِشت Attitude ءُ بلوچ چاگرد

اِلتاپ بلوچ

روشت attitude پرانسیسی لبزے کہ چہ بُندرا اَتالوی لبز attitudine ءَ چے دَر اتکگ کہ اشی بزانت ابدہمی داں کہ اژدہمی کرنءَ ازم(آرٹ) ھاس کن پینٹنگ ءُ عکس کشی ءِ ٹیلنٹ ءُ لائکی(aptitude ) ءِ بزانتءَ گشگ بوتگ۔چدءُ پد اے اصطلاح پہ دماگی(دماغی)مثبتیں جاورے ءِ بزانتءَ زانگ ءُ گُشگ بوت۔بلئے اژدہمی کرنءِ تہا اے لبزءِ بزانت بدل بووان بوت ءُ یک انچیں درانگازی مارشتے ءَ گوں بندوک بوت کہ مردمءِ دماگی،جسمانی سُر پُر ، تب ءُ ابرمءِ درانگاز بیوکیں سُر پُرانی بزانتءَ دیما آرگ بوت۔بزاں اے لبز مرچیگیں سائنسی دنیاءَ یک مردمے ءِ بنکی پکرءُ سساءَ چہ ودی بوتگیں کردءَ گوں ہمدپ اِنت کہ مدام چہ مردم ءِ چاگردءَ چہ ہما مردماں ہمےَ روِشت(رویہ) د رانگاز بنت۔ مردمءِ ھبر کنگ،ایکشن،ری ایکشن،ءَ چہ درانگاز بووکیں ہما پیگام(message ) کہ دیمے مردماں سر بیت،ہما Rays کہ دیمے مردمءَ یک پیگامے دنت ءُ دیمے مردم چرائی اےُ سر پُراں بازیں مانا ءُ بزانت در کنت،ہمیش رَوِشت گشگ بنت۔اےَ روِشتءَ مردم یک ھاسیں measurement یے سرا چار اِت ءُ تپّاس اِت نہ کنت بلکیں یک ھاسیں مارشتے اشاں پجّا کاریت۔دگہ دگہ چاگردانی نندوکیں مردمانی دگہ دگہ attitude بنت۔ہر انسانءِ وتی وتی چاگردءِ المی کچ ءُ کساسانی متابکءَ رَوِشت جوڑ بیت یا ہر یک راجے ءِ ھاسیں راجی رَوِشت بنت کہ گوں ہما راج ءِ راجی کیلو،تب ءُ ابرم یا چاگردی کتہ کاریءَ چے درانگاز بنت۔ونسٹن چرچل ءِ گشتن انت کہ Attitude is a little thing that makes a big difference
بزاں رَوِشت ءِ جند زاہرءَ یک کسئیں چیزے بلئے اے مردمانی نیامءَ مزنیں پرک ءُ تپاوتے درانگاز کنت۔
بنی آدم ءِ زندءِ ہر ساہتاں رَوِشت ءِ درانگازی ہما چاگردءِ تبءُ ابرمءِ متابکءَ بووگا انت۔
رَوِشت سئے بہرانی تہا اِنت،یکے ادراکی cognitive بہر،دومی مارشتی(emotional ) بہرءُ سیمی کرداری بہر گشگ بیت۔
ادراکی رَوِشت ءِ تہا مئے زانت(knowledge ) ءِ مزنیں کردے است انت کہ اے رَوِشت مئے علمی مالوماتانی بنیادءَ درانگاز بنت،مارشتی رَوِشت جذباتانی نمائندگی ءِ درانگازی ءِ نام انت کہ بنی آدم کجام چاگرد،کجام کساسءَ علمی یا بے زانتیءِ تہا انت،آئی کجام کہ مارشت بنت ہما ہانی درانگازی ،رویہ ءِ مارشتی بہر زانگ بیت۔سیمی کہَ روِشتءِ کرداری بہر اِنت اے ہما چاگردءِ انسانءِ یکے دومیءَ گوں پیش آیگ ءُ آئی ءِ عملی کرد ءِ درانگازیءِ رَوِشت اِنت کہ تو عادتاً چہ پیم دیم ءِ مردمءَ گوں پیش کائے۔
رَوِشت ہما یکین اِنت کہ اے سئیں دگہ دگہ شری یا ھرابی کہ مردمءِ تہا جاگہ کن اَنت ءُ ہما چاگردءَ مردمءِ تب ءُ ابرمءَ گوں یک بنت ،زندءِ ہر ساہتاں اشانی درانگازی چہ مردمءَ بیت،اشی ءَ روشت (رویہ ،Attitude )گش انت۔اگاں ما رَوِشت ءِ پراہ ءُ شاہگانیں بزانتءَ در بہ گیجیں تہ مارا سما کپیت کہ اے دنیاءِ تہا سے تہر ءِ مردم است پمشکہَ روِشت اوں ہمے سئیں تہراں بہر کنگ بوتگ،یکےءَ گشنت positive attitude ،دومیءَ گشنت negative attitude ءُ سیمیءَ گشنت neutral attitude ۔
اشانی تہا ہما مردم کہ positive attitude ءِ واہند اَنت پولکارانی ردءَ اے مردم مدام چہ وتی ردیاں چے در بر اَنت ،موقع پرست جوڑ نہ بنتءُ مدام دور چاری کن انت ءُ دیما رو انت۔اشانی تہا وتی سرا بھیسہ،اوستءُ امیت،وتی کتگیں شریں کاراں چے وشی،احساس ذمہ داری،flexibility ،راست گوئی،تچک ءُ حقیں ھبر کنگءُ اصول پرستیءِ عنصر گندگا کاینت۔
ہمامردم کہ Negative attitude ءِ واہند اَنت،اشانی رَوِشت چش انت کہ اے مدام دگرانی ھرابیانی سرا چماں سک دئینت ءُ وتی ردیانی ذمہ وار دگراں لیک اَنت ءُ بدل بووکیں وہدءُ چاگردی جاوراں گوں مقابلہ کت نہ کن اَنت ءُ مدام وتی ناکامیانی ذمہ وار چاگردءِ اندگہ مردماں گشنت ءُ ہمے رنگءَ وتا پشتءَ دور دَئے اَنت۔مدام گلگ کنگ،دگرے زَنگ جنگ،ناامیت ءُ دلپروش بووگ،سک شَکی بووگ،دگرے سرا زہرآوری ءُ حسد کنگ،احساس کمتری ءِ آماچ بووگ negative attitude ءِ آماچیں مردمانی عادت جوڑ بیت۔
ہما مردم کہ Neutral attitude ءِ واہند اَنت،اشانی دلءَ ہچ رنگءِ جیڑہ ارزشت ندار اَنت،اے ٹولی ءِ مردم وتءَ چہ ہر چیزءَ جتا ءُ غیر ذمہ وار لیک اَنت۔اگاں یک چاگردےءَ جیڑھے است تہ اے تہرءِ مردم اے جیڑہءَ گیش ءُُ گیوار کنگءِ ذمہ وار وتءَ نہ لیک اَنت بلکن وتءَ غیر ذمہ دار کن اَنت کہ دومی وت اے جیڑہ ءَ شر کنت یا وہد ءِ گوزگ ءَ گوں اے جیڑہ وت گیشءُُ گیوار بنت ۔اے ٹولیءِ مردم سک بے حس بنت،ءُ چہ چاگردی ہر چیزءَ لا تعلق بنتءُ دلجمی ءُ ایمنی ءَ زندءَ گوازین انت۔
مئے چاگردی رَوِشت یا انفرادی رویہ کہ ما ،مارگ ءَ ایں باز براں اے رویہ مئے نزانتکاری ءُ بے علمی ءِ سوبءَ مئے شخصیتءِ تہا جاگہ کن اَنت،باز براں مئے ردوم انچیں چاگرداں بیت اودا negative attitude ، positive یاneutral attitude ءَ سک جاہ کتگ ءُ ما چہ درکسانیءَ ہمے چاگردءِ تہا رُدوم زوران،ءُ ہمے عادت مئے تہا جاگہ کن انت ،باز براں علمی مردمانی رویہ یا ہما مردم کہ پوزیٹیو بنت، ہماہانی رویہ دیمے مردمءِ رویہ ءِ سرا نیگیٹیو بیت ،چیا کہ دیمے مردمءِ رَوِشت ہمے رنگ ءَ انت ،کہ دومی مردم چراِیشی ءَ اثر مند بیت۔پوزیٹیوں رَوِشت ءِ رمءِ مردم کہ چاگردءِ تہا ردوم بزور انت تہ یک چاگردےءِ تہا دیمروی گیشتر بیت ۔
بلوچ چاگردءَ انفرادی ءُ اجتماعی رَوِشت:
اگاں ھورتچاری بہ کن ئے تہ بلوچ چاگردءِ تہا سئیں تہرے رَوِشتانی مردم گندگ بیتءُ بلئے مئے اے نبشتانکءِ تہا گیشتر ما ہما رَوِشتاں فوکس کناں کہ ہمیشانی سوَبءَ مئے راجی چاگرد،لبزانک،راجکاری،ءُ زندءِ ھر تکءَ ہمے رَوِشتاں پرُشت ءُ پروش دور داتگ۔اے رَوِشت نیگیٹیو رَوِشت اَنت کہ بلوچ زندمانءِ تہا ہوار انت ءُ بلوچ چاگرد اِش تہون تہان کتگ ۔
مان نیارگ: اشی بزانت انت کہ دومیگا ھساب نہ کنگ،نہ منّگ ءُ ہچ بئے نہ کنگ کہ دیمے مردم ءِ ارزشت ءُ بستار چی اِنت۔سرزاہرءَ اے یک لبزے بلئے اگاں ما وت ماں وتی چاگردءِ تہا یکے دومیگ ءِباڈی لینگویج،،ءَ گپ ءُ تران یا دگہ مردمے ءِ باروا ڈسکشنءُ چمشانک دئیگءِ وہداں ،بچاریں تہ ما گِندیں کہ بلوچءِ باڈی لینگویج بازیں چیریں ھبراں پدّر کنت،ءُ اے الّت گیشتر سروکیں مردمانی تہا گندگ بیت۔ہما مردماں کہ نیمگ و نیم سوتکیں وانگی سَنَد ءُ ڈگری ھست اے تب گیشتر ہماہانی باڈی لینگویجءَ گندگ یا مارگ بیت۔عمومی صورتءَ ہر بلوچ کہ دومیگ ئے باروا ھبر کنت تہ آئی باڑی لینگویج یا کہ آئی گشتگیں لبزاں چے پدر بیت کہ دیم ءِ مردمءَ یا ہما مردما کہ آئی ءِ بابتءَ تران کنگ ءَ انت،آئرا اے مردم ہچ بئے کنگا نہ انت یا مان نیارگ ءَ انت۔
باشکو جَنَگ: Bashoko janag : اے اوں یک انسانی تب ءُ ابرم ئے پّدر کنت،اشی بنکی تب ءُ نزیکی گوں ہما مان نیارگ،،ءَ گوں نزیک اِنت۔اے اوں یک کیفیتے کہ دیم ءِ مردمءِ باڑی لینگویجءَ چے مارگ بیت بلئے برے برے اے کیفیتءِ ہمراہیءَ لبز اوں کارمرز کنگ بیت۔اے کیفیت اوں بلوچ ءِ تب ءُ ابرمءِ تہا است اِنت۔پہ دَروَر، من ایشی ءَ اے رنگءَ گیشین آں کہ اگاں کہ دو وانندئیں(گیشتریں مردم نیمگ ءُ نیم سوئیں وانندہ انت پمشکہ من لبز وانندہ کارمرز کنگ ءَ آں)بلوچ یک جاگہ نشتگ یک مسئلھے ءِ بابتءَ گپ ءُ تران کنگا انت تہ یکے اگاں دومیءَ جست بہ کنت کہ ’’پلانی‘‘ تئی ھیالءَ چونیں مردمے؟ تہ ہمے دمانءَ دیم ءِ مردمءِ پسہ ہمیش بیت کہ ’’اوھوں۔۔۔پِلانی۔۔؟ اے وَ مردُمی جندے نہ انت۔یا دیم ءِ مردمءِ لبز ایش نہ بنت بلئے باڈی لینگویج ترا یک پیگامے دنت کہ اے مرد پلانی،،ءَ ہچ مان نیارگا انت ءُ بئے کنگا نہ اِنت۔بزاں لبزے اے رنگا بنت’’ھو۔! پلانی واجھے۔۔مزنیں مردمے۔۔ما کُجا ءُ پلانی کُجا۔۔،ادا لبز وَ سر زاہرءَ شریں قابل احترامیں گشگ ءَ انت پلانی ءِ بابتءَ بلئے دیمے مردم آئی ءِ باڈی لینگویجءَ کہ گنداِیت آھرا سما بیت کہ اے واجہ پلانی ءِ بابتءَ چے گشگ لوٹیت۔
اگاں بلوچ سائیکوءَ یک تب زانتیں مردمے بچاریت تہ یک ھبرے تچک اِنت کہ بلوچ ءِ گیشتریں مردم ذاتی انا پرستیءِ آماچ اَنت پمشکہ آ ہچبر ہچ ھبرے تہا پروش ورگ یا پُشتءَ کنزگءِ حقءَ نہ اِنت۔چش کہ مئے ہر یکےءِ روشت گوں دومیگءَ یک حسابءَ اَنت ہمے ھاترءَ مئے یکے دومیگءَ ہمے روشتانی حسابءَ پسہ اوں دئیگی اِنت۔ءُ بلوچ ءِ آبادی اوں چہ اندگہ راجانی حسابءَ کم تر بوتگ ءُ شنگ شانگ بوتگ پمشکہ بلوچءِ مقابلہ مدام گوں وتی براتءَ بوتگ ءُ آئی ءِ کش ءُ کراں دگہ درآمدیں راج نہ بوتگ۔ہمے واستا اے نیگیٹیو رَوِشت کہ مئے زندءِ بہرے جوڑ بوتگ ما ایشی ءِ آماچ بوتگیں ءُ یکے دومیگ جہل دور دئیگ ءُ پروش دئیگءِ واستا مئے اندرءَ اے رَوِشتاں سک جاگہ کتگ ءُ مرچی اے رَوِشت مئے زندءِ مزنیں بہرے جوڑ بوتگ اَنت۔ءُ مارا ہچ رنگءَ دیما رَوَگ نہ ھلگ ءَ اَنتءُ مئے چاگرد ءِ ہر تک ءُ پہناتاں مارا پُشتءَ برتگ اِش ءُ پروشءِ آماچ اِش کتگ۔
اگاں جھلاوان،سراوان ،شال یا بگٹی،مری ایریاءِ بلوچ کہ بوتگ اَنت آہاں مکران ءِ نندوکیں مردمانءَ مدام لوُجّر خور،، گشتگ،یا مکرانءِ نندوکیں مردماں مدام براہوی اسپیکنگ بلوچانءَ ’’دڈنمبو‘‘ءِ نامءَ توار کتگ۔اے ہما رَوِشت بوتگ اَنت کہ یکے دومیگءَ ہچ حسابءَ نیارگ ۔یا ما بازیں بلوچ دمگانی اے رَوِشتاں مدام ہر ساہت گنداِیں کہ ما یکے دومیگءِ نامءَ پہ مان نیاتکی کپّی چُنڈی کن اِیں،پہ دَروَر ما مدام مجیبءِ نامءَ مُجیبُک،،حبیبءِ نامءَ حبیبُک،،جام ءَ مدام جامُک،اللہ بخشءَ ’’اَلُّک‘‘ گش اِیں یا تاجءَ ’’تاجُک‘‘ءُ ناگمانءَ ’’ناگوُ‘‘ءُ ہمے رنگءَ خدا بخش ءَ ’’حُدوکّ‘‘گش اِیں۔اے کیفیت دو ٹیمباں بیت انت اولی وَ ہما رَوِشت اِنت کہ اجتماعی تبءَ گوں ہمگرْنچ اِنت دومی وَ برے برے کہ یک مردمے سک ترقی کنت دیما رؤت مارا زہر کئیت ءُ ما دیم ءِ مردمءَ ہمے رنگیں ناماں گوں توار کن اِیں۔
نیم نام توار کنگ باز براں پہ دوستی بیت بلئے ہما ساہتءَ کہ پہ دوستی توار پر کنگ بیت آ ساہتءَ توار پر جنوکیں مردمءِ باڈی لینگویج وت زانگ بیت کہ اے پہ دوستی نیم نامءَ توار کنگ ءَ اِنت ءُ ہما کہ پہ حسد یا پہ مان نیاتکی توار پر جنگ بووگ ءَ اِنت آ اوں زانگ بیت۔
ہمے رَوشتانی برکت اِنت کہ مرچی ما راجکاری Politics،لبزانک Literature ،ءُ زندءِ اندگہ پڈا بہرءُ بانگ بوتگیں ۔ادا من یک ھبرے دگہ گیشینگ لوٹ آں کہ مدام مردم بہر ءُ بانگ بووگ ءَ نیگیٹیو نہ زور انت بلکن ایشی ءَ ڈیموکریٹک رنگےءَ چار اَنت کہ ہر یکے ءِ وتی لیکو بنت یا وتی جتائیں نظریہ بیت پمشکہ کس کسّی بندوک نہ انت کہ ہرچیز تو جیڑے یا ہما راہءَ کہ تو روئے دومی اوں ہما راہءَ بئیت انت۔من وت اوں ہمے ھبرے منّوکاں بلئے ما کہ اے چاگردی پرشت ءُ پروش ءِ ھبرا کنگ ءَ اِیں بلوچ ءِ اے پرشت ءُُ پروش، آ پوزیٹیو پرشت و پروش نہ اِنت۔دنیاءِ تہذیب یافتھیں راج یا ملکانی تہا لبزانکی یا راجکاری پڑا مدام دو،،راہ ءِ مردم بنت یکے لفٹ گشگ بیت ءُ دومی رائیٹ گشگ بیت۔بازیں جاگہاں سیمی راہ ءِ اوں گنجائش ھست اِنت کہ ہما ملک یا راجءِ راجکاری،لبزانکی یا چاگردی تبءِ متابکءَ سیمی راہ گیشینگ بیت،بلئے بلوچ ءِ چاگردءَ اگاں چماں شانک بہ دیئے تہ ادا ہر یک مردمے گوں وتی نیگیٹیو رَوِشتاں جتائیں راہ،جتائیں لیکہ ءُ نظریہ ءِ مردمے۔اے ھبر اوں راست اِنت کہ بازیں نیگیٹیو رَوِشت مارا چہ قدیمءَ گون اَنت ءُ بازیں رَوِشت ہما دری راجاں کہ مئے سرا حاکمی کتگ ءُ مئے سرڈگار آوار جتگ اِش،ہما راجاں چہ ما بازیں عادت زرتگ اَنت۔بلئے ما ہر چیزءَ درامداں بائدیں میاریگ مہ کن اِیں۔داں کہ ما وتی ردیاں وت مہ منّ اِیں ءُ اشانی سرا چمشانک مہ دئے اِیں ءُ اشاں ھلاس مہ کن اِیں تہ ہما وہداں مئے دیمروی یا مئے راجی زرمبشءِ کامیابی سکّیں مشکلیں کارے بیت۔چیا کہ مئے راجکار،ہما راجکار کہ یک گلے ءِ سروک اَنت ،آ ہچبر دومی مردمءَ وتی درور نہ کن اَنت ءُ مدام یکے دومیگءِ ھلاپءَ ھبر کنگ،لابی اِنگ،یکے دومیگءَ را جہل دور دئیگ،بد رَد کنگ ءُ انچیں رَوِشتانی آماچ اَنت کہ دیمترا اشانی یک بووگ ءِ ہچ رنگیں امکانات گندگ نہ بیت۔منءَ یات اِنت، وہدے کہ سوشل میڈیا ءُ روتاکاں کہ بلوچستانءِ دو مزنیں گلانی نیامءَ یکے دومیگءِ سرا بھتام تراشی،بندات بوت ءُ ہمے ھبر دیما اتک کہ ما جمہوری پارٹی اِیں ءُ ما تنقید یا نگد ءُ ایرادءِ منّوک اِیں بائداِنت ردی منّگ بہ بنت ءُ یکے دومیگءِ ردیانی نشاندہی ءَ بہ کن اِیں۔ہمے نیامءَ بلوچ نبشتہ کار،کوّاس واجہ صورت خان مریءَ وتی یک انٹرویوءِ تہا گشت کہ ’’اگاں اے دوئیں مزاحمتی گل‘‘یکے دومیءِ ھلاپءَ جنگءِ میدانءَ بیا اَنت تہ دنیاءِ ہچ طاقت اشانی سلاہءَ کُت نہ کنت ءُ اے یکے دومیگءَ ھلاس کن انت نوں بس کن اَنت،،۔
منی ھیالءَ اے ہمے راجی نیگیٹو رَوِشتانی پُشدرءَ واجہ صورت خان مریءَ گشتگ کہ مئے رَوِشت انچش اَنت کہ ما یکے دومیگءَ برداشت نہ کن اِیں ءُ ما انا پرستیں مرد ایں، اگاں ما یکے دومیگءِ دیمءَ اوشتات اِیں تہ کس مارا گیشءُ گیوار کت نہ کنت داں کہ ما یکے دومیگءَ ھلاس مہ کن اِیں ۔بلوچ راجی دپتر اگاں چارگ ءُ تپاسگ بہ بیت مارا بازیں وئیل دست کپیت کہ بلوچاں وت ماں وتی جنگ، گوْنڈ گوْنڈیں ھبرانی سرا بندات کتگ ءُ یکے دومیگ ءِ بیست بیست سریں ءُ لائقیں مردم کشتگ اَنت۔بلوچ گلزمینءِ چاریں کُنڈ ہوناں مین اَنت گوں اے گونگیں وئیل ءُ واقعاتاں۔
کوہنیں زمانگاں وانگ ءُ زانت ءِ کمی بوتگ ءُ سائنس ءُ ٹیکنالوجی ءِ دیمروی اے رنگءَ کہ مرچی بوتگ،پیشءُ زمانگاں چش نہ بوتگ پمیشکا بلوچ راج دپترءِ تہا ما گنداِیں کہ بلوچ مزنیں زھم جن بوتگ اَنت ءُ مزن مزنیں جنگ کہ بوتگ انت بلوچ سوبین بوتگ اَنت۔مرچی کہ دنیا گوں سائنسی علم و زانتءَ ہمگرنچ اِنت،ہر چیز بدل بوتگ اَنت۔جنگانی رہبند بدل بوتگ اَنت ہر یک راجے ءِ لیکو بدل بوتگ اَنت بلئے مرچی بلوچ وتی ہما کوْہنیں زہم جنی ءِ وابان اِنت۔برے برے ورناہانی مجلساں کہ مردم نندیت گیشتر یں مردمانی ھبر ہمیشنت کہ’’اے پنجاپی چِرِّ کی‘‘مارا چے کت کن اَنت۔۔۔! اے ھبر اوں ہما مان نیارگ اِنت کہ زیک بلوچ زھم جن ءُ جنگجو بوتگ مرچیگیں نوکیں کرنءَ اوں ہما کوْہنیں واباں در نئیت۔ہمے سوْب اِنت کہ وتی زند،چاگرد،وشی،مرگ ءُ میران،جنگ ءُ جدل،لبزانک،راجکاریءُ زندءِ ہچ تکءَ حکمت عملی گوں منصوبہ بندیءَ نہ بنتءُ اے شورشءِ تہا مدام لَٹّ وارت ۔
یک سِلّیں عادتے ایش انت کہ ما بہ حیثیت راج ہر واقعہ،ہر دروگ،ہر ھبر ءُ ہر مردمءِ باروا وت سرا ’’رائے‘‘ جوڑ کن اِیںءُ ہما ھبر کہ نہ بوتگ ما جوڑین اِن ءِے ،بزاں کہ بلوچی یک بتلے ھست اِنت’’نرینءَ کُرَّ گ‘‘چیرءَ دئے اَنت ،ھالانکہ نرین دلوت بہ بیت یا نریں بنی آدم ءُ درچک ءُ دار ،ہچ رنگءَ چُک ءُ بر چہ وت نہ کنت ،بزاں اے نہ بووگی چیزے بلئے ما ایشی ءَ کن اِیں۔غلط العام نامیں ٹرمے ھست کہ مئے مارشت،مئے زبان،مئے رہبندانی تہا بازیں جاگہاں گندگ بیت۔اے کلیں نزوری سدانی سالاں چے مئے اندری مارشت،ءُ شخصیتانی تہا جاگہ کتگ نوں اشانی در کنگ نہ بووگی گبّے نہ اِنت بلئے سک گران اِنتءُ باز جہد کنگ لوٹیت ءُ باز وہد ہم لوٹیت۔البتہ مرچیگیں زمانگءِ ہما مردم کہ پُہتہ ءُ وانندہ اَنت آہانی ذمہ واری کمے گیش بنت ءُ اے رنگیں جاورانی گرءُ داراں آہانی کرد مزنیں ارزشتے داریت۔اے رنگءِ نفسیاتی ،سیاسیءُ راجکاری جیڑہانی نشاندہی،ءُ آہانی گرءُ دار کنگ المی اِنت۔رَوِشت(Attitute ) ءِ راجانی زندءِ تہا مزنیں ارزشتے ھست اِنت بائدیں ما وتی رَوِشتاں گوں وت،گوں وتی سنگتءُ ہمبل،گون وتی ہمساہگءُ ہمراہاں ابید گوں درآمدان اوں شر بہ کن اِیں داں کہ ہمے عادت مئے پدریچاں گون مہ بیت ءُ مئے راجی دیمرویءِ دیما ہچ رنگیں اوشت ءُ رکاوٹ مئیت۔
بلوچ چاگردءَ پوزیٹیو رَوِشت اوں سک باز اِنت بلئے مئے مول ءُ مراد ہمیش اِنت کہ ما وتی نزوری ءُ نیگیٹیو رَوِشتاں گیشتر فوکس بہ کن اِیں ءُ اشاں چہ وت در کنگءِ جہدءَ بہ کن اِیں داں کہ ما مرچیگیں دنیاءِ گاماں ہوار شُت ءُ زندگ بوت بہ کن اِیں ۔
اگاں ما یکے دومیگ ءِ عزّتِ نفس،،ءِ ھیالداری بکنیں تہ ما وتی اندرءِ انسانءَ رنگراہان چہ در کُت کناں۔چونہا راجکاری،بلئے آشوبی راجکاریءِ تہا یکے دومیگءِ سرا بھیسہ کنگ المی اِنت،بلئے تربیت چدءُ مستریں کارے کہ چینکس تو ھیل زرتگ ءُ لیکہاں گوں ھمگرْنچ ئے یا وتی ادارتی ذمہ واریاں جوانیں رنگےءَ پیلو کنگ ءِ لائق جوڑ بوتگے۔اے ہما کار اَنت کہ یک راجکاری ادارہے ءِ اولی ذمہ واری اَنت کہ وتی باسکاں دنت اِش۔ہر قدمءَ مارا وتی نیگیٹیو رَوِشت وت چارگی ءُ ھلاس کنگی اَنت۔

بلوچ دودمان

balochدودمانءُ بلوچ ربیدگ
اِلتاپ بلوچ

کوّاس ،نبشتہ کار ءُ پول کارانی گشگ اِنت کہ،کلچر(دودمان) بنی آدمءِ یک ھاسیں ٹولی ءِ زبان،مذہب،وردِن،چاگردی آدت،سازءُ زیمر،ازم کاری کہ ہما ھاسیں چاگردءِ نندوکیں مردمانی زندءِ ہر تکءُ پہناتاں درانگاز بووکیں نشانی است انت،ہمایانی ھواریں نام اِنت۔دودمان ءَ گوں ہمگرنچیں ہمے کلیں ربیدگ ءُ دوداں ہما چاگردءِ نندوکیں مردم پہ شان ءُ پہرے وتی زند ءِ المیں بہرے جوڑ کن اَنت ۔دودمان کومے ءِ زند گوازینگ ءِ سنچ ءُ آئی ءِ انسانی کیلوانی بستاراں سہرا کنت۔ ہر ہما کار کہ گچینءُ نُگدہ انت ہما دود ءُ ربیدگ جوڑ بیت ہما کار کہ ہما ھاسیں چاگردءَ ایبے لیکک بیت آ کار ہما راج،ہما چاگردءِ نندوکیں مردمانی دود یاربیدگاں چے ڈن لیکگ بیت پمیشکہ آ چاگرد چہ وتی دود ءُ ربیدگاں ڈن کتگیں کارے ءَ ایر جن انت ءُ آئی ءَ ھچبر کبول نہ کن انت، چیا کہ کومے تہنا چہ کرن ءُ زمانگانی تجربتاں وتی گچین کتگیںء پہ وت گیشینتگیں دود ءُ ربیدگاں بس پہ زند ءِ گوازینگا المی زانت ءُ اشانی بر ھلاپ ءَ کتگیں ھر کار ءَ چہ وتی دود ءُ ربیدگاں در لیک ایت ءُ ایر جنت ۔
ھر کوم وتی لوٹ ءُ پکاراں وتی زمینی (جغرافیہ ئی) ،سیاسی ، معاشی ءُ دگہ ھاسیں گواچنی راستیانی بنیاد ءَ وتی کرن ءُ زمانگانی تجربتاں پد جوڑ کنت ءُ دود ءُ ربیدگ ءُ پدا دودمان ءِ بستار ءَ دنت پمیشکہ اگاں ما اے سر زمین ءِ سرا بنی آدم ءِ تاریخ ءَ چاراں گڑا پدر بیت کہ دنیا ءِ ہر د مگ ءُ ھر نیمگ ءَ دگہ دگہ راجانی دگہ دگہ دود ربیدگبیتگ انت ءُ است اَنت۔
دودمان(کلچر) ءِ تہر: دودمان ءِ چونہا دوتہر اَنت،یکےءَ گشنت جوڑشتی دودمان (مٹیرئیل کلچر) ءُ دومی ءَ گشنت گیر جوڑشتی دودمان ( نن مٹیرئیل کلچر) جوڑشتی دودمان ہمائی گشنت کہ کومے کہ ھما یک میّن ایں چار ھد یا ملکے ءِ زند گوازینوکیں مردمانیھاسیں ٹولی ءِ پُچ ءُ پوشاک،لوگءُ گسانی بندگءِ رنگءُ دروشم،وانگ جاہ،ابادت جاہ،کِشتءُ کِشاری ءِ رہبند،کشت و کشاریءِ سازءُ سامان،اوزارانی جوڑ کنگ ءُ کارمرز کنگ،ءُ ہمے رنگءِ دگہ چیزکہ ہما راجءِ یا زمینءِ سرءَ آبادیں ہما ٹولیءِ پجّار بہ بنت ھمیشاں گشنت جوڑشتی دودمان۔پہ درور ، اگاں مرچی مایک جاگہے کُڈکے گنداں یا یک جاگہے آپءَ چہ پُرّیں کلّی(مشک)ئے گنداں گڑاں رسگامارءَ وتی بلوچ دود گیر کاینت ءُ ما گشاں اے بلوچءِ دود ربیدگ انت۔اگاں ما بلوچ زالبولانی پوشاکءَ بزوراں،دنیاءِ کجام کُنڈےءَ یک زالبولےءَ اے پوشاک گورا بہ بیت تہ ہر کس گشیت کہ اے بلوچی پوشاک اَنت۔بزاں زندءِ زلورتانی پورہ کنگ ءِ ھاترا بنی آدمءِ ہما ھاسیں ٹولیءِ ازم کاری ءَ ما ہما راجءِ جوڑشتی دودمان ءِ نامءَ دئیں۔
گیر جوڑشتی دودمان : بزاں نن میٹرئیل کلچر ،اے ہما دودمان اِنت کہ اے زاھری ءُ پدری ازم کاری کالب ءُ جوڑشتاں گوں سیادی نداریت،بلکن اے گوں ہماکوم یا ھاسیں ٹولی ءِ مردمانی تب،بھیسہ،لیکو،نندگءُ پاداہگ،زند راھبندیا راجی کیلو،زبان،مُچی یاچاگردی ادارہاں گوں بندوک انت ۔
انسانی دپترءُ انسانی دودمانءِ دیمروئی:
سائنس دانانی گش انت کہ اے ہستی ءِ تہا ہر چیز بدل بیت ءُ بدل بئیگا انت،اگاں انسانی دپترءَ بچارے تہ اے شون مارءَ دست کپیت کہ لکھاں سالانی گوازینگا پد بنی آدم مرچیگیں شکل و دروشمءَ اتکگءُ سر بیتگ۔ہمے پیما زمین،درچک ،دار،دریا،کؤر،شیپ،دلوت بلکن ہر چیز کہ اے ہستیءِ تہا است انت،اے کل وہدءِ سرا وتی رنگ ءُ دروشم ءُ کالب ءُ چیدگانی تہا بدلی آران بیتگ انت۔ما اگاں انسانءِ جندءَ بچاریں تہ پدر بیت انسان ءَ مزنیں سکی ءُ سوری، وھد ءُ زمانگانی تاڑ ءُ تیلانک،موسمانی بدلی ءُ سدلی ءِ ھمراہی ءَ انسانی ردوم بزاں ارتقاء ءِ تہا مزنیں بدلی و سد لی آ ورتگ ءُ انسان چہ یک جانور دروشمے چیزے ءَ یک مہذبیں ساھدارے ءِ شرف ءَ سر کتگ ۔
ھمے رنگا چہ وھد ءُ زمانگ ءُ زند ءِ ردوم (ارتقاء ) ءِ اثراتاں درچک ءُ اے دگہ ساھدار ھم نہ رک اتگ انت ۔انچو کہ انسان ءِ چک یا دگہ ساھدارے ءِ چک وتی ودی بیگ ءُ تاں پیری ءَ وتی ردوم ءِ بازیں منزلاں گوزگ ءَ پد سر بیت ھمے رنگا اے سر زمین ءَ زندگی ھم وھد ءُ باریگانی مزنیں پندے ءَ پد مرچیگیں دروشم ءَ سر بیتگ بلے سائنسی ردا ھمے ردوم انگتا برجاہ انت ءُ دگہ بازیں وھد ءُ زمانگا ں پد دگہ بازیں بدلی ءُ سدلی ھم کاینت ۔ بزاں وتی یکیں رنگ ءُ دابءَ زندگی ھچبر نہ اوشتیت۔
سائنسی علم و زانت یا سائنسی دپترءِ وانگءَ چہ اے ھبر پدّر انت کہ انسان اے سر زمینءَ لکھاں ارباں سال پیسر ودی بوتگ۔بلے انسان کہ مرچی اے رنگءُ دروشمءَ گندگ بیت ،ہزاراں لکھاں سال پیسر اے دروشمءَ نہ بوتگ۔نہ تہنا انسانءِ رنگءُ دروشم بدل بوتگ بلکنوھد ءُ زمانگاں گوں انسان ءِ پگر ءُ نپسیات ءُ تب ھم ھمے رنگا دیمروئی کنان انت وھدے انسان ءِ پگری سنچ ءُ آئی ءِ تب ءِ تہا بدلی کیت گڑا ھمے ھساب ءَ انسانی دود ءُ ربیدگ بدل بوانءَ سرجمیں دودماناں ھم بدل کنان کن انت ۔بنداتی انسان کہ لکھاں سالاں چو جانوراں جنگلاں وگشی ئے گوازینت ئے گڑا ھمے ردوم یا ارتقاء ءَ آئی ءَ را سنگ ءِ اہمیت ءُ چہ آئی ءَ کار گرگ ءِ پگر ءُ بیچار ءِ سنچ بکش ات۔ زانت کار ھمے دور ءَ انسان ءِ دیمروئی بندات کنگ ءُ چہ وتی کش ءُ گور ءِ چیزاں پائدگ چست کنگ ءِ سنچ ءُ شاھوکاری نیمگابنداتی دیمروئی لیک انت۔ سنگءِ زمانگ اوں دپتر زانتاں سئے زمانگءَ بہر کتگ۔۱۔سنگءِ کوْہنیں زمانگ، ۲۔سنگءِ میانجی ءِ زمانگ،ءُ ۳۔سنگءِ دور۔ہمے وڑا انسانی دپتر سنگءِ دور، زَرّبزاں پیتّل ءِ دو رءُ آسن ءِ دوراں گوں زانگ بیت۔
انسانءَ بنداتی زمانگءَ سنگ تراشت اَنت ءُ پہ شکار ءُ وتی دشمنانی جنگ ءُ تاچینگا تُوسکیں کارچ،تپر ءُ اندگہ اوزار جوڑ کت انت۔مُرتگیں دلوتانی کامپولانی دنتان ءُ کلاجورٗ زُرت ءُ داس ءِ جاگہا کار مرز کت انت۔ہمے زمانگءَ انسانءَ چہ موسم ءِ ترندی ءُ نا وشیں زھمتاں وتا رکینگ ءِ واستا درچکانی تاک زرت ءُ وتی برہنگیں جان ءِ ڈبگ ءُ چیر دیگ ھم بنا کت ۔دیم ترءَ دلوتانی پوست زرت انت ءُ شری ءَ ساپ کت انت ءُ تنکیں پوست پوشاک ءُ بزیں پوست کمبل ءُ نپاد ءِ جاگہا کارمرد کت انت۔پدا رند ترا کرپاس ءِ درچکانی پُکّی زرت انت ءُ پہ ازم کاری شال ءُ اندگہ پوشاک جوڑ کنگ ھم ھیل گپت۔اے انسانءِ انسانی اگل ءِ ھیوانی جبلتءَ چے سر سدگ ءُ پگر ءُ بیچارءُ مارگ ءِ انسانی سیم سراں اولی گام ایر کنگ ءِ دور انت ءُ ھمے رنگا اگلی ءُ مارگی سنچ بیرگا انسانءَ چہ اندگہ دلوتاں جتا کنگ ءِ سبب ھم جوڑ بیت۔
انسانی دپترءَ لکھاں سال پیش انسانی چاگرداں ٹَک ءُ بولکّ (ٹرائیبز) آنی ارزش مارتگ ءُ ٹک ءُ بولکی گروہانی دروشم ءَ زندگوازینتگ ساھدار انی ھمے ابرمی لوٹ ءَ انگتا ما جنگلانی تہا ویلیں ساھدارانی رمبانی دروشم ءَ دیست کنئے کہ کہول ءُ ھاندانی شکل ءَ ھر جاہ ءَ ھور انت۔بلے وھدے سنگ ءِ دور ءُ پدا کشت ءُ کشاری دور اتک گڑا ھمے ھوری ءُ یکجاہی ءِ لوٹ ءُ گرز پہ انسان ءَ گیشتر المی بیت چو کہ دپتر زانت Fyodor Korovkin وتی نبشتہ کتگیں کتاب(Short History Of the World،، ءِ تہا نبشتہ کنت کہ ’’ انسان ءَ تہنایا یک ءُ دو مردماں گوں ناں چہ سنگ ءُ ہڈّاں جوڑ کُتگیں سلاہ ءُ اوزارانی سرا نہ پہ جوانی ءَ پہ وت شکار کت کتگ ات نئے وتا چہ دشمناں رکینت کت کتگ ات ھمے رنگا رنداکِشتءُ کِشاری کنگ ءُ ایش رون ءُ موش ئے ھم کت نہ کتگ اتنت، ھمے انسانی لوٹ ءُ پکاراں انسان ھور ءُ یکجاہ ٹک ءُ بولکی دروشم ءَ زند گوازینگ ءَ مجبور کتءُ انسان ءَ چہ ھاندان ءَ ٹک ءُ بولک ءُ چہ ٹک ءُ بولک ءَ کو می دودمان ءِ نیمگا سپر بنا کت ،جنگلانی ساپ کنگ و آیاں پہ کشت ءُ کشار ءِ لائک جوڑ کنگ یا نا راست ءُ جُرّ ءُ ڈیمبریں یا ڈل ءُ کوہستگیں زمینانی ھم دست ءُ کشگ ءِ لائک کنگا سرجمیں ھاندان ءُ ٹکاں ھور کار کتگ ءُ ھمے زمین اش ھم ھور کشتگ ءُ رون ءُ موش اش کتگ انت پمیشکہ ھمے زمین ءُ چہ اشاں ودی بیوکیں دان ءُ کاہ ءُ بوچ ھم اشانی ھواریں میراث (مشترکہ ملکیت)بوتگ انت۔ہمے رنگا بازیں ھاندانانی ھواری ءَ ٹک ءُ ٹکانی ھواری ءَ کوم جوڑ بیتگ ءُ ھر کوم ءِ یک ھواریں بلے چہ آدگہ کوماں جتاہیں زبان ءُ گوں بازیں پرک ءُ پیراں وتی رسم ءُ رواج اش ھم جوڑ بیتگ انت۔‘‘
ہما زمانگاں ھاندانی جیڑہانی واستا چہ ھر ھاندان ءَ یکے کماش جوڑ کنگ بیتگ ءُ ھمے رنگا ٹَکّے ءِ کِشت ءُ کِشاری جیڑہ،شکار ءُ چَراگ جاہانی بہر ءُ بانگ ،یا ٹَکّانی نیامءَ جنگ ءُ جدلانی گیش ءُ گیوار کنگ ءِ ھاترءَ ٹک ءِ چہ ھاندانی کماشاں یک گچین تریں کماشے ٹک ءِ مسترءُ کماش (سپریم کونسل) ھم کتگ بیتگ ۔انچش کہ ا نگتا بلوچ راجءِ بازیں ٹَکّ ءُ ھاندانانی تہا تنی وہدی ھمے رواج اَست اَنت ءُ بازیں ھنداں انگت مردم پہ شِکار،کِشت ءُ کِشار،یا دلوتانی چَراگ جاہاں وت ماں وت اڑنت گڑا ھمے ھاندانی یا ٹکی کماش اشانی گیش ءُ گیوار ءَ کن انت ۔
بُن درا اے ھما بنداتی دور ءِ انسانی چاگردی لوٹ ءُ گرز انت کہ انسانی نسلءَ گوں ہمگرنچ اَنت۔ اگاں ما بلوچ راج دپترءَ چاراں تہ مارءَ ہما بنداتی زمانگءِ انسانی دپتر گیر کئیت۔پد منتگی،بے علم ءُ زانتی یا دیمروی نہ کنگ ءُ دنیا ءِ گاماں باز پشت ءَ پشت کپگ ءِ تاثر۔ مرچی ھم بلوچ راج کبائیلی ءُ نیم کبائیلی چاگردے ءَ زندگی کنگا انتءُ وتی بازیں شونداتانی ردا انگتا بلوچ چاگرد ھما زمانگءِ عکس ءَ پیش دارگا انت۔ پہ درور کُڈُک ءِ لوگ (گِس) ءُ آئی ءِ جوڑ کنگ ءِ وڑ ءُ پیم یا ھما چیز کہ چہ آیاں کُڈک جوڑ بیت،پِیشّ ءِ سواس،اُشتر ءُ ہرءِ سواری،میش ءُ بُزگل ءِ رمگ داری،پات ءُ پیش ءِ گوپگ ءُ ازم کاری ءُ ہمے رنگءِ دگہ دگہ بازیں دود ٗاست اَنت کہ اے ایوکءَ بلوچ ءِ ربیدگ ءَ مان نہ اَنت بلکہ انسانی دپترءِ ربیدگ اَنت کہ انسان ءِ بنداتی پد منتگیءِ نشانی انت یا بنکی دیمروئی کرد بزاں بنداتی ارتقائی کرد ءِ سپرکہ چہ ھما زمانگءَ اے دود گوں انسان ءِ جوڑشتی دودمان (مٹیرئیل کلچر)ءَ بندوک اَنت۔اے ھبرءِ مانا ایش نہ اِنت کہ چو کہ ایش انسانءِ بنداتی دودمان ءَ گوں ھمگرنچ انت پمیشکہ اشاں ما وتی راجی دودمان یا ربیدگ مہ گُشیں ۔بلکن ءَ راستی ایش اِنت کہ بلوچ یک تاریخی قوم اِت ءُ اشی ءِ ددمان چہ تاریخی دودءُ ربیدگاں سرریچ اِنت بلئے جست ایش اِنت کہ اگاں ہمے ربیدگ کہ مئے جوڑشتی دودمانءَ گوں بندوک انت اگاں انسانی دپترءَ اندگہ راجانی ربیدگ بوتگ اَنت گڑا اندگہ راجاں چہ پیم ءُ پرچہیل داتگ انت یا اشانی تہا بدلی آورتگ۔؟ اے ہما سوال اِنت کہ مئے اے سرھال ءِ واستہ منی ھیال ءَ مزنیں بستارے دارایت۔اے ھبر گواچنی اِنت کہ ہر زندگیں چیز ءِ دروشم بدل بیت،زندگیں دود ءُ رہبندانی تہا اوں بدلی کئیت۔چیا کہ وھد ءِ ھمراہی ءَ زندءِ لوٹ ءُ پکارانی درشم ءُ رنگ بدل بووان انت ءُ زندگی ءِ لوٹ گیش بیان انت ء، وانگ،زانگ ءُ سرپدیءِ راہءُ دراں مزنیں آشوبے اتکگ،ہمے رنگءَ روزگارءِ ربیتی (روایتی)دروشم مٹ بیتگ انت بلکیں اے تکءَ مزنیں بدلی ءُ سدلی ھم اتکگ اَنت،نوک نوکیں شونش (آئیڈیا)دیما آیگا اَنت کہ اشانی دیما آیگا گوں ہر چاگرد اثر مند بیان انت۔پمشکہ اے گوشگ رد نہ اِنت کہ ہر چاگردتُری آ نزوریں چاگردے بہ بیت یا توان داریں چاگردے چرے اثراتاں رک ات نہ کنت۔مزنیں چاگردءُ گہُرتیں راج دیما رونت ءُ نزور چیرترّان ءَبیگواہ بنت۔چیاکہ و ھدھچبر یکیں جاہءَ نہ اوشتیت آچوتچوکیں آپءِ رنگءَ ھمگیری (مسلسل)دیمترا جنزان انت ۔
بلوچ ربیدگ
بلوچ راجی ربیدگانی بابتا گپ جنان ءَ بازیں نبشتہ کارءُ پولکاراں ھمے جہد کتگ کہ آ بلوچی راجی ربیدگاں اسلامی ربیدگ پیش بدارنت۔آیانی ھیال ھمیش انت کہ بلوچ ءَ وتی راجی راھبند ءُ دود اسلام ءَ چے زرتگ انت بلئے من گوں اشاں تپاک نداراں چیا کہ اے منتگیں ھبر ات کہ بلوچ راج گوں وتی ھمے زبان ءُ ھمے ربیدگاں چہ ھزاراں سالاں ھمے سر زمین ءِ سرا موجود انت بلے اسلام ءِ تاریخ تہنا پانزدہ سد سال انت دومی مستریں ثبوت ایش انت کہ مئے کہن تریں شاعری مئے عہدی شاعری انت آئی ءِ تہا ترا مذہبی اثر چٹ جاہ نئیت البتہ رندترا کہ ملایانی دور اتکگ گڑا مذہبی اثرات پدریں رنگے ءَ زاھر بیتگ انت ۔بلے اے گپ ءَ کلیں زانتکار سرپد ءُ زان انت کہ بلوچ دودمان چہ ہزاران سال پیش گوں ہمے رہبنداں بندوکی ءَ اتکگ ءُ مارءَ سر بوتگ،ھر چند کہ بلوچ ءِ دودمان سک کہنیں انسانی دداں گوں باز نزیکی داریت بلے بلوچی دودمان سنٹیں دودمانے نہ انت چو کہ یکشلیں زند جاورانی سبب ءَ بلوچ ءِ زند جاوراں بازیں بدلی نئیتکگ پمیشکہ بلوچ دودمان ءِ بنیاد یا (اثاث) راست انت کہ سک کہن انت بلے ھمے میان ءَ ھر رنگیں بدلی ے بلوچ ءِ زند مان ءَ اتکگ بلوچی دودمان ءَ ھم آئی ءَ را کبول کتگ پمشکہ بلوچی دودمان تنی وہدی زندگیں دودمانےءِ بستارءَ است اِنت۔پدا پانزدہ سد سالی اسلامی دودمان ءُ ہزاراں سالیگیں بلوچ دودمانءَ زمین آزمانءِ پرک است۔اسلامی یا مذہبی دودمان ءِ رنگ ءُ دروشم ھما انت کہ بندات ءَ بیتگ انت بلے بلوچ دودمان یک راجی زندگیں دودمان ات کہ وتی کوم ءُ آئی ءِ لوٹ ءُ پکارانی شونداری ءَ یک درچ ءَ کنان ءُ پیداک انت پمیشکہبلوچ راجی دودمان زند ءِ لوٹانی ردا بدلان (گوں سُستیں رپتار ءَ) بلے روچ پہ روچ دیما روگا اِنت،اگاں یکے پٹ و پول بکنت تہ اے ھبر دیما کئیت کہ اسلامی ہما دود کہ گوں بلوچ زندمان ءُ دودمانءَ ہمگرنچ اَنت،اے اسلامی دود چہ بلوچ ءَ زورگ بوتگ اَنت گڑا بگندے مردم بھیسہ کُت بہ کنت چیا کہ بلوچ راج اے گل زمین ءِ سرا چہ ہزاراں سال پیش گوں ہمے دودمانءَ زندگ اِنت۔پمشکہ ہما بلوچ پولکار کہ بلوچ ربیدگءَ اسلامی ربیدگ گشنت آیاں سہہ وارتگ یا گوں دینءَ گیشیں نزیکی ءِ سبب ءَ آیانی جند ءِ واہگ انت کہ ما بلوچ دودمان ءَ گوں اسلامی دودمان ءَ یک بکنیں ءُ پیش بداریں گڑا چشیں ذاتی واہگ ءُ ھبراں علمی ارزش ءُ بستار نہ بیت۔ادا اے ھبر ھم شموشگ مہ بیت کہ بازعرب نبشتہ کاریا عرب ملکاں جاہ منندیں بلوچ نبشتہ کاربلوچاں یک کومے ناں بلکیں عربانی یک ٹک ءُ کبیلہ ے لیک انت بلے چشیں کلیں نبشتہ کارانی نبشتہ کتگیں ھبر اشکیں کسہ ءُ داستانی ھبرانی بنیادان انت ھچ یکے ءَ سائنسی ءُ گواچنی ثبوت و دلیل دات نہ کتگ پمیشکہ چشیں ہوائی ھبراں سائنسی پولکاری ءِ تہا ھچ بستار ءُ ارزش نہ بیت ۔ ھمے رنگا بازیں نبشتہ کارگشیت کہ بلوچی زبان چہ فارسیءَ دراتکگ،بلئے چوش نہ اِنت چیا کہ تاریخ دانءُ پولکارانی ردءَ بلوچی زبان چہ پارسیءَ سک باز پیسریگیں زبانے،بلئے اے ہما تاریخ نویس اَنت کہ گیشتر پارسی تاریخ نویسانی نبشتانکاں ارزشت دئینت یا کہ ہماہاں وان اَنت۔(ادا اے ھبر شموشگ مہ بیت کہ ایرانی سرکار ءَ مدام ھمے جہد کتگ کہ بلوچ فارسی زبان ءُ کوم ءِ یک ٹکے پیشدارگ بہ بیت ءُ جتا کومے ھچبر منگ مہ بیت)بلے راستی ایش انت کہ بلوچءِ دودمان ناں کہ چہ ارباں اتکگ ،ناں کہ چہ پارسیءُ اسلامءِ دودمانءَ زورگ بوتگ بلکن بلوچ ءِ زبان،دودمان زندگیں رنگے ءَ ہزاراں سال پیسر بلوچ ءِ راجی دودمانءُ راجی زندءَ درانگازکنان ءَ پیداک انت ۔
نوں بیا ما ءُ شما بلوچ ءِ دود ءُ ربیدگاں چمشانکے دئیں کہ چہ ہزاراں سال پیسر تنی وہداں ھمگیری ءَ بلوچ دودمانءِ پرُ ارزش ءُ المی ایں بہر اَنت۔چریشان یکے ،بِجّار،، اِنت۔
بجّار یا بجّاری :
بجّار یا بجّاری بلوچ چاگردی زند ءِ یک سکیں کہنیں رواجے ۔ کہ اگاں یک میتگےءَ کسّےءِ آروس بیت گڑاں میتگءِ کلّیں مردم آئی کُمک کن اَنت،آروسءَ پیسر سالونک یا بانورءِ پت ءُ مستریں مردم میتگءَ یا میتگءَ ڈَن وتی پجّاروک،سیادءُ ازیزانی کرّا پہ کُمکءِ زورگا رونت کہ ھمے کُمک ءَ بِجّار گشنت۔اے بجّار دلوت بنت یا نگدیں ذرّ،برنج،روگن یا دگہ وردنی چیز کہ ہر یکے وتی وتی بستارءِ متابکءَ دئینت۔بجّار مدام پہ سورءُ آروسی مراگشاں دئیگ بیت۔
بیر:
بلوچءِ وتی یک ھاسیں تبے کہ مدام بلوچ ءِ زندمانءِ درہیں کاراں بلوچ ہمے تبءِ متابکءَ بزاں گوں وتی راجی ابرمءِ متابکءَ زندمانءَ گوازینیت۔اے ابرم نہ ایوکءَ بلوچءِ تبءَ گوں ہمگرْنچ اِنت بلکن گوں دنیا ءُ سائنسءِ لہتیں قانوداں ہمدپ اِنت،اگاں تو یک پُٹبال( FootBall ) زورے گوں سکّیں زوراں گوں دیوالءَ جنے تہ ہمے پُٹبال ہما زوراں گوں واتر تئی نیمگءَ کئیت۔ہمے ابرم بلوچءِ تبءَ ہوار اِنت،اگاں بلوچءَ کسے مہر دنت گڑاں بلوچ دیم ءِ مردمءَ گیش مہر دنت یا کہ اگاں کسے یکے ءِ مردمے کُشیت تہ آ وتی کشندہءَ الّم کُشیت،ھمیشی ءَ بلوچ چاگردءَ گشنت ’’ بیر ‘‘ ۔بیر پہ شرّی ہم بوت کنت ءُ پہ ہرابی ہم بوت کنت ۔بلوچ تب ءِ تہا بیر گرگ یا ھوز کنگ گوں مھکمیں رنگے ءَ ہوار اِنت ،بازیں بلوچی کسّہانی تہا ما گندیں کہ بلوچءَ وتی کینگ انچو رودینتگ کہ اگاں یکےءِ دست وتی بیرءَ گرگءَ نہ رستگ تہ آئی صبر کتگ ءُ ہمے بیر آئی چُک ءُ نماسگاں ہم گپتگ۔پمشکہ بلوچاں گشتگ کہ ، سِنگ اگاں چاتانی بُنءَ ریز اَنت،کینگ چہ مردانی دلءَ کِنز انت،بیر بلوچانی داں دوسد سالءَ ،لسّہیں آہوگ اَنت دو دنتانیں،،بلئے دگہ یک قانودے بلوچءِ چاگردءَ است اِنت کہ کُشت و ھون ءِ بیرءَ ھلاس کت کنت کہ اے قانود تنیگہ دگہ دری راجانی تہا گندگ نہ بیت۔اشرا بلوچیءَ گشنت ،میڑھ،،بازیں جاگہاں اشرا پَتّر ءُ چِتّر ہم گشنت۔
میڑہ ءِ روایت چش انت کہ دین کاریں مردم ءِ لوگ ءِ پیریں جنین گشاناں گٹ ءَ لوپ کن انتءُ میتگ ءِ کماشیں مردمانی ھمراہی ءَ جتگیں مردم ءِ لوگا پترنت گڑا پدا میتگ ءِ کماشیں مردم دوئیں نیمگءِ مردماں بگل ءُ بگل گیر کن اَنت ءُ اشانی کشت و ھونءَ ھلاس کن اَنت۔میڑھ بروکیں مردم ہمے ھبرءَ درانگاز کن اَنت کہ اے مردم کہ ما تئی گسءَ آؤرتگ اے وتی کتگیناں پشومان اِنت ءُ چہ ترا پہلی لوٹیت۔دومی فریق اے حبرءَ پہ وتا مزنیں شانے سرپد بیت کہ منی دژمن منی لوگءَ پُترتگ ءُ منءَ چے کمّی منّگا اِنت یا وتی کُتگیناں پشومان اِنت۔ہمے میڑھءِ روگا گوں بلوچ وتی کرنیگیں دژمنی یا وتی مرتگینانی ھوناں اوں وتی ہونیگاں بکش اَنت۔بازیں میڑہانی پیسلہاں کشتگیں مردماں چہ جتگیں مردمانی نیمگا سانگ ھم دیگ بیت کہ ھمے پسات پدا دگہ چک ءُ نماسگے ءَ پدا چست مہ بیت ۔
پُرس:
ھال پُرسی بلوچ دودانی تہا چنا ءَ ھم است انت کہ اشی ءَ گند ءُ گدار، گند ءُ نند و گندوکی گشنت ۔ بلے پرس یک ھاسین وھدے ءِ ھاسیں دودے ۔اگاں کسے بیران بیت کلیں8 مردم ھما لوگ ءِ مردماں کمک کن انت و تاں سہ روچاں آ لوگ ءَ آس روک نہ بیت کلیں بند ءُ بست ءَ اے دگہ مردم کن انت ،بازیں جاگہاں اے دود پانزدہ روچ اِنت ءُ بازیں جاگہاں چل روچ ءُ باز براں داں سالءَ پُرس روت بلئے مرچاں کمتر انت پرس ءِ روچ۔ہمے روچاں کہ مردم وتی مُردگءِ گماں پرس دار اَنت ہمے روچاں میتگ ءُ بازارءِ جنین ءُ مردین پہ ہما پرس داروکیں لوگءَ رو اَنت ءُ گوں لوگ ءِ مردمانی گماں شریدار بنت ءُ مردماں تسلّا دئینت داں کہ آ وتی رَپتگیں مردمءِ گمءَ بہ شموشنت۔اے نیکراہی دودے اوں است اِنت ءُ بلوچ چاگردءِ تہا اشی رواج چہ کدیمیں زمانگاں اوں گندگ بیت۔اے دود دگہ دری راجانی تہا اوں است اِنت بلئے بازیں جاگہاں اشی تہر دگہ دگہ است اَنت۔بلئے بلوچءِ پُرس ءِ دارگ ءِ دودءُ مجلس اوں وتی راجی تبءَ گوں بندوک اِنت۔اگاں یکے دومی ئے پُرسءِ پتّرءَ مہ روت داں ہما لوگءِ مردم سک گِلگ اوں کن اَنت کہ پلاں مردم یا لوگ مئے پُرسءَ اوں نیتک۔
نکان :
یک لوگےءَ کسّے کہ بیران بوتگ یا کہ سُورءُ سانگ بوتگ اَنت گڑان آ لوگا مہمان باز اتکگ ءُ لوگءِ مردماں اینکس نان پتک نہ کُتگ ہمے ھاترا آہاں وتی نانءِ آرت وتی میتگءَ لوگ پہ لوگ بہر کتگ اَنت ءُ ہمساہگاں کُمک کتگ ءُ نان پتکگ داتگ اَنت۔اے دود اوں بلوچ چاگردءِ یک ھاسیں دودے بوتگ کہ مرچاں مزنیں شہراں گندگ نہ بیت۔نکان ہمیشنت کہ نہ پتکگیں آرتءَ پہ پچگ ءِ ھاترابہر کنے ۔اے دود بُن درا بلوچی تورو ءُ ننگ ءِ ردا انت کہ اشی ءِ تہا سرجمیں کبیلہ ءِ درو ءُ وشی ننگ ءُ گیرت ءُ نپ ءُ نکس یک زانگ بیت ءُ ڈگارانی ھشر ءِ دود ھم ھمے ردا کیت ۔
بانجیگ:
بلوچ چاگردءِ تہا چو اندگہ دودانی پیمءَ بانجیگ ءِ ارزشتءَ کس کم کت نہ کنت ،اگاں یک لوگےءَ آروس بیت یا کہ مرگءُ میرانءِ وہداں ھیرات کنگ بیت تہ وتی ہمساہگیں لوگاں بانجیگ کنت۔اگاں یکے بانجیگ دئیگا پشت کپیت تہ چہ بانجیگ کنوکءَ سک گلگ دار بیت کہ منءَ تو میتگءِ تہا دَر رِد کُتگ ءُ بانجیگ نہ داتگ۔بانجیگ ہما دؤکیں مردمءِ لوگا چے تیاریں وردنی چیزپہ وتی ہمساہگءُ میتگءِ مردماں دیم دئیگ بیت۔بانجیگ اگاں کسے ءِ لوگ ءَ نوکیں تامے اتک کمک انت یا بازگڑا پرائی ءَ المی بیت کہ ھمساہگاں کمو کمو بہر بکنت ھمے نوکیں تام ءَ وت تہنا مور چیا کہ اے ’’ بلوچی تورہ ءُ ننگ‘‘ ءِ راجی پلسپہ ءِ ھلاپ بیت۔
مہمانداری:
بلوچ دودانی تہا مہمانداری مزنیں شرپ ءُ ارزشتے داریت،ءُ زمانگاں انچیں لوگ بوتگ انت کہ اگاں یک مہمانے نہ بوتگ لوگءِ مردماں آ روچءَ ورگ نہ وارتگ ءُ بازارءَ گشتگ ءُ مہمان درگیتکگ۔چش نہ انت کہ ہر کسءَ انچش کتگ بلئے مہمان داریءِ انچیں ارزشت بوتگ کہ سیرءُ آبدانیں مردمانی لوگاں ہر وہداں مہمان بوتگ۔اگاں یک میتگےءَ یک مردمے پہ نان دئیءَ نام بوتگ گڑاں ہر یک درآمدے یا مہمانے اتکگ ہما لوگءِ جُستے کتگ۔بُن درا ھمے کلیں راجی کدر یا کیلو بلوچیت ءِ راجی پلسپہ ءِ اہمیں بنیاد زانگ بنت ءُ اشانی تہا مہماندری سکیں اہم تریں کیلواں چہ یک ات چو کہ ھمے کیلوانی پیلہ کنگ بلوچی چاگردی پلسپہ ءَ جوان ءُ شرف مندیں بلوچ بیگ ءِ نشانی ءُ ثبوت زانگ بیتگ انت پمیشکہ ھر یک بلوچے بلکیں وت شدیک بیتگ بلے وتی مہمان ئے ھر رنگا عزت ئے کتگ ۔

میار جلّی:
میارجلّی یک انچیں دودے کہ پریشی ءِ واستا بلوچ ءَ سک باز تاوان چست کتگ ، وتا ءُ وتی مردمانی کوشارینگا ھم چک ءُ پد نہ بیتگ بلے بلوچی چاگردی پلسپہ ءِ ھمے دود ھر رنگا زندگ ئے داشتگ۔ اے دود ءَ ما دگہ کومانی تہا نہ گندیں البتہ عربانی تہا بیتگ بلے اودا ھم اے دود اینچو زرنگی ءُ گہرتی ءَ گوںھم جاہ نئیت۔ بلوچ ءِ اے دود سکیں کہنیں دود ات ءُ اشی ءِ پکار بلوچ ءَ ھمے واستا بیتگ کہ بلوچ چہ ھزاراں سالاں ھجرت کنان ءَ پیداک انت ءُ سپر ھدا بزانت بیست ھزار سال یا کم ءُ گیش بیت اے میان ءَ بلوچ ءَ وتا ریاست نہ بیتگ یا گوں ریاستاں مدام اڑ ءُ کُڑ ءُ جنگ ءُ بجنگاں بیتگ ،وتی چاگرد ءِ تہا انساپ ءِ برجاہ دارگے واستہ کہ آئی ءِ گورا ریاست ءُ آئی کانود نہ بیتگ انت پمیشکہ آئی ءَ انچیں دود پہ وت ٹہینتگ انت کہ نزور تریں مردماں گوں گیشی یا زلم ءُ نارواہی مہ بیت پمیشکہ میار یا باھوٹی ءِ دود ءَ را پہ ھر بلوچ ءَ المی لیکگ بیتگ کہ یک نزور ءُ زلم آماچیں مردمے کہ تئی باھوٹ بیت تئی مستریں پرز ھمے بیتگ کہ تو ھر رنگا آئی ءِ پہریز ءَ بکن اگاں پرے کار ءَ ترا وتا کوشارینگ کپت ھم چک ءُ پد مہ بی ۔اے درچ ءَ یکتائی(انفرادی) رنگا ھزاراں چشیں درور ترا دست کپنت بلے ھما واقعیہ کہ آیاں بلوچ کومءُ آئی نفسیاتءِ سرا سک باز اثر کتگ ءُ ھمے واقعیہ تئی عہدی شاعری ءِ ھم زیب ءُ براہ انت چہ ھمیشاں لہتیں درور ادا شون دیاں چو کہ چاکر ءُ گوھرام ءِ تاریخی جنگ ءُ بجنگ یک گوھر نامیں جنوزامے کہ چاکر ءِ میار بیت اشی ءِ دلوت ءُ اشترانی سرا سردار گوھرام ءِ مردمانی ھملہ کنگ ءِ سبب ءَ چاکر ءَ وتی میار ءِ بیر ءِ گرگا گوھرام ءِ سرا حملہ کتگ ءُ اشی ءِ سبب ءَ سی سالانی جنگ ءُ بجنگاں ھزاراں بلوچ دوہیں نیمگاں کُشگ بیت انت ۔ھمے رنگا سمی کہ ھم جنوزامے ات ءُ دودا ءِ میار ات بیبگر پژ ءِ مردماں آئی ءِ سرا ارش کت ءُ آئی ءِ مال ءُ دلوت رمبینت انت ءُ برت انت گڑا دودا سمی ءِ مالانی رکینگا روت بلے بیبگر ءِ دستا دودا گوں وتی ھپتاد ھمراہاں جنگ بیت پدا بالاچ وتی برات ءُ مردمانی بیرا گریت۔ میر کمبر کہ و تی ھند ءِ کماش ءُ مستر بیت ءُ وھدے آ سہی بیت کہ خاران ءِ ھاکم ءَ تئی مردم ءُ میار جتگ ءُ پُل اتگ ءُ بندیگ کتگ انت گڑا ،میر کمبر چہ وتی سالونکی کلہ ءَ در کپیت ءُ خاران ءِ حاکم ءَ گوں جنگ دنت ءُ بازیں ھمراہاں گوں وتا ھمے جنگا کوشارین ایت پہ وتی مردم ءُ میاراں۔
سانگ بندی:
سانگ ءُ سیر ءُ آئی ءِ رسم ءُ رواج دنیا ءِ درستیں کوماں است انت بلے ھر کسی رسم ءُ رواج دگر دگرنت۔بلوچ چاگرد ءَ سیر ءِ پیسلہ مدام مستریناں کتگ ءُ پرے کار ءَ بچک ءُ جنک ءِ رزا ءِ ھاسیں اہمیت نہ بیتگ (بلے وھد ءَ گوں ھور میزان میزان ءَ بدلی ھم اتکگ ءُ رندا کم چہ کم بچک ءِ رزا ھم جست کتگ ئے) اگاں ھیرت بچارے اے دود ھم انسانی ھما بنداتی دور ءِ دوداں گوں ھمدپ جاہ کیت ۔ چک کہ پیداک بیتگ انت ھما و ھدا یک دومی ءِ نام ءَ کنگ بیتگ انت ءُ دود ھمے بیتگ کہ مسترینانی اے پیسلہ بچک ءُ جنک ءَ ھر رنگا کبول کنگی بیتگ۔دراسل اے دود ءِ ودی بوہگ یا انسانی چاگرداں مھکمیں دروشم زیرگ ءِ بُنی سبب کشاری دور ءِ ملکیت ءِ تصور انت چیا رندا مردمانی جہد ھمے بیتگ کہ مئے زمین ءُ مال ءَ دری مردم شری دار مہ بیت پمیشکہ وت ماں وت ءِ سانگ ءُ سیر ءَ دود ءُ رواجے ءِ دروشم زرت ءُ بلوچ ءِ تہا ھمے دود روچ ء مرچی ھم ھمے رنگا باز جاہاں است انت ۔ اشی ءِ دگہ سببے اے بیتگ کہ وتی ھر رنگا ترا چے مجبور انت پمیشکہ ترا جنگ ءُ داوا ءُ دگہ مشکلے بئیت گڑا ترا یل دات ءُ شُت نہ کنت سیمی اے کہ پیری ءِ وھدا وتی مردم تئی دلگوش ءُ ھیال ءَ چک ءِ رنگا کنت۔ سانگ بندی ءِ چاگردی راھبند چو بیتگ کہ ھر چنت جنک ءُ بچک چہ کسانی ءَ ،یا چہ پیسرا ،زبانی گوں یک دومی ءَ نام گپت بیتگ انت بلے چاگردی راھبند ءِ ردا پہ سانگ بندیءِ واستا سالونکءِ پت،برات ءُ سیادءُ ازیزاں مُچی ئے برجم کتگ ءُ بانورءِ پت ءُ ماتءِ لوگا پہ وتی چُکّءِ گوْاجار بُرتگ ۔ ھمے گواجار ءِ برگ ءُ آیانی کبول کنگ ءِ متلب چاگردی راھبند ءُ کانود ءَ بچک جنک ءِ دشتار منگ بیتگ۔ھبر بندیءِ وہداں باز جاگہاں چہ سالونکءِ نیمگءَ پہ بانورءِ واستا گشانے،سواس یا کہ نگدیں زرّ دئیگ بوتگ کہ اشرا پرداچ ءِ نام اِش داتگ۔

سُورءُ آروس:
چو اندگہ دوداں بلوچ چاگردءَ سور ءُ آروس ءِ دود اوں وتی چاگردی لوٹ ءُ تبانی دروشم ءَ جوڑ بیتگ انت۔بلوچ ءِ زند چاگرد سکیں نہ وش ءُ پُر زھمتیں چاگردے ءُ اے چاگرد ءَ وشی پہ بلوچ ءَ بس سہ دروشم ءَ بیتگ یا ھور ءُ باران ءِ (کہ سک کم بیتگ انت بریں بریں بازیں سالاں پد ماں پداں ھور نہ بیت) دومی ھر بلوچے ءَ کہ مچ ءُ مچکدگ بیتگ گڑا پرائی ءَ اے سال ءُ پراہ سال ھامین ءَ وشی ے آورتگ سیمی سیر ءُ سانگ ءِ وشی ،سیرءِ بنداتی ءَ یک ءُ دو روچ پیش نزیکیں سیاد ءُ وارث کل اتکگ انت ءُ تاں سیر اش ھلاس کتگ گڑا وتی وتی ھنداں شُتگ انت ۔جوانیں ھبر ایشنت کہ بلوچ ءِ دودانی تہا سور ایوکءَ سانگ کنگ نہ بوتگ بلکن مردیں زہگانی بُرُّ کی ھم چو سُورےءِ ارزشتءَ بوتگ۔کسانیءَ یا مزن عمریءَ اگاں مردیں چُکے بُرُّک بوتگ گڑاں ہما پیما کہ سانگ ءُ سور ءَ ڈہل ءُ چاپ بوتگ،بٹّ واریءُ ھیرات بوتگ ہما پیما بُرُّ کی ءِ وہداں اوں بوتگ۔بلئے سانگ و سورءِ واستا برے برے ہفتگے،دہ روچ یا ماہےءَ تک بازیں جاگہاں چاپ ءُ چوگان بوتگ کہ اشرا،چوک،،اِش گشتگ۔چوکاں پد گڑاں دُزُّکی،ہنّی بند بوتگ ءُ سیمی روچءَ گورگاں بوتگ کہ ہمے بیگاہءَ یا شپءَ سالونک اِش ماں کلّءَ سر کتگ۔ءُ دومی روچءِ سہبءَ یا بیگاہءَ سالونک ءُ بانورءِ مبارکی بوتگ کہ تیوگیں میتگ اتکگ ءُ مبارکی داتگ اَش۔
سپت:
سپت ھر چنت کہ شعری تہر ات بلے ھمے تہر بندوک انت گوں گپتوکی ءِ دوداں اگاں بلوچ چاگردءَ یک زالبولے چُکّ ءُ مات بیت یا چِلَّگ بیت تہ ہما زالبولءِ مات،گہار،نشار، دوسکیچ،وسّو،دزگہار،میتگءِ پجّاروکیں زالبول ہمک شپ ہما کپتوکءِ لوگءَ رواَنت ءُ سِپَت جن اَنت۔ اگاں ھیرت بچارئے تہ اے دود ءِ باپشت ءَ ھم ھما کہنیں انسانی بنداتی دور ءِ پگر و نپسات جاہ کیت کہ جن و جاتیگ یا دگہ ھمے رنگیں چیز کپتوک ءِ سرا لازم رو نت و چک و مات ءَ تاوان دینت ۔بن درا جنینانی کپتوک ءِ سرا ھر شپ نندگ ءِ مول ءُ مراد کپتوک ءُ ننوک ءِ چہ جن و جاتیگاں رکینگ انت۔ سپتءِ تہا پہ کپتوک ءُ ننوک ءَ نیکیں واہگ و دوا درشان کنگ و چہ اللہ، پیر و ولی و پیگمبراں دووا لوٹگ بیت بزرگ ءُ نیکیں مردمانی کسہ ءُ وسائت بیان کنگ بنت ۔ سپت گوں وش گُٹّیءَ گشگ بیت کہ یکے بنداتے کنتءُ اندگہ جوابی بنت یا برے برے درہا یک جاگہ ھور بنت ءُ گشنت۔ سپت ایوکءَ بلوچ کپتوک ءِ کرا نہ جن اَنت بلکن بلوچ چاگردءَ ذگر کنگءِ وہداں اوں مذہبی مردم سپت جن اَنت بلے اے سپت ءُ کپتوکی سپتانی گالاں پرک بیت ۔
لیلو یا لولی :
ایش ھم چو سپت ءَ شئیری تہرے شمار بیت بلے یک بلوچی المی ءُ میّن ایں دودے ھم است انت ۔لیلو چنا ء دنیا ءِ بازیں راجاں پہ چکاں گشگ بیتگ بلے اگاں دلگوش بدی ئے گڑا آیانی لیلوانی تہا پگری ءُ تربیتی پچ(عنصر) چٹ تو نہ گندئے بس لہتیں لبز بنت کہ پہ وش زیمری ءَ تہنا پہ ھمے مول ءُ مراد ءَ گشگ بنت کہ چک بہ واپسیت۔ بلے بلوچی لیلو ءِ دود تہنا چک ءِ واب گیجگ نہ انت بلکیں چہ کسانی ءَ آئی زہن ءَ بلوچی دودانی اہمیت ءُ ارزش ءِ نادینگا ھمے کلیں سرھالاں لبز و گال ءُ مارشت ھوار کنگ ءُ گشگ بنت ۔ پمیشکہ لیلو ءِ دو تہر بنت یک لیلو ءُ دومی نازینک نازینک تہنا ھما لیلو انت کہ آئی ءِ تہا ننوک ءِ جند نازینگ بیت بلے لیلو ءِ تہا کلیں بلوچی دود ءُ ربیتانی اھوال ءُ کسہ ھم گشگ بنت ۔مات لیلوانی تہا مدام ھمے واہگ ءَ درشان کنت کہ منی بچ راجی کیلو ءُ دودانی بہادریں پہازوک ءُ رکینوکے بہ بیت۔ پمیشکہ لیلوانی تہا بلوچی بامردانی شئیر ءُ آہانی مزن مردیانی گپ کنگ بنت ءُ مات وتی بچ ءَ ھمے رنگا بیگ ءِ نیک دواہی ءَ کنت ۔ مات ھمے واہگ ءَ داریت کہ منی چک مزن بیت ہما راجی بامردانی کسہاں نوک کنت ءُ پہ وتی راجءَ مزنیں کردے ئے واہند بیت۔ہمے پیمءَ جنکیں چکءِ واستا اوں بہادرءُ گیرت مندیءُ مہمان شوناوکءُ شاھوکاری ءِ نیک دُوائیءَ کنت۔بلوچ زہگ ہمے لیلواں اشکن اَنت ءُ مزن بنت ۔بزاں بلوچ زہگءِ بلوچی ابرم ءِ ساچشت چہ ہمے لیلوں بندات بیت کہ اے مئے دودانی سرتاج زانگ بیت۔
ھالو ءُ نازینک :
ھر چنت کہ اے دوہیں تہر سر زاھر ءَ شئیری تہرنت بلے ایش گوں یک ھاسیں دودے ءَ ھمگرنچ انت ءُ آ ھاسیں دود ایش انت کہ سور ءِ وھدا پہ بانور ءُ سالونک ءَ نازینک ءُ ھالو گشگ المی انت پمیشکہ بلوچی شائیری ءِ تہا ایش جتاہیں تہرے ءِ بستار ءَ دارنت ءُ بلوچ اشاں سوری سوت یا سالونک ءُ بانوری سوت نہ گشیت بلکیں جتا نازینک یا ھالو گشگ بنت ۔ ھالو ءُ نازینک ءِ تہا ھم کمو پرک است نازینک ھما شئیر ءُ آیانی ھاسیں الھان کنگی سُر ءُ ترزاں گشگ بیت کہ پہ سالونک ءُ بانور ءِ سپت ءُ سنا ء ءَ گشگ بنت ( نازینک پہ سالونک ءُ بانور ءَ ابید پہ چک ءَ دوستیں مردم یا دوستیں اولاکانی واستا ھم نازینک گشگ بیتگ) بلے ھالو ھاس پہ سالونک ءَ ءُ آ ھم چہ کورگاں جان شودگا پد سالونک ءِ لوگ ءَ برگ ءِ وھدا گشگ بیت انچو کہ اشی ءِ نام انت ھالو بزاں ھال دیگ ءُ سہی کنگ کہ سالونک پیداک انت بانور ءِ کش ءَ نندگا۔
دودمان بدل بوت کنت؟:
دود ربیدگ بہ بنت یا کہ دگہ زندگیں چیزے بدل الّم بیت ءُ بدل بووگ ءِ یک نیچرل پروسس ئے است۔ہر چیزءِ بدل بووگءِ وتی ابرمے است ءُ ہر چیز یک پروسسءَ گوْزگا پد نوکیں تہراں دیما کئیت اِنت۔ہمے پیما وہدیکہ مئے سسا ءَ اے جست کئیت کہ ربیدگ بدل بیت یا بدل کنگ بیت،گڑاں اے دوئینانی پسہ ءَ ما اے رنگءَ شہاز کناں کہ دودمان یا ربیدگ ءِ بدل بووگءِ پروسس پولکاراں سئے دروشمءَ دیما آؤرتگ۔اولی ایش کہ یک چاگردے وتی اندرءَ پہ زور بدلی آرگ،دومی ایش کہ یک چاگردے کہ گوں اندگہ چاگرداں رابطہ کاری یا نزیکی
کنت،سیمی ایش کہ قدرتی ماحولءِ تہا بدلی سدلی آیگءَ گوں یک چاگردےءِ دود ربیدگ بدل بوت کن اَنت۔زندگیں ءُ تاریخی زبان بہ بنت یا کہ دودمان ہر حالءَ بدل بووان بنت ،نوک بووان بنت بلئے یکیں وہدءَ کہ دودربیدگ بدل بووگءِ نیمگا روگا انت ہما یکیں وہدءَ دودربیدگءِ پہازگ ءُ اشرا دارگءُ بدل نہ کنگے جہد اوں چہ ہما چاگردءَ بندات بیت ،بلئے بدل بووگ ابرم اِنت کہ اشرا کسے اوں داشت نہ کنت،البتہ کواس ءُ کُتہ کاریں چاگردءِ ذمہ واریں مردم اشرا پلگارگءُ وتی راجی تبءَ گوں ہمگرنچ کنگءِ جہدءَ کُت کن اَنت کہ اشیءِ پوزیٹیو ریزلٹ دیما کاینت۔بلئے اے گشگ کہ منی دود ربیدگ چہ ہزاراں سال منءَ ہمیشنت کہ گون اِنت ءُ من اشی بدل بووگ نئیلاں اے منی نزّءَ ردیں گپے بیت۔ہزاراں سال پیسرءِ ہچ چیز ہما پیسریگیں رنگءُ دروشمءَ نہ اِنت۔ما تچوکیں آپءِ درورءَ بزوراں کہ تچوکیں آپ وہدیکہ تچگا اِنت سک ساپ ءُ پلگار اِنت ،ورگءُ شودگءِ قابل اِنت ،وہدیکہ ہمے آپ یک اوشتوکیں کانیگے ءَ بیت تہ شونز بندیت ءُ بد بودار بیت،اشی کس وارت اوں نہ کنت ءُ قابل زورگ ءُ کارمرز کنگ نہ بیت۔ہمے درور پہ چاگرد،دود ربیدگ ءُ زبانءَ ہم است اِنت،دانکہ وہدءِ سرا وتی ابرم ءِ متابکءَ بدل مہ بنت تہ اشانی ہست بووگءِ امیت ھلاس بیت۔
دنیا ءِ تہا علم و زانتءَ سک باز دیمرئی کتگ ءُ سائنس ءُ ٹیکنالوجی روچے یک نوکیں چیزے دیما آرگءَ اِنت،وہدیکہ اے سائنسی بدلی دنیاءِ تہا کاینت تہ نوکیں آئیڈیالوجیز انی سوبءَ دیما کاینت کہ زندگیں چاگرد چریشاں اثر مند الم بنت۔اگاں انسانءِ تب،زانت،علمی کساسءَ دیمرئی مہ کُتین تہ انسانءِ وجودخطرہ ءِ تہا بوتگ اَت ءُ مرچی ناجوڑی،موسمانی ترندی،ءُ اندگہ سوباں انسان ھلاس بوتگ
اَت۔مرچی اگاں ما وتی چاگردءَ ہما نیک راہی یک ڈکّیں(مذہبی انتہا پسندانی)مردمانی اوستءَ یلہ بکناں کہ اے ٹولی ناں انسانءَ انسان لیکیت ءُ ناں کہ سائنسی علم و زانتءِ منّوک اِنت تہ چاگردانی بیگوْاہ بووگ دیر نہ کنت۔چیا کہ دنیا دیمرئی کنگا انت ءُ مئے چاگرد کہ ہمے نیک راہی یک ڈکّانی دستءَ بئیت تہ اشانی موقف ایشنت کہ قدیم و کوہنیں مذہبی دوداں چاگرد بزوریت ءُ چاگرددیمرئی مہ کنت،اگاں یک چاگردےءَ کوہن و قدیمیں دود ربیدگ داشت اَنت تہ اے چاگردءِ زندگ بووگءِ تیوگیں راہ ءُ در بند بنت۔ہمے رنگءَ اگاں لبزانکی کواس،راجی کواس ءُ دودانی دعویٰ دار بگش اَنت کہ ما وتی کوہن ءُ قدیمیں دودمان یا ربیدگاں یلہ نہ کناں ءُ مرچیگیں دنیا ءِ ہمراہ داری نہ کناں منی ھیالاں اے کواس چاگردءَ یا راجی دودربیدگءَ دیما برگءِ جہدءَ نہ اِنت بلکن اشرا پُشتءَ برگ ءُ ھلاس کنگءِ جہدءَ اِنت،بلئے چش نہ بیت ءُ ہر یکے وس بہ کنت چاگرد ءِ تہا دودمان چو تچوکیں آپءِ پیما وت دیما رونت ءُ بدل بنت پہ دارگ ءُ یک ڈکی دودمان ،ربیدگ دارگ نہ بنت ءُ ابرمءَ بدل نہ کن اَنت البت نُکس ور اَنت۔اے بدلیءَ چہ مراد ایش اوں نہ انت کہ ما درامدانی دودربیدگاں بزوراں،بلکن اشی مراد ایشنت کہ ما وتی کوہنیں ربیدگءَ نوکیں زمانگ ءِ دیمرئی ءِ متابکءَ بہ رجیناں داں کہ مئے دودربیدگ گار ءُ بیگواہ مہ بیت ءُ ما چہ دنیاءَ سست ءُ سید مہ بئیں۔یا سادئیں لبزاں گوں من اے گشگ لوٹاں کہ ہر بدلی ءَ کہ مئے ربیدگی یا چاگردی ابرم قبول کنت ما آئی ءَ دل
ستک بزوراں ءُ گوں وتی اندگہ دودربیدگءِ تہرانی ہواریءَ دیما بہ براں۔اے دنیا سائنسی دیمروئیاں گوں یک،،جہانی کلچرے،،ودی کنگءَ اِنت کہ سائنس و ٹیکنالوجیءِ گلوبل ولیج ءِ اثراتاں،چریشاں ناں بلوچ رکھت کنت ناں دگہ راجے،البتہ مئے جہد بہ بیت کہ ما دنیائے اے شورشءِ تہا وتی راجی زبانءَ زندگ بداریں چیا کہ زبان زندگ بیت تہ مئے دودمانءِ ہمک بہر پہازگ بیت ،زبان نہ مانیت تہ ہچ نہ مانیت۔

آشوب

آزمانک 

ashob

              آشوب
اِلتاپ بلوچ
شپ کہ وتی بانزلاں پچ کنت میتگ ئے مردم واب بنت گشے من سک ابیتک باں ،وہدے من ابیتک باں وَڈ وَڈیں ترانگ دل ءَ کئیت۔۔۔بازیں جُست چِست باں دل ءَ ۔۔۔!چون اِنت زمانگ ءَ ۔۔؟چتور اِنت بنی آدم۔۔؟چے بووَگا اِنت۔۔؟کئے کنگا اِنت۔۔۔؟چیا کنگا اِنت۔۔؟راستی چے اِنت۔۔؟اِدا وَ دروگے حاکمی اِنت۔۔۔واب ءِ مانا چے اِنت۔۔؟آشوب ؟؟۔۔،آجوئی؟؟ وابے!!
من جیڑاں بلئے من ءَ پسّہ دؤک کَس نیست،کسّ ءَ من نہ گنداں ،منی جند ءِ علم وزانت وَکم انت۔منی میتگ ءَ اسکول ءِ کُوٹی ئے جوڈ بوتگ بلے اِشرا ماشٹر مان نیست۔منی برات ،گہار،سیاد ءُ میتگ ءِ مردم تیوگا وانگ نزاناںءُ بے تعلیم گشگ بنت اے چتور اے جستانی پسواں درگیج انت؟۔اے ھاترا من سک جیڑگاہاں،سک پریشاناں کہ منی راج ءِ ھاکبت چے بیت؟ چون کن اَنت منی میتگ ءِ مردم ؟؟اے کئی بنت ؟ ۔۔۔من جیڑگا اِتاں کہ ڈنّ ءَ منی کُچک ءَ چانگ اِت۔من گُڈ اِتاں کہ شپ ءِ نیم ءَ۔۔۔؟ھدا ھیر بکنت کُچک باریں چیا چانگیت۔۔؟الّم ءَ ہمساہگ ءِ دلوت ئے ءَ منی نیمگ ءَ دور کتگ۔باکس ءِ ٹال جت ءُ کُڈک ءَ ایریں چِپوُروک کُت۔ڈنّ ءَ سر کش اِت داں سبحان اللہ کہ اسپیتیں درپشناکیں ساہگے کہ منی ڈکّ ءِ دپ ءَ دُور اوشتاتگ۔بلے سکّ ترپگا اِنت۔تیوگیں ڈنّ ءِ تاموری گار اَت،ہر چی پدّر اَت۔منی ہلک ءِ کش ءِ کؤر ئے آپ ءِ توار اوں پیداک اَت۔
یک دمانے چہ تُرس ءَ منی جان ءِ پُٹ پاد اَتکاں،من سک تُرسگا اتوں ۔اے رُژن۔۔۔؟اے اسپیتیں ساہگ۔۔؟؟ اے چی ئے بوت کنت۔؟؟ جِنّ ئے وَ گشے نہ اِنت،ملائیکہ ئے بیت گڈءَ۔۔ھدا ھیر بکنت۔
ہچ مہ تُرس،،من آشوب آں،،،تو حیران ئے کہ من اِدا چتور اتکگاں۔اے ھبرا سدّک بو کہ من ہچ جاگہ وت سرا نہ رواں۔من ہما ہلک ءَ رواں کہ اودا ورنا تئی وڑا پریشان بنت۔مردم وتی راج ءِ عاقبت ءِ روژنائی ،ءُ باندات ءِ ھاترا جیڑ اَنتءُ من ءَ توار پِر جن اَنت۔تو سک جیڑگا اتے۔۔،بازیں جست تو چست کتگ انت ،بلئے تئی کرّا چشیں مردمے نیست کہ ترا سر پد بکنت۔ہمے ھاترا من اتکگاں تئی ہمے جستانی پسوءَ!!
تو جیڑگائے کہ من چے بکناں۔چون بکناں؟۔۔آجوئی؟۔۔وابے!منی سرڈگارے گوْاجن چون بنت،کئی بنت؟؟اے باروا ہچ مہ جیڑ۔۔۔ہچ پریشان مبو!!
ہما وہد ءَ کہ من سرپد نئیتاں ءُ تئی ہلک ءَ سر نہ بوتگ اتاں تو پریشان اتے ،نوں کہ من ساڑیاں تئی ہلکءَ ۔۔ تو ہچ مہ جیڑ ۔۔!اے تئی سرڈگار اِنت۔۔!ادے گوْاجن تئی اَنت۔۔!ہچ کس ءَ اے جوپ نیست کہ تئی سرڈگارا وتی بکنت۔،،ہمے اسپیتیں ءُ درپشناکیں ساہگ ءَ ھبرکُت ،،۔
منی تُرس ءُ بیم کمتر بووان اَت ،گشے من گوں وتی دوزواہ ءُ سنگتے ءَ دُچار کپتگ اتوں۔نوں من ءَ ہچ نہ تُرسگءَ اَت۔من پہم اِت کہ اے منی دردوار اِنت ءُ منی مارشتاں سرپد بیت،منی غمے پِر اِنت۔
،،ہؤ تئی درد وار مناں۔۔دگہ کس تئی نہ انت اے ہمساہگ درہا ترا ریپین اَنت۔اے گشنت کہ ترا رَد دیاں ءُ تئی پُشت ءَ نپ ءُ پائدگ گراں ۔۔داں اے زندگ انت اے تئی دوزواہ بوت نہ کن اَنت۔چریشاں وت ءَ رکھین۔۔چیا کہ اے دروگ بنداں ۔۔اے ہچبر پہ ہلک ءَ جیڑگا نہ انت ،اشانی دل وتی جند ءِ واستا دریکگا انت۔بس !!
تئیگم من ءَ پمشکہ پِر اِنت کہ تووتی ءُ وتی ڈیھءِ عاقبتءِ واستا گمیگ ئے۔اگاں تو اے وہدی واب بوتین ئے ۔۔۔۔من تئی میتگ ءَ نیتکاں۔پر چہ کہ دگہ میتگے ءَ یک ورناہے تئی پیم ءَ آگہ اِنت ءُ جیڑگا انت من ءَ توار پرجنگا انت،بلئے منی نزّ ءَ تئی درد مستراِنت ۔۔تو گیشتر جنجالانی آماچ ئے،اسپیتیں ساہگ ءَ من ءَ پدا پسو دات۔
،،تو اگاں واب بئے من تئی میتگ ءَ ہچبر نیاہاں پرچہ کہ وابیں مردم من ءَ توار پر جت نہ کنت۔تو ہر چی کہ جیڑے ،ہرچی کہ دل ءَ ھیال کنئے من کلّیں ھبراں تئی پہماں،اشکُناں ءُ سرپد باں۔
تو اے ھبرا ھیران مہ بئے کہ تئی کُچک ءَ منی سرا چانگ اِت،پریشان مبو!من ہر میتگ ءَ کہ سر کشاں آمیتگ ءِ کچکانی کار ءُ کرد ہمیش اِنت۔
تو یک ھبرے ءَ سدّک ئے کہ اے کچُک تئی پہازگا نشتہ۔۔! بلئے اِنّاں۔۔۔اے دروگے۔۔۔اے اَڈَکہی کچک ئے۔۔!اے تئی پہازگا نہ نشتگ،اے تئی دوست ءِ ورگ ءِ واستہ نشتگ ءُ گاٹ دئیگا اِنت۔ہر ہما تئی دوزواہ کہ تئی میتگ ءَ تئی تسلّہ دئیگا کئیت۔ترا سرپد کنگا کئیت،اے کچک آہانی سرا چانگیت۔پیسرا اے کچک ءَ کُش پدا بچار آشوپ تئی لوگا سر بیت ءُ تئی اسکول ءِ ماشٹر پدا ہچبر وزیر ءِ لوگا کاردار نہ بیت۔تئی گْواجن تئی بنت۔تئی میتگ،تئی سیاد ءُ مردم ہچ کس ناوانندہ نہ بیت۔
من پمشکہ تئی لوگا پُترگا نیاں چیا کہ اگاں من دیمترا بیاہاں تئی کُچک من ءَ وارت۔کُچک ءَ پیسرا کُش من ترا امباز کناں ءُ تئی لوگا کایاں۔گڈا تئی ملوری ءُ جیڑگ ھلاس بنت ۔من پمشکہ ہمک شپ کایاں تئی ھال ء َ گراں بلئے داں اے کُچک زندگ انت من ءَ پہل کن۔۔۔۔۔!!

وتن

عربی :محمود شقیر
بلوچی رجانک: اِلتاپ بلوچ
watann۱
من کہ چپّ ءُ چاگرد ءَ دگہ ہچ ءِ سُدّ ءَ نہ اتوں ،ءُ شہر ءِ ڈیوال ءَ چارگا اتوں کہ یک سُپا ہیگے ءَ من ءَ گوں ترندی ءَ توار پر جت کہ ،، چے کنگا ئے تو ؟،،
،،اے منی شہر انت ،من اشی ڈیوال ءَ چارگا اوں۔،،
،،اے تئی شہر انت ؟ بکواس کنگا ئے ،،
آئی من ءَ گِرّان کنان ءَ وتی کِرّا بُرت ۔ما دویں رہ کپتیں ۔من دیم ءَ ءُ سپاہیگ پُشت ءَ ،ماروان بوتیں۔دمانے ءَ رند من وتی دیم ترّینت چہ وتی کیسگ ءَ چاقو ئے در کُت ءُ سپاہیگ ءِ جہل ءَ جت ءُ گردن بُرّ اِت۔چرائی گردن ءَ ہونءَ چِرّ بست ءُ آ دَگّ ءِ سرا کپت ءُ ایر بوت۔من تتکوں۔مزن مزنیں ٹینک ءُ گردوکیں فوجیانی ٹولی منی رندءَ کپت انت۔دمانے ءَ پد آہاں من ءَ چاریں نیمگاں مانتر کُت ۔نوں من نہ زانت کہ من چوں بکناں ۔من اے دیم ءُ آدیم ءَ چار اِت۔وتی بانزل سرینتاں ءُ بال کُت ۔ من جیڑ اِت کہ نوں من ءَ ہچ نہ بیت نوں من بچّ اِتاں۔بلے آہاں ہر نیمگ ءَ دام چیر کُتگ ات۔ہمے ھاترا آہاں من ءَ زوت دز گیر کُت۔منی بانزل سست انتءُ من ءَ کَپَس (پنجرہ) ءِ تہابند کُت۔ادا کہ من بند اتاں ادابازیں دُزّ ءُ ڈُنگے اوں بند اَت۔
۲
جیلر ءَ گشت : ،،او بچا! تو چے کُتہ کہ ترا اِدا آؤرتگ اِش ؟،،
،،من وتی شہر ءِ ڈیوال ءَ چارگا اتوں ،،من گشت ۔
آ را اے ھبر سک نہ وش لگّ اِت۔
تو دروگ بندے،آئی من ءَ پسو دات۔شَر انت ،بِل اے ھبراں ،آ ئی پدا من ءَ گشت ۔تو چہ اے ملعونیں ڈیوالانی آ دیمءَ چہ اتکگے ہمے واستہ مارا وشّیں کسہ ئے گوشدارین،،۔
من شاکارگے جت ءُ گشت ،واجہاں ! یک رندے چو بوت کہ یک ملے ءَ یک بادشاہے است اَت کہ آئی وتی رعیتانی سرا سک ظلم کُت۔،،
،،اے رعیت ءُ میّتانی کسّہاں بِل،، آزہر گپت ،ماچریشاں بیزاراں،،
شر انت من دگہ کسہ ئے جناں،،یک روچے گُژن یک شہرے ءَ چہ گوْست ،آئی ھیال کُت کہ ہمے شہر ءَ جہہ مہِ نند بیں،،
،،اوہو و و و! اے کسّہ مارا مالوم انت ۔ماگژن ءِ باروا اِشکُنگ نہ لوٹاں۔گُژنوَ سہب ءُ بیگہ مء ہمراہ انت ،،
،،گُڈا من نوں شمار ءَ ہما جنین ءِ کسّہ ءَ گوشدارائین ایں کہ آئی گوں وتی لوگ واجہ ءَ بے وپائی کُت۔ءُ گوں شوانگے ءَ تتک ءُ شُت ۔
،،ہاں،، نوں تو را ہ ءَ اتکے۔۔۔ درسیں دُزّاں کوکار کُت ۔ ہمیش انت ہما کِسہ کہ مااشی شرّی ءِ سرا زاناں ءُ اشی گوشدارگا ہچبر دم نہ براں ،،۔
من وتی زندان ءِ دراجیں شپاں مدام ہمے کسّہ آہان ءَ گوشدارئینت،،۔
۳
من باز وہداں بندیگ اتوں۔
یک روچے منیک دمکُکے ءَ روتاب ءَ نشتگ اتوں کہ من ءَ وتی پیرُ یات اتک، آئی من ءَ جون ءِ 5 تاریخ ءَ گشتگ اَت کہ پا د ءَ ہرا کَشّ ،نوں ما وتی ڈیھ ءَ رواں۔
ما ہرا سوار بوتاں ،منءُ منی پیرُک دوئیں ہرا سوار اتاں ،مردماں مار ءَ دیست تہ گشت اِش کہ بچار اے چونیں بے رحم انت ،دوئیں یکیں ہرا سوار انت ،بزّگ اِش اوں نہ بیت۔منی پیرُک ءَ گشت کہ زہگ تو جہل ءَ
ایرا ۔
من چہ ہرا جل ایر اتکوں ۔بلے منی پیرُک سوار اَت ۔نوں مردماں گشت کہ اے پیریں مرد چونیں جہل چمے لجّے نہ کنت کہ نازاکیں گوْنڈیں زہگے ،پیادگ انت ءُ وت پیِر ءَ پیرِ سوار انت ۔کمے اے گوْندوئے سرا بزّگے اوں نہ کنت ۔
منی پرُک چہ ہرے سرا ایر اتک ءُ ،، نوں تو ہرا سوار بو،،من پیرُک ءَ گشت ۔ءُ آ پیادگ بوت
مردماں گشت کہ راستے ،نوں مسترینانی عزّت ختم بوتگ ،اے قیامت ءِ نشانی انت۔قیامت نوں زوت کئیت۔
منی پیرُک سک زہر گپت۔،،جہل ءَ ایر ءَ ،،
نوں ما سئیں یکجاہ روگا اتاں۔من ،منی پرُک ،ءُ مئے ہَر۔
نوں مردم مارءَ ھیرانی ءَ چارگا اتاں۔
چے کنگائے تو ،،،ہمے سپاہیگ ءَ من ءَ دیست کہ من یاتے ءَ کپتگوں ،آئی کوکار کُت ءُ من ءَ گُڈینت۔
من ہما کسہ ءَ یات کنگا اتوں کہ منی پیرُک ءَ من ءَ اشکنائینتگ اَت۔منی پیرُک جنگ ءَ شہید بوتگ ۔من گشت۔
،،دروگ بند،، آئی منءَ گشت ۔تو کوْہنیں کسّہاں پدا نوک کنگائے۔اِدءَ ترا مااشی اجازت ءَ نہ دئیں۔
،،پادا بوشت،، آئی گشت ۔من پاد اتکوں ۔
آئی منی بانزل گوْتک انت،چماّن ءَ سیاہیں پٹّی ئے بست ءُ کپَس ءِ تہا تیلانک دات۔آہاں منی کَپَس زرت ءُ ہنچیں راہاں رہادگ بوتنت کہ روے روے ھلاس نہ بیت۔رواں روان ءَ اامن ڈیھ ءِ سیمراں سر بوتنت۔کہ اے ڈیھ ءِ عزت ءُ ننگ ااہاں بے پردگ کتگ اَت۔
،،ہمے آ جاگہ انت کہ تو چِداں شُتگے،، آہاں من ءَ جست کُت۔
،،ہؤ ! اے منی وتن انت ،ءُ نوں من شُمئے حکماں نہ منّیں ،،
،،تئی دیم ءَ لبنان انت،اگاں تو اودءَ نہ روئے گڈا ما ترا کُشاں،، آہان منی سرا تپنگ داشت انت ،من رہادگ بوتاں ،منی پُشت منی وتن ءِ سیمسرانی نیمگاات۔
۴
من لوگ ءِ ٹُلّ ءِ سرا نشتگ اتوں منی چم سر سبزیں کوہانی سرانی ٹُلُّکاں سک اتاں ،من سک ملوُر بوتاں ۔من جہل ءَ ایر اتکوں ءُ پیرین زال ءِ کِرّا شتوں۔
،،منی وتن چہ منی دست ءَ شتگ ،،من گشت۔ہمے ھاترا من سک غمزدہ ءُ فکر مند اُں۔
،،اگاں گپ ہمیشنت ،تہ تو وتی غم ءَ آس ءَ سرد کنگ ء ، واستہ جنینانی نرمین بدناں شہازکن۔،،
من جنین ءَ بدن سک چاراِت۔من ءَ آئی سرا سک زہر اتک کہ منی دیم ءَ ات۔
من آجنینا ر ءَ یل دات ءُ شہر ءِ دگّانی نیمگ ءَ رپتوں ۔من جنکانی ٹولی ئے دیست کہ پہ سئیل ءُ سواد در اتکگ اتاں۔
،، سوگند انت شُمار ءَ منی ویرانیں وتن ءِ ،،من گشت ،، ائے شہر ءِ جنکاں،،من شُمئے پاداں کپاں ،شُماوتی مزنیں بالادءَ گوں منی بدن ءَ چیر دئیت۔
،،منی وتن منی دستاں چہ شُتگ ،ہمے واستا نوں غم ء پ اندوہ منی پوشاک انت ،،
شہر ءِ جنکاں کند اِت گشت کہ ،،ہر کس وتی وتن ءَ تباہی ءُ بربادی ءِ واستہ یلہ کنت اا وتار ءَ چرے لذّت ءَ زبہر کنت کہ چہ مئے بالاداں آ را رسیت،،
منی دل غماں چہ ایر بُڈ اِت،من چہ کیسگ ءَ دزمال کش اِت کہ بلکن ارس منی ہمراہ بنت بلئے منپشل بوتوں ۔من دگّانی سرا ہمے وڈا یلہ اتوں کہ من جنکانی دگہ ٹولی ئے دیست ۔آ گوْنڈیں جنک آسکی ترْدّگا اتاں۔
،، سوگندانت شمار ءِ منی بربادیں وتن ءِ ،،من گشت۔من شُمئے دیم ءَ دست بندں ،ائے شہر ءِ جنکاں !شُماوہدے وتی لوگانی دریگاں بندکن اِت ءُ ایوکی ءَ وتی پُچّاں کش اِت ءُ برہنگ بئیت تہ اے سہرگیں ورناہ ءَ را الّم یات بکن اِت۔کہ مدام ماں دمکاں ویل انت۔
جنکاں چک جت ءُ من ءَ سوکلو داشت ءُ گشت ۔ہر کس کہ وتی وتن ءَ لالچی ءُ ظالمیں مردمانی لُٹ ءُ پُل ءِ واستہ یل کنت تہ آ وتار ءَ چہ اے لذتاں زبہر کنت ،،۔
نوں من کجا بہ رویں ،گوں اے ملوری ءَ کہ ترمپ ترمپ ءَ منی بدن ءِ سرا کپگا انت؟ من وتی چم سک پرْتک انت کہ بلکن ارسی ترمپے درئیت ،بلئے چم ہُشک اتاں۔ترمپے آپ اِش مان نیست اَت۔
من شہر ءِ دگّانی سرا تتکوں ۔نوں منی دل ءَ ہچ وڈیں ھیال نیست اَت۔ تچان تچان ءَ من یک کوتے ءِ کِرّا رستوں ۔من تُسگی اتوں ۔منادا یک جنکے دیست کہ گوں من ہنچو کندگا ات گشئے من آرا سک دوست بووگا اتوں۔من لوٹ اِت کہ آئی سینگ ءِ پُلّاں دست جئیں ۔بلئے من سک ملور بوتوں ۔چیا کہ آ موم ءِ یک عکسے اَت ۔من دل ءَ گشت نوں الّم ءَ منی ارس رچنت ،بلئے انگت منی چم ہُشک اتاں۔
نوں من گشت کہ دریا ءِ نیمگا رویں ۔بگندے اودا منی چم نمبگ بنت ۔اودا ن رستوں تہ من دیست کہ دریا شہر ءِ نیمگا روگا اَت۔بلئے چو مثل ءِ دمبر تگیں دہقان ءَ ۔من گوں دریا ءَ وتی سر گوْست گشت انت ءُ آ ئی پسّو ئے ودار کُت ۔دریا ءَ گوں بے مارشتیں ءُ یکیں وڈا من ءَ پسّہ دات ۔من غمانی چادر وتارءَ پتات ءُ تیز تیز ءَ دیم پہ شہیدانی قبرانی نیمگا شتوں ۔من دل ءَ گشت کہ اے ہنچیں جاگہئے کہ ادا الّم ءَ منی چم ارس دئینت۔
قبرانی سرا نبشتگیں ہر لبز منی وتن ءِ کسہ ءَ بیان کنگا ات۔من اودا درہیں میتگ ءُ شہر دیست انت۔بسان،جافہ نزارتھ ،غزہ ،بیت المقدس ۔من اے قبرانی دیم ءَ سر جہل کُت ءُ ھیال کُت کہ نوں وَ الّم ءَ منی ارس درکاینت ۔بلے من ءَ وتی باتن ءِ سَنگی ءَ سک لگور کُت ء پ ترسینت۔من تچان ءَ وتی کوٹیءِ نیمگا شتوں ۔
۵
آ مردماں بیروت لمبوکیں آ س ءِ تہا دور دات۔ءُ ہجالتّی ءِ تہاری مدان مدان ءَ چاریں نیمگاں تالان بوت۔من درہیں دروازگ و دریگ مُہر کُت انت ءُ ھیال کُت ۔نوں منی ھیال ءَ ہماوہدایں کہ وتار ءَ چہ درسیں بیِم ءُ ترسناکیاں بہ رکھیناں۔پدا تیوگیں شپ ءَ من یکیں توار اشکُت ۔آ منی مات ءِ توار اَت کہ دُعا لوٹگا اَت۔
،،ا رب ذوالجلال ! یاسر تئی امان انت ۔یاسر تئی امان ءُ پناہ ءَ انت ۔۔یا حءّی یا قیّومُ ۔
من پچ لرزاتوں۔من چِپوُ روک کُت۔ءُ چہ لوگا در اتکوں ۔سہریں تیر آزمان ءِ دیم ءَ ترْپان اِتاں ءُ دیم ءِ لوگ ءُ دگّانی سرا بم ترکّگا اتاں۔یک چارراہے ءِ سرا مئے ٹک(قبیلہ) ءِ ورنا ابو ذر ءِ دست ءَ تپنگے داشتگ ءُ اوشتاتگ اَت۔آئی من ءَ دیست تہ دیمے ترّینت ءُ گشتے،، تو ورنا چو چیا پریشان ءِ ؟،،
،،منی وتن ءَ یک عجبیں توپانے اتک ءُ پدا گار بوت،،من گشت۔
،،توپان اتک تہ تو چے کُت ؟ آئی گشت۔
،،من وتی سَرگ وتی بگلانی تہا چیر دات ءُ وتار ءَ رکھینگے کوشست کرت،،
،،پدا چے بوت؟،،
،،پدا توپان ءَ منی پاد گوْتک انت ،،
،،نوں کجا روگا ئے؟،،تو تیرانی توار ءِ اشکنے؟،،
،،منی مات من ءَ گشگا انت کہ من وتار ءَ بچّارینیں ،، من گشت
،،من آئی ھبراں زورگا اُں،،
،،شر انت ورنا ! تئی مات کُجا انت ؟،، آئی من ءَ جست کُت
آ را منی وتن ءَ دژمناں داشتگ ،منی وتن پہ زورے گِرگ ءُ قبضہ کنگ بوتگ ،انوں دژمنانی دست ءَ انت۔
،،گڈءَ تو اشانی گشگ ءِ پدا تیرانی تہا گردگائے؟،،
،،من چہ ودار ءَ دم برت ،،من گشت ،، منی مات ءِ توار منءَ واب ءَ نئیل ایت ،،
آ مردءَ من ءَ سرا داں پاد ءَ چار اِت ءُ گشت ،،گوں من بیا گوں ،،
من گوں آئی ہمراہی ءَ شتوں ۔دگ و دمکاں آ روان ءُ من آئی ہمراہی ءَ روان اتوں ۔من ہمنچو کہ دیم ءَ روان اتوں منی ہمّت ءُ توکل گیش بووان بوت ۔مئے چاریں نیمگاں تیر چو ہور ءَ گوارگا اِتاں۔

ءُ پدا اے ورنا ءِ تپنگ لرز اِت ءُ برز ءَ مِکّے کُت شُت۔۔۔۔۔

بلوچی لِکھ وڑ ، رومن چیا۔۔۔۔۔۔۔۔

siyahag

نبشتہ : اِ لتا پ بلو چ
اے سرھالءَ چہ سید ظہور شاہ ہاشمی ءِ کتاب”بلوچی سیاہگءِ راست نبیگ،،ءَ بندات کناں۔سید وتی کتابءَ نبشتہ کنت کہ”بلوچی زبانءَ کہ ما مرچی ماں اے سیاہگءَ(بزاں عربی ءَ) نبیسگءَ ایں ایشی مستریں نیمون ایش انت کہ سرجمیں بلوچستان،ایران،اوگانستانءُ سندھ ءَ ھرسئیں دیما پُل ءُ واڑ کرتگ ءُ چارمی نیمگءَ نیلبومیں زِر انت۔اے ھر سئیں مُلکاں کہ بلوچستان ماں انگرِّ ءَ گپتگ ایشانی تہءَ ہمے سیاہگ کارمرد بیگءَ اِنت۔اے سیاہگ عربی سیاہگ گوْشگ بیت پرچا کہ ماں عربی رہبندءَ اِنت۔دگہ گپّے ایش انت کہ سرجمیں رودرآتکی بلوچستانءَ اردو ءُ رو ایرشتی بلوچستانءَ پارسی وانینگ بیگءَ اِنت۔اگاں ناں راستیں گپّ ایش اِنت کہ بلوچی زبان اے سیاہگ(عربیءَ)ءَ ھجبر راست ءُ تچک نبیسگ ءُ وانگ نہ بیت۔،،سید وتی کتاب”بلوچی سیاہگءِ راست نبیسگ،،ءِ تہا تاکدیم نمبر 25 ءَ نبشتہ کنت کہ ”چوناھیگا اے سکّیں مزنیں گپّے ءُ ایشی ءِ بارہ ءَ گپّ جَنَگ مزنیں کارے داریت۔بلئے اگاں راستیں جستءَ بگرئے گڑا چہ کمّیں راہ ءُ رہبند جوڑ کنگ ءُ مَٹّ ءُ سَٹّ ءَ رند رومن سیاہگ پہ بلوچی ءِ نبیسگءَ چہ درْستاں جوان تر اِنت۔،، ہمے کتابءِ تاکدیم نمبر 35 ءَ سید نبشتہ کنت کہ ”چوناھیگا اے گپ ءَ ہر یک سرپدیں ندکارے زانت ءُ پہ جوْانی زانت کہ انوگیں سیاہگ(عربی) کہ پہ بلوچی ءِ نبیسگ ءَ کار مرد بیگءَ اِنت ہچ رنگ ءَ بلوچی ءِ گال ءُ گالواران گیشینت نہ کنت بلے چے کنگ بیت کہ مئے ریش دگرانی دستءَ اَنت۔،،
سید ظہور شاہ ہاشمی بلوچی زبان ءِ یک مزنیں جہد کارے بوتگ ءُ ہما وہداں کہ زبان وتی وانگءُ نبشتہ ءِ بنداتی زمانگاں مزنیں جیڑہانی آماچ بوتگ،سیدءَ پہ زبانءِ دیمروئی ءَ گوں سِتک دل جہد کتگ۔سید کہ عربی لکھ وڑءِ لہتیں رہبند جوڑ کتگ اَنت،سیدءَ انچش کہ وت گشتگ عربی رہبند اوں پہ مجبوری زرتگ ءُ دائمی ایں چیزے نہ بوتگ ،ہمے ہمرائی ءَ اشانی سوب ءُ الّت اوں گشتگ اَنت کہ چیا انوں ما بلوچی لکھ وڑءَ عربی رہبندءَ زورگا ایں،سید وت اے ھبرءِ منّوگر اِنت کہ بلوچی نبشتہءِ رہبند ماں رومن لکھ وڑءَ شر تر انت چیا کہ رومن ءِ تہا بلوچی ءِ بازیں توار کہ آ ماں عربیءَ گیشینگ نہ بنت،اشاں شرتر ما رومنءَ گیشینت کناں۔اے درگتءَ بازیں بلوچی نبشتہ کار پہ رومنءِ ھلاپءَ”سید،،ءِ گشتگیں اے سوبءَ ایر کن انت کہ بلوچ سرڈگار ءِ چاریں نیمگاں عربی ،پارسیءِ اثرات است اَنت پمشکہ ما اوں چہ اے اثراتاں وتءَ گیشینت نہ کناں۔ہمے سوب انت کہ اے مردم بلوچی نبشتہءِ رہبندءَ ماں عربیءُ فارسی ءَ کنگءِ پلّہ مرزیءَ کنگا اَنت،اے ھبرءَ نچاراَنت کہ سید وت گشگا انت کہ ”پہ بلوچی نبشتہ رہبندءَ رومن شر تراِنت،،بلئے من گوں اشاں تپاک نداراں،من گوں سیدءِ ہما ھبراں تپاک داراں کہ بلوچی زبانءِ نبشتہ ءِ کہ رہبند است اِنت اشی جیڑہاں رومن گیشینیت گڑا ما جیڑہاں گیش کنوکیں عربی رہبندءَ چیا بزوراں؟ہمے جیڑہءَ کہ عربی نبشتہ ءِ رہبندءِ تہا بلوچی زبانءَ دیمپان اَنت اگاں اے جیڑہ رومنءِ نبشتہ ءِ رہبندءَ ھلاس بنت گڑا چیا ما رومنءَ مہ زوراں؟
بازیں نبشتہ کارءُ کوّاسانی گشگ انت کہ اگاں عربی نہ بیت گڑا رومن اوں مہ بیت میانءَ دگہ وتی نشانءُ رہبند جتائیں بہ بنت، کہ آئی وتی جتائیں نشانءُ رنگے بیت۔ اے ھبر وَ شَر اِنت کہ جتائیں رنگ ءُ نشان بہ بیت البتہ ہمے کوّاسانی رویہ سنجیدہ نہ اَنت کہ اے ھبرءَ کن اَنت کہ اگاں عربی نا گڑا رومن چیا؟اے تب مارءَ ہمے چیزءَ پیش داریت کہ مئے نبشتہ کار ءُ کوّاس اوں ذاتی اناءِ آماچ اِنت کہ پہ یک سنجیدہ ئیں زانت کارے ءَ جوانیں سِپَت ئے نہ انت،بلئے جست ایشنت کہ اگاں اے وڑ بوت وَ شر ترانت کہ مئے جتائیں رنگے بیت،اگاں انا گڑا رومن تئی درسیں جیڑہاں گیش و گیوار کت کنت ءُ چہ عربی رہبندءَ شر تر اِنت گڑاں مئے گچین چیا ہما نہ بیت کہ مئے جیڑہاں گیشیشنیت؟۔چیا کہ نوکیں نشان پہ بلوچی آباں جوڑ کنگ باز وہد پکار اِنت ءُ بلوچ چش کہ سیاسی،جغرافیائی،معاشی،لبزانکی پڑءَ تنیگہ بہرءُ بانگ اِنت،منءَ نہ لگّیت کہ چو زوت نبشتہءِ دگہ نوکیں جتائیں رنگے جوڑ کت بہ کنت،پمشکہ رومن کہ ماں دنیاءِ بازیں ءُ گیشتریں زبانانی رہبنداں ہوار انت ءُ مرچیگیں کمپیوٹر ءُ ٹیکنالوجی ءِ تہا رومن ءِ جوانیں پجّارے است انت باید اِنت کہ گوں دیما شتگیں ڈویپلڈ زباناں ہمراہ داری بکناں ءُ رومنءَ بزوراں داں کہ مئے جیڑہ گیش ءُ گیوار بہ بنت۔من بلوچءِ اے بہرءُ بانگ بووگا اوں علمی نا پختگیءِ ہمراہیءَ ذاتی انا سرپد باں ءُ اشی ہمے اردو،عربی یا پارسی ءِ وانگ ءُ دربرگ ءِ اثرات زاناں۔چیا کہ درآمدیں زبان مدام راجانی تبءُ رویہّ ہاں ہمے انگءَ متاثر کن اَنت انچش کہ ما وتی چاگردءَ وتی وتی رویہ ءُ کردءَ گندگا ایں۔
بازیں مردم عربی لکھ وڑءِ حقءَ اے واستا ھبر کنت کہ آہانی گشگ اِنت کہ عربی ارزان تِر ءُ رومن ءِ پوہ بئیگا باز وہد پکار اِنت۔بلئے من اے بابتءَ جتائیں موقف ئے داراں۔چیا کہ انوگیں رودراتکی بلوچستانءَ ،روبرکتی بلوچستانءَ یک بلوچے چہ اولی تبکءَ وانگ بندات کنت داں کہ شانزدہی تبکءَ کم از کم عمرءِ بیست سالاں گیش آ اردو ءُ پارسی وانیت۔کہ اے دوئیں زبانانی نبشتہ ءِ رہبند ماں عربی ءَ اَنت۔پمشکہ مئے نزّءَ عربی رہبند ارزان تر اِنت۔بلئے چش نہ اِنت اگاں ما بیست سال پہ عربی رہبندءِ نبشتہ ءُ وانگءَ زوال کتگ ،ما یک سالے یا اشیءَ کمتر رومنءِ ہمے رہبند کہ مرچی بلوچی زبان زانت ءُ لسانیات ءِ بلوچ ورنا ہاں بندات کتگ،ہمے رہبندءِ سرا ھرچ بکناں تہ ما زاناں کہ اے رہبند چنکس وشءُ ارزان تر انت۔چیا کہ مرچی مئے بلوچ پدریچ کہ موبائل ،کمپیوٹرءَ گوں ہمگرنچ اَنت،اشانی واستا رومن سیاہگ ءِ وانگ،نبشتہ ہچ گران نہ اِنت۔بلکن چہ عربی سیاہگءَ اوں ارزان تر اِنت۔
رومن ءِ بلوچ چاگردءَ سیاسی اثرات:
دنیاءَ ہر زبانے کہ است اِنت آئی سیاسی ،چاگردی،نفسیاتی اثرات است اَنت۔مرچی ما بلوچ چاگردءَ بچاریں تہ مارءَ پارسی،اردو،عربیءِ مزنیں اثرات گندگا کاینت۔مرچی کہ ما عربک یا پارسی رہبندءِ حقءَ ھبر کناں ما اے ھبرءَ بے ھیال باں کہ پارسی وتی دستءِ چیرءِ بلوچاں وتی رنگءَ رجینگ ءَ اِنت ءُ عرب وتی دستءِ چیرءِ بلوچاں وتی رنگءَ رجینگءَ اِنت۔اے نیامءَ ”بلوچ،،ءُ بلوچی بے نام بووگا اِنت۔پارسیءِ دانشور ءُ کواس بلوچءِ قومی بستارءَ ھلاس کنگءُ آئرا پارسیءِ ضم کنگا اِنت،عربءِ کوّاس بلوچءَ عربءَ گوں ضم کنگ ءَ اِنت۔بلوچ اگاں ایرانءِ دستءِ چیرا اِنت گڑا آ بالاچءُ بیبگرءِ نامءَ زرت نہ کنت۔ءُ اگاں عربءِ دستءِ چیرءَ اِنت گڑا وتی زبانے شمشتگ ءُ بلوچ بیگواہ ءُ ” البلوشی،،ءِ نامءَ عرب نفسیاتءِ متابکیں نامے بلوچءَ بکشاتگے۔داں بلوچ وتی زبان،زبانءِ لکھ وڑ،پُچ ءُ پوشاک ءُ ہمے رنگءِ مٹیرئیل کلچرانی پہازگءَ کامیاب نہ بیت بلوچ وتی راجی ارزشت ءَ دنیا ءِ تہا داشت نہ کنت ءُ وتءَ زندگیں راجے ءِ بستارءَ دیما آؤرت نہ کنت۔ بازیں نبشتہ کار،کواسین بلوچ اے ھبراں تپاک داریت کہ بلوچ چہ اردو ،عربی،یا پارسی ءِ واجہاں وتءَ آجو بہ کنت ءُ جتائین وتی استانی بستارءَ بئیت بلئے چہ اردو،عربی یا پارسی زبان،آہانی نبشتہ ءِ رہبنداں آجو بووگءِ ھبرءَ چیا تپاک نداریت ؟ اے دانشورانہ ڈبل اسٹینڈرے یا دگہ ھبرے کہ ما اشی ءَ سرپد نہ بووگا ایں۔اگاں بلوچی نبشتہءِ رہبند چہ عربی ءُ پارسی ءِ رہبنداں جتا ءُ آجو کنگ بہ بیت تہ تئی درسیں جیڑہ کم کمءَ گیِشنت۔تئی وتی پجّارے دنیاءِ تہا مانیت ءُ تئی راجی باندات،راجی پجّارءِ جہدءَ ترا سوبین کنگءَ مزنیں ارزشتے داریت۔اے وہداں دنیاءِ گیشتریں ڈویپلڈ ملکاں یا راجاں ما بچاریں آہانی نبشتہ ءِ رہبند گوں ٹیکنالوجیءَ ہمگرنچ اِنت ءُ گوں رومن ءَ نزیکی کنت۔منی گشگءِ مول ءُ مراد ایشنت کہ دنیاءِ اگاں کلّیں زبان رومنءَ نہ انت تہ کم از کم نود درسد مزنیں ملکانی مزنین زبان ماں رومنءَ است اَنت۔
زبانءَ گوں دین ءَ ہچ وڑیں سیادی نیست چیا کہ ما ایشیاء ءِ تہا چائینیز،ہندی،بنگالی،ازبک،تاجک،ترکمانستانی،بنگالی،گجراتی،اے کلیں زبانانی وتی جتا جتا ئیں رنگے گندگا ایں،اے گوں عربیءَ ہچ سیادی نہ کن اَنت۔باز مردم گشیت کہ اگاں رو دراتکی بلوچستانءِ بلوچ رومنءَ بہ زور اَنت رو برکتی بلوچستانءِ بلوچ چراہاں سک دور ءُ جتا بنت چیا کہ آ پارسی ذدگ اَنت من گشاں اے ہچ مسئلہ ئے نہ انت چیا کہ ہندوستانءِ پنجاپی وتی پنجاپی زبانءَ گپ کنت بلئے نبشتہ ہندی رہبندءَ کنت ، بلئے انگتہ آ پنجاپی ئے۔اگاں آ پنجاپی مسلمانے بہ بیت یا ہندو ئے۔ہمے پیما بنگلہ دیش کہ یک زمانگے پاکستان بوتگ،اودا تیوگیں آبادی مسلمان اِنت،بنگلہ دیش ءَ بنگالی وتی ماتی زبانءَ گپ کن اَنت ءُ وتی جتائیں رہبندے است اِش کہ گوں ھندیءِ رہبندیءَ سیادی کنت،ھالانکہ بنگلہ دیشی درہا مسلمان اَنت بلئے عربی رہبنداِش نہ زرتگ۔ہمے پیما ہندوستانءِ پنجاپی کہ ہندی رہبندءَ پنجاپی شعراں نبشتہ کنت پاکستانءِ پنجاپی عربک رہبندءَ پنجاپی شعراں نبشتہ کنت۔اگاں بازیں بلوچ کواس اے ھبرءَ گشنت کہ عربی اسلامی زبانے،اے ھبر راست نہ اِنت چیا کہ اسلام یک مذہبے،زبانے نہ اِنت۔ہر زبانءِ ہر قومءِ مردم اسلام ءِ تہا است ءُ ہر زبان ءُ قومءِ تہا مسلمان است اِنت بلئے ہر قومے وتی وتی زبان،رہبند،ءُ ربیدگاں گوں بندوک اِنت۔ادا ما زبان،دودءُ ربیدگ،راجی پجّارءَ جتائیں ارزشتے بدئیں،مذہب ہر انسانءِ وتی ذاتی ءُ اندری مارشتے کہ ءُ اے مردمءِ وتی پرائیویسی ءِ تہا ہوار کنگ بہ بیت ناں چاگردی ،لبزانکی یا سیاسی جیڑہاں ما مذہب ءُ دینءَ ہوار بکناں۔
مرچی بلوچ وتی راجی پجّارءِ جہدءَ اِنت،اگاں چہ وتی راجی گلامیءَ وتا در کنگ لوٹیت گڑا ں اولی کار ہمیشنت کہ بلوچ وتی زبان،نبشتہ ءِ رہبند،پوشاک ءُ ربیدگءِ ھاسیں ھیالداریءَ بہ کنت ءُ وتی جتائیں رنگے جوڑ بہ کنت۔داں کہ ما عربی،پارسی یا اردوءِ اثراتاں ھلاس کنگءِ جہدءَ نہ کناں یا اے پڑءَ سنجیدہ نہ باں مئے بازیں جیڑہ گوں ہمے ھبراں بندوک اِنت ءُ ما وتی پجارءِ جنگءَ اوں چو سوبین بوت نہ کناں۔
بازیں نبشتہ کارانی گوں عربک یا پارسی ءَ دوستی یا نزیکی جذباتانی سرا اِنت،آہانی گشگ ہمیشن اِنت کہ بلوچ نبشتہ کارانی یک بہرے کہ پہ رومنءَ ہدوک اِنت دراصل اے نفسیاتی جیڑہ ے۔لسانی جیڑہ ے نہ اِنت،بلئے منی ھیالءَ اے نفسیاتی جیڑہ ءِ ہمراہیءَ لسانیاتی جیڑہ ئے اوں است اِنت ءُ اے لسانیاتی جیڑہ ءِ بابتءَ سید ظہور شاہ ہاشمی ءَ وتی کتاب”بلوچی سیاہگءِ راست نبیسگ،،ءِ تہا ساپ و تچکءَ نبشتہ کتگ کہ بلوچی ءِ انوگیں راہبند(عربی) ہچ رنگءَ بلوچی زبانءِ نبشتہ ءِ رہبنداں گیشینت نہ کنت بلکن رومن اے کلیں جیڑہاں گیشیشنیت۔سید ءَ اوں اگاں اے کتاب نبشتگ ءُ اے سیاہگ بلوچءِ واستا گچین کتگ،آ وہداں سید ءِ لسانیاتی جیڑہانی سرا اے رہبند نہ زرتگ بلکن سیاسی،معاشی،مذہبی جذباتءُ مجبوریانی بنیادءَ زورگ بوتگ۔اگاں ہما وہداں اے مجبوری دیما ایر کنگ مہ بوتیناں تہ مرچی لکھ وڑءِ رہبند گیشتگ اَت۔
مرچی اگاں بلوچءَ اے جیڑہ کہ دیما انت اشی مستریں سوب وَ یکے ایشنت کہ بلوچی زبان داں نوزدہمی کرنءَ ہچ رنگءَ نبشتہ نبوتگ ،بلوچاں اگاں بازیں جاگہاں چیزے نبشتہ کتگ گڑاں آ پارسیءِ تہا بوتگ انت۔پاکستانی قبضہ ءَ پد روچ دراتکی بلوچستانءَ پارسی ءِ اثرات ھلاس ءُ اردو(عربی) ءِ اثرات دیما اتک انت۔بلوچی شعر،نبشتانک نوزدہمی کرنءِ گڈ سرا ءُ بیستمی کرنءِ بنداتءَ نبشتہ کنگ بندات بوتگ آ اوں عربی رہبنداں۔ترکمانستانءِ بلوچاں یک زمانگے جہدے کتگ کہ بلوچی زبانءِ وتی جتائیں نبشتہ رہبندے بہ بیت بلئے کلمکارانی سیاسی،نظریاتی بہرءُ بانگ بووگءِ سوبءَ اے کار اوں سرجم نہ بوتگ۔ہمے رنگءَ اپسالہ یونیورسٹی سویڈنءَ اوں رومن لکھ وڑءِ رہبند دیما آؤرتگ بلئے سوب ہما یکین اِنت کہ بلوچ لبزانت،بہرءُ بانگ بیتگ اَنت۔اے بہرءُ بانگءِ سوب بلوچ سرڈگارءِ بہرءُ بانگ ،قبضہ گیرانی داتگیں سیاسی کلچر اِنت۔ہمے کلچر مئے نبشتہ رہبندءِ سرا اوں اثر انداز بوتگ،مرچی ما بلوچ چاگردءِ سرا اگاں چمشانک بدئیں تہ مارءَ سرپدی رسیت کہ بلوچ ماں پاکستانءَ ادءِ سیاسی ءُ معاشی اُروش ءَ بیگواہ اِنت،ایرانءَ اوں پارسی کلچر ءِ پولنگاں بلوچءِ کلچر ،زبان بیگواہ بئیگا اِنت۔افغانستانءَ اوں ہما جغرافیہ ءِ اثراتاں در نئیت۔ہما بلوچ کہ ماں خلیجی ملکاں نشتگ اَنت اودءِ بلوچ نوں ؛؛البلوشی،، جوڑ بوتگ اَنت ءُ وتی اسلیں پجّار ویل کتگ اَنت۔اگاں مرچی اے ترانءَ کہ سر چست کتگ اشی مستریں سوب بلوچءِ سیاسی پختگی ءُ وتی بانداتءِ ٹہینگءِ ارمان اِنت کہ مدام بلوچءَ بے تاہیر کتگے ،مرچی بلوچ چاگردءَ اے ھبر گوں ترندیءَ مارگ بووگا اِنت کہ بلوچ اے پُر آشوبیں زمانگءَ چہ پیم وتءَ یک راجےءِ بستارءَ دیما آؤرت کنت۔ہمے جیڑگءَ بلوچ وتی ربیدگ،زبان،پوشاک ءُ کلچرءِ اندگہ تہراں پہازگءِ واستا دستءُ پاد جنگا اِنت۔بلئے مرچیگیں زمانگءَ اوں انچیں سیاسی ،لبزانکی مردم است اَنت کہ اے ھبرءَ گوں اورت چاریءَ راجی جزبگا گوں نچاراَنت،بلکن سطعی ءُ کشءُ کِرّ ءِ اثراتاں چار اَنت ءُ عربی لکھ وڑءِ پلہ مرزیءِ ھبراں کن اَنت۔یا رومنءِ ھلاپ بنت ،چیا کہ باز براں ما وت دگہ نوکیں راہ ءُ در پچ کت نکناں بلئے اگاں دگرے اشی بنداتءَ کنت ما آئی دیما کنٹگ جناں۔
لبزانکی جیڑہانی گیش و گیوار نہ بووگءِ سوب۔؟
چونہا بلوچ چاگردءَ بازیں جیڑہ است اَنت کہ گیش ءُ گیوار کنگ لوٹنت،ہمے جیڑہاں چہ لہتیں لبزانکی جیڑہ اَنت کہ سک مان گیشتگ اَنت۔مئے شاعر،لبزانت،کلم کار یکے وَ اے نیمگا دلگوش گوْر نہ کن اَنت،دومی اگاں کسے اے نیمگا دلگوش ءَ گور کنت بازیں رکاوٹ دیما کاینت۔مارءَ اے ھبر ءِ راستی گیشینگ لوٹیت کہ بلوچ چاگردءِ تہا کجام جیڑہ بہ بیت چیا گیش و گیوار نہ بنت؟ اشی سوب ءُ الّت چے انت کہ بلوچ چاگردءَ مرچیگیں زمانگءَ اوں اینچو دیمروئی نہ کتگ کہ ما وتی جیڑہاں وت بہ نندیں بہ ٹہیناں،مدام مئے چم درآمداں چیا سکّ بنت؟
اے بابتءَ کہ من جیڑاں ،من لہتیں جاوراں اے رنگءَ چاراں کہ بلوچ چاگرد تنی وہدی زانت کار ءُ سنجیدہ نہ اِنت۔زانت کار نہ بووگءِ لہتیں نشانی است اَنت کہ بلوچ چاگردءِ تہا اے نشانی پدّر اَنت۔پہ درور من اے گشگ لوٹاں کہ ہما بلوچ ورنا کہ وانگءُ زانگءِ پڑءَ جوانیا دیما شتگ اَنت اشانی کِرد پہ چاگردی ،لبزانکی،راجی جیڑہاں گندگ نہ بیت۔اگاں یکے دیما کنزگ لوٹیت گڑاں من تو یا دومی سیمی آئی ءِ دیما داراَن۔مئے تب مئے راجی زانشءَ پدّر کنت کہ ما یکے دومیءَ برداشت نہ کناں۔اگاں ما زانتکار بہ باں گڑاں برداشت ءِ دود اَلّم ءَ مارءَ گون بیت۔چونہا بلوچ چاگردءِ تہا مزنیں نام است کہ اے نامانی شریں کردے است بلئے لبزانکی جیڑہانی گیش و گیوار کنگءِ ھاترءَ ہچ کسے سوبین نہ بوتگ۔چیا کہ ما یکے دومی ءِ موقف ءِ قدرءَ نہ کناں،من ہرچی کہ نبشتہ کناں یا کہ گشاں گڑاں اے منی انا ءِ مسئلہ جوڑ بیت کہ من چو گشتگ نوں من پُشتءَ نہ کنزاں،یا ہرچی کہ من گشتگ ترا اوں منّگی اِنت۔چوش نہ اِنت ءُ چوش بوت نہ کنت،دنیاءِ یک دودے است ،ہر ڈویلپڈ راجانی یک دوددے اے ہم است اِنت کہ یکے دومی ءِ احترامءَ کن اَنت۔ادا مئے چاگردءَ اگاں لبزانتے بکن،سیا ست دانے بکن،گشندہے بکن یا کاروباری مردمے بکن،درہیں تکءِ مردم یکے دومی ءِ گُٹّ ءَ کپتگ اَنت۔ءُ اے رویہّ منی ھیالءَ بلوچءِ تب مہ بوتیں چیا کہ اے رویہ بلوچءَ چہ دری ءُ قبضہ گیریں قوتاں گون اَنت۔باہدانت کہ ما وتی سیاسی،لبزانکی،چاگردی،راجی رویہّ ءِ سرا چمشانک بدئیں ءُ وتی اندرءِ انسانءَ یا وتی اندرءِ بلوچءَ چہ وابءَ پاد بکناں ءُ پولنگیں کلچرءَ چے رکھینگءِ عملی صورتءَ وتی کردءَ پیش بداراں۔مرچی ایوکءَ لبزانکی اِنّا بلکن مئے سیاسی،چاگردی زند اوں بہرءُ بانگ اِنت ،چیا کہ مئے رویہّ گوں وتءَ،گوں وتی لبزانتءَ یا زندءِ کجام تکءَ بچارے گوں کسءَ پوزیٹیو نہ اِنت۔چاگردءَ ہما مردم کہ ایراد گریءُ نگدءِ کاری ءَ گلائیش اِنت ءُ لبزانک،سیاست ءَ ساپ ءُ سلّہ کنگ لوٹیت،پیسرا وتی ساپیں کرد ءُ ساپیں امیج جوڑ کنگءَ سوبین نہ بوتگ۔ہما سیاست دان یا لبزانت کہ دومی ءَ ھراب گشیت ءُ شَر کنگ لوٹیت پیسرا وتی کردءِ سرا ہچ رنگءِ چمشانک نہ دنت ءُ گہتری نیاریت انچو دومیءِ ڈوبارگءَ بندات کنت۔اے نیگیٹیو رویہ اَنت کہ شرتری ءِ بدلءَ گنتری دیما کاریت۔لبزانک ءُ سیاست ءِ پڑءَ انچیں مردم پکار اِنت اے راستیانی حق و راستیں چیدگ وتءَ جوڑ بہ کنت ءُ واقعی پہ راج،راجی زبان ءُ لبزانک ءِ واستءَ کار بہ کنت۔ما مدام ہرچ کارے کہ بندات کناں ہما کارءِ ضرورتاں پیلو نہ کناں انچو پہ دیم بندات بیت پمشکہ ہر کار کپّی بیت ۔یک نادراہے اگاں ناجوڑ بیت گڑاں ہوسپٹل ءَ ڈاکٹر نادراہءِ ٹیسٹاں زوریت ءُ ناجوڑیءَ درگیجیت،نادراہی درکپگءَ گوں نوں ڈاکٹر ہمائی الاجءَ کنت۔اگاں انچو پہ دیم الاج بہ کنتے تہ بوت کنت درمان ءُ سوچن ناجوڑءَ گیشتر تاوان بدئینت۔ہمے درورءَ مئے لبزانکءُ سیاست ءِ ھال اِنت کہ ما یا وَ ناجوڑی ءَ درگیجگءِ قابل نہ ایں،یا ناجوڑی ما درگیتکگ بلئے ما نہ لوٹاں کہ ناجوڑ دراہ بہ بیت مئے واہگ اِنت کہ ناجوڑ گٹ گیر بہ کناں۔یا وَ مئے لیبارٹری اَپ ڈیٹ نہ انت ءُ کتگیں ٹیسٹ رداَنت۔یا وَ مئے چاگرد ڈنی اثراتاں انچو پولنگ کتگ اَنت کہ ما وتی ردیاں منّگا تیار نہ ایں۔پہ زانت یا پہ نزانتکاری ما وتی لبزانک،سیاست،چاگردءَ کورچاتےءَ برگا ایں۔گڑ سراں من وتی ہما ھبراں یک برے پدءَ گشگ لوٹاں کہ ”اگاں تو چہ اردو،پارسی یا عربی زبان ءِ واجہ کاراں وتءَ آجو کنگ لوٹے گڑاں چریشانی نبشتہ ءِ رہبندءَ وتءَ آجو کن،،اگاں نا۔۔گڑا تئی جہد ءِ دیما مستریں دیوالاں یکے ہمیشن اِنت کہ ہر رنگءَ ترا اے دیوال دور دئیگ کپیت۔

تیزاپی سیاست ءُ بلوچستان

 

 

 

 

 

نبشتہ : التاپ بلوچ

 

 

جولائی ۲۰۱۴ء ءِ ماہ ءَ بلوچستان ءِ مزن شہر شال ،مستونگ ءَ لہتیں ناشراں بلوچ زالبولانءَ تیزاپ پر ریتک کہ چہ تینزاپ ءِ گرمی ءَ اے گہارانی دست،دیم سُتکاں۔اے وئیل ءَ ہما بلوچ دلءَ سک بژنیگ ءُ پریشان بوتنت کہ آروژنائیں دیمروئیں بلوچستانے ئے جہدءَ انت۔بلئے جست ایشنت کہ اے وئیل ءِ پُشدرءَ چے است؟بلوچ چاگردءَ کئے اِنت کہ اے رنگیں ترس ءُ بیم ودی کنت؟ ءُ چیا اے وڑیں جاورحال جوڑ کنگ بیت؟ اے ہما بنکی جست اَنت کہ داں اشانی پسو مارءَ دست مہ کپ انت ما مرچیگیں جاوراں سجمی ءَ پہم اِت نکناں۔مرچی انچوش کہ تیوگیں دنیا سرپد اِنت کہ بلوچ راج ءَ یک جنزے بندات کتگ۔اے جنز اگاں چہ مرچی بندات نہ بوتگ ءُ اشی روتگ تاریخی حوالہ ءَ دور اَنت بلئے مرچی اے جنز انچش دیما شتگ کہ ہر لوگ،ہر بلوچ اشی اثر مند کتگ۔ءُ اگاں ما دنیائے اندگہ آجوئی ءَ جنزاں بچاریں تہ استعماری،قابضہ گیر قوتاں ہما چاگرداں ہرچی ناروائی ءُ سل کاری کہ کتگ،مرچی ماں بلوچ ڈیھ ءَ ہما سلکاری چہ استعماری قوت ءِ نیمگ ءَ بووگا اَنت۔اگاں ما فرانز فینن،پائولوفریرے ءِ نبشتہاں بوانیں یا ہما جنزانی تاریخ ءَ دلجمی ءَ چمشانک بدئیں تہ اے حبر پدر بیت کہ مرچی ہما جاورحال کہ بلوچستان ءَ دیما آیگا اَنت،اندگہ چاگرداں اوں بوتگ اَنت۔اے حبر مئے واستابژن ءِ حبر اِنت کہ مئے مات ءُ گہار وتی چاگردءَ ہچ رنگ ءَ محفوظ نہ اِنت بلئے وشی ءِ حبر ایشنت کہ تو ہمنکس کامیاب بئے تئی دژمن ءِ ہوش و سار ہمنکس گار بووان بیت ءُ دژمن تئی حلاس کنگ،تئی دود ربیدگ ءِ بے گواہ کنگ ءُ تئی روایتان ءَ ول گوج کنگ ءِ حاترءَ ہما کاراں کنت کہ دژمن وت ول گوج بیت۔ بلوچ زالبولانی سرا تینزاپ جنگ ءِ مستریں مول و مرادہمیشنت کہ بلوچ چاگرد ءُ بلوچستان ءَ یک ترس وبیمے ودی بکناں۔چیا کہ بلوچستان ءِ زالبول وانگ ءُ زانت ءِ پڈا مرچی سک دیما روگا اَنت ءُ وتی چاگردی،سیاسی،راجی ھقاں شریءِ سرءَ سرپد بوتگنت،بلوچ زالبول گوں وتی برات ءُ پتاں انوگیں جاوراں سیاسی ،لبزانکی،علمی پڈا ہمکوپگ اَنت ءُ جہد کنگا اَنت۔زانتکارے ءِ گشتن اِنت کہ ” یک وانندہیں ماتے،وانندہیں راجے،،جوڈ کت کنت۔ہمے حاترءَ بلوچ زالبولاں دژمن ءِ کیمپ ءِ مردم دوبار اَنت،ترسین اَنت ءُ اے رنگیں جاور دیما کار اَنت داں کہ بلوچ پُشت در پُشت ءَ زانت ءِ پڈا سَنٹ جوڑ بہ بیت۔اے سل کاریاں مئے چاگردءِ ہما سل کار کن اَنت کہ وتءَ وت نیکراہی{مذہب} ءِ ٹھیکیدار گشنت۔بلئے مذہب اسلام وانگ و زانگ،ءُ وتی حق ءِ گرگ ءِ جہد ءِ پلہ مرزی ءَ کنت۔اسلامءِ اگاں پہ جوانی ءَ یکے اسٹڈی ءَ بکنت تہ اسلام ءِ تہا زالبول ءِ حق سک باز اَنت۔ہمے دروشم ءَ بلوچ دود ءُ ربیدگانی تہا ءُ بلوچ تاریخ ءَ کسے چمشانک بدنت تہ اے ہبر پدر بیت کہ بلوچ اوں چہ اسلام ءَ پیسر ہمے حقاں وتی چاگردءِ زالبول ءَ دئیگا اِنت۔ءُ اے حبرا یک بلوچے شری ءَ پہم اِت کنت کہ بلوچ چاگرد ءَ بلوچ زالبولانی کرد ءُ چاگردی بستار چے اِنت۔اگاں ہما نیک راہی ٹھیکیدار کہ دژمن ءِ دستاں وتی بلوچیت،وتی مسلمانیت ءُ ایمانے بہا کتگ ،اگاں آرءَ بلوچ زالبولانی کرد،پوشاکءُ یک غیر اسلامی رواجے ءِ سرا اعتراض اِنت ہما حبر دیما آرگ بہ بیت داں کہ چاگردءِ مردم بزان اَنت کہ واقعی اے مئے ردی اِنت۔بلئے منی حیال ءَ بلوچ زالبول چہ ہزاراں سال ءُ چہ اسلامی کلچر ءَ پیسر ہما روایت ءُ مہکمیں کلچرءَ گوں بندوک اَنت کہ اسلام ءِ آیگ ءَ پد اسلامی اسکالر ءُ پیگمبراں زرتگ اَنت۔بلوچ زالبول ءِ پوشاک دنیا ءِ کلیں پوشاکاں چہ جلوہ ناک تر ءُ سِتر اِنت۔ءُ غیر اسلامی نہ اِنت۔ ہمے رنگءَ بلوچ زالبولانی وانگ،نندگ ءُ پادایگ وتی ہزاراں سالی کلچر ءِ درانگازیءَ کنت کہ ہچ ملا ءُ مذہبی اسکالر اشی سرءَ ایراد گیری کُت نہ کنت۔گڈا جست ایشنت کہ اگاں بلوچ کلچر اینکس سرریچیں کلچرے گڈا ہما مردم کہ بلوچ زالبولاں ترسین اَنت ءُ آہانی دیمءَ تینزاپ جن اَنت آ کئے اَنت،ءُ آہانی ٹاسک چے اِنت؟ اے ہما ناہاریں قوت اَنت کہ بلوچ راجءِ ترقی ءُ دیما روگءَ بیم کن اَنت۔اشانی ترس ہمیشنت کہ اگاں بلوچ زالبول وانندہ بہ بیت دنیا ئے شَر ءُ حراب ءَ سرپد بیت،وتی حق ءَ سرپد بیت،ءُ اگاں بلوچ زالبول وتی حق ءَ سرپد بوت گڈا وتی زہگ ءَ کہ لیلو دنت،اے زہگ اوں وتی حق ءَ سرپد بیت۔ءُ مرچی کہ راج ءَ وتی حق ءِ واستا مزنیں جنگے بندات کتگ مرچیگیں جاوراں دژمن ءِ واستا وانندہیں بلوچ ءُ حاس وانندہیں بلوچ زالبول سک ترسناک جوڑ بیت۔چیا کہ وانندہیں زالبول وتی پدریچاں ذہنی حوالہ ءَ گیشتر پُھتہ جوڑ کنت۔ہمے حاترءَ مرچی اے ریاست ءِ مُہرہ{نیک راہی ٹھیکیدرا} بلوچ چاگردءَ یک بیمے دور دئیگ لوٹنت کہ بلوچ زالبول چہ زانت ءُ زانگءَ دور بہ بنت۔چہ تینزاپی کردءَ پیسر ماں پنجگورءَ ہمے دستاں زالبولانی وانگ ءِ سرا اوں پابندی جت۔اے ہما کار اَنت کہ یک کامیابیں آشوبی چاگردے ءَ دژمن ریاست مدام ہر چاگردءَ اے رنگ ءِ جاورحال جوڑ کنت۔پمشکہ اے حبر سد درسد راست اِنت کہ بلوچ راجی جنز وتی کامیابی ءِ سیمسراں سر بووگی اِنت ءُ دژمن وتی حر ھُنرءَ بے سوب بوگا اِنت۔ مرچی ما ایوکءَ شال،مستونگ ءِ بلوچ زالبولانی حلاپ ءَ ریاست ءِ کارندہانی ،،تینزابی،،سیاست ءَ جنز ءِ حلاپ ءَ بدیں پالے مہ لیکھیں بلکن بلوچ چاگردءِ تہا اوں انچیں دگہ قوت است اَنت کہ راج ءَ تپاکی ءُ جنزءَ منزلے ءَ سر بووگ ءِ کارانی تہا پینگ جنگا اَنت۔ءُ راج ءَ بہر ءُ بانگ کنگا اَنت۔مارءَ چرے قوتاں چے ءُ اشانی راجدوستیں ملاہاں چے اوں حیال گور کنگی اِنت۔چیا کہ اگاں ما دنیا ئے آشوبانی تاریخ ءَ بچاریں تہ استعماریت ءِ لہتیں کارانی تہا یک وڑیں ھُنر ءُ ھیلہ است اَنت۔پہ درور ایش کہ ہما سرزمین کہ استعمار ءُ سامراج ءِ دست چیرے قوتاں وتی کتگ اَنت،اودا اگاں ہما زمینءِ واہنداں وتی آجوئی ءِ جہد بنا کتگ،گڈا استعماری قوتاں اودءَ بازیں قبیلہ،بازیں سیاست دان،بازیں لبزانتءُ طالب علم{نودربر} بہا زرتگ۔ہما زمین ءِ اصلیں وارث بہرءُ بانگ کتگ اَنت،ہما زمین ءِ لہتیں ٹک{قبیلہ}وتی پلہ مرزیءِ حاترءَ تربیت داتگنت۔ءُ جہدکارانی ھلاپءَ کارمرز کتگ اَنت۔باز کواسانی گشگ اِنت کہ یک چاگردےءَ پرشت و پروش،تکانسری چاگردی آشوب ءِ نشانی اَنت،بلئے اگاں ما اے حبرءَ پوہ بہ باں گڈءَ اے نشانی پہ ما آشوب آئورت کناں،ءُ اگاں ما پوہ نہ بوتاں گڈءَ اے نشانی راجءَ بہرو بانگ کن اَنت۔اے تینزاپی سیاست ءَ ایوکءَ دژمن مئے پروش دئیگءَ دیما بُرت نہ کنت داں کہ ما دژمن ءِ اخلاقی،افرادی ،نبشتہ ئی کمکءَ مہ کنیں۔مئے ہر عمل کہ ما پہ زانت یا نزانتکاری گوں ما بیت آ مرچیگیں دورءِ تہا سک اہم اِنت۔ اگاں ما بلوچ چاگردءَ گوں اے ریاستءِ اندگہ بہرانی چاگرداں گوں دیم پہ دیم بکنیں تہ اے حبر پدراِنت کہ مئے چاگردءَ اگاں مرچی نزوری ئے اتکگ گڈءَاے ریاستءِ سل کاریانی اثر اَنت۔باز مردم گشیت کہ ما{بلوچ راج} قومی نرگسیت ءِ شکاریں ءُ دگہ ہچ کس ما مان نیاریں۔من گشاں کہ لہتیں معاملاتاں چوش نہ اِنت،مئے راج ہزاراں سالی گلامے،وانگ ءُ زانگ ءُ راجی وت واجہی نہ بووگے سوب بوتگ کہ مئے چاگرد دری زوراکانی داتگیں کلچرءِسوب ءَ پولنگ بوتگ۔اصل ءَ اگاں تو وت واجہ بہ بئے تہ دنیا ءِ تہا یک رول ماڈل ے جوڑ بئے،بلئے اشی ءِ واستہ یک شرط ئے است،آشرط ایشنت کہ ما وتی ذاتی ءُ قبیلہی ::انا::ایگوءَ پاہو بدیاں،اگاں نا گڈءَ مئے بیگواہی،دائمی گلامی،ءُ پروش ورگ ءِ واستءَ دژمن ھرچ دار نہ بیت بلکن ما شما وت چاکرءُ گہرام ءِ کسہ ءَ نوک کنیںءُ برات کشی ءِ نوکیں کسہے سازیں داں دائمءِ گلامی ہمے رنگءَ برجم بیت۔پمشکہ مرچیگیں ہر میدانءَ دژمن ءِ ،،تینزاپی،،سیاست ءِ دیما دارگے واستءَ مارءَ سنجیدہ بووگی اِنت ءُ وتی سیاسی،قلمی،علمی قوت ءِ ٹوپانی دیما گوں یکیں دژمن ءَ بکنیں۔tenzap1

 

اہل قلم کی ذمہ داریاں

 

تحریر: التاپ بلوچ

خطے میں حالات روزبروز گھمبیر ہوتے جارہے ہیں۔ہر کمیونٹی ،ہر قوم،ہر فرقے کے لوگ چاہے وہ دنیا کے کسی کونے میں بس رہے ہوں،وہ ایک دوسرے سے رابطے میں ہیں اور ایک چھتری تلے اپنے اپنے حقوق اور بقاء کی جنگ لڑ رہے ہیں۔تمامتر سطعی اختلافات کے باوجود ایک دوسرے کے لیئے مددگار کے طور پر اپنی خدمات پیش کررہے ہیں۔اپنی حالت زار پر نہ صرف سنجیدگی سے غوروفکر کو اپنا مشن بنائے بیٹھے ہیں بلکہ عملی میدان میں بھی مسائل سے چھٹکارے کی جتن میں ہیں۔دنیا کی سابقہ اور موجودہ قومی،معاشی اور سیاسی تحریکوں میں جو چیز ہم نے مشترک پائی ہے وہ ہے سب کا اتحاد اور نظریاتی ہم آہنگی۔۔کم سے کم نقاط پر متحد ہو کر سامراجیت کے خلاف قوموں کی جدوجہد نے وہ اثر ڈالا کہ دنیا کی تاریخ کا دھارا تبدیل ہو گیا اوردنیا میں نئی نئی مملکتیں وجود میں آئیں اور جغرافیائی انقلاب برپا ہوا۔اگر چہ یہ تبدیلیاں کئی مراحل سے گزر کر آئی ہیں مگرآج کا تعلیم یافتہ طبقہ شاید اس وقت وہ مراحل طے کرچکے۔اس جیسی تبدیلیوں اور “”قومی شعور کے خطرات””کے موضوع پر فرانز فینن لکھتے ہیں کہ” تاریخ ہمیں واضح طور پر یہ بتاتی ہے کہ استعماریت کے خلاف جنگ براہ راست قومیت کے خطوط پر نہیں لڑی جاتی۔مقامی باشندے ایک عرصہء دراز تک چند خاص بدعنوانیوں مثلا جبری محنت،جسمانی سزا،تنخواہوں میں عدم مساوات،محدود سیاسی حقوق وغیرہ کو دور کرنے میں اپنی توانائی صرف کرتا رہتا ہے۔انسانیت پر ظلم کے خلاف جمہوریت کی یہ جنگ آہستہ آہستہ اور بعض اوقات دقت طلب مراحل سے گزر کرآزاد خیال بین الاقوامیت کے جھمیلوں سے نکلتے ہوئے قومیت کی صورت میں رونما ہوتی ہے۔یہ بھی ہوتا ہے کہ تعلیم یافتہ طبقے میں تیاری کا نہ ہونا،ان کے عوام کے درمیان عملی روابط کی عدم موجودگی،ان کی کاہلی،اوریہ بھی کہہ لیجیئے کہ جدوجہد کے فیصلہ کن لمحات میں ان کی بزدلی،یہ تمام چیزیں المناک حادثوں کو جنم دیتی ہیں۔”
اس پیرائے کا اگر ہم بغورمطالعہ کریں اور اپنی سماج پر تجزیہ کریں تو شاید بعض حالات ہماری سیاسی اورمعاشرتی حالات سے مطابقت رکھتی ہیں۔ہم بیک وقت دو سے تین محاذوں پر کام کررہے ہیں۔جیسا کہ فینن نے جن ادوار کا ذکر کیا ہے ہم ان مختلف دور سے بھی بیک وقت گزررہے ہیں اور ہمارے مزدور ،ملازم طبقہ اپنے شہری حقوق،تنخواہوں کی عدم مساوات اور جمہوری حقوق کے لیئے بھی روز سڑکوں پر ہیں اورقومی غلامی سے نجات کی جدوجہد میں بھی ہمارے نوجوان قربانیاں دے رہی ہیں۔لیکن یہاں پر یہ سوال اٹھتا ہے کہ کیا بقول فینن کے””نوجوانوں کے اپنے عوام کے درمیان روابط کی عدم موجودگی،،ہے یا ان کی کاہلی؟جس کی بدولت سے روز ہم نئے مسائل کا شکار ہورہے ہیں۔یا ہمارے اہل قلم اور دانشور طبقہ قومی سوچ سے کوسوں دورہیں کیونکہ فینن آگے لکھتے ہیں کہ””ایسے میں قومی شعور تمام عوام کی دلی خواہشات کا واضح مجموعہ اور عوامی تحریک کا فوری اور واضح نتیجہ ہونے کی بجائے،اصلیت کا محض ایک خول اور اس کی بھدی اور مضحک نقل ہو کر رہ جاتا ہے””۔
آج اگر بلوچ سیاست کے سیاسی،قلمی اور مزاحمتی کرداروں کا جائزہ لیں تو ہمیں کئی خامیاں نظر آئیں گی کیونکہ ہم میں قومی شعور کی تبلیغ اور تعلیم کی تکنیکی کمزوریوں کے ساتھ ساتھ ایک قوم بننے کیلئے وہ لازمی عنصر اور خوبیوں کی کمی کا سامنا ہے جو ہمیں مستقل بنیادوں پرمتحدو منظم کرے۔ہم تنقید کو””تنقید””سمجھ کرکرنے سے قاصر ہیں۔جس منزل کی جانب ہم محوسفر ہیں ہم نے اس کےضروی اجزاء اور لوازمات کی تیاری کیئے بغیر منزل کو دلہن کی طرح سجا کر اس بازی میں لگے ہیں کہ پہلے کون اس دلہن سے مصافحہ کرے گا اور اسے اپنائے گا۔ہم ایک انتہائی سنجیدہ عمل کو غیر سنجیدگی کی نظر کررہے ہیں۔ایسا ماحول بنتا جارہا ہے یا ہم دانستہ طور پر بنا رہے ہیں کہ جیسا ہم ایک منزل کی جانب نہیں بلکہ کئی منازل کی طرف دوڑ لگائے ہوئے ہیں۔ایسا لگ رہا ہے کہ ہم نے ادارے تو بنا دیئے ہیں لیکن اداروں کے بنائے ہوئے قوانین، آئین اور اصولوں کو اپنے عمل سے پائمال کررہے ہیں۔جس طرح “مملکت خداداد” کا سیاسی اور پارلیمانی کلچر ہر دور میں اپنی بنائی ہوئی آئین کو پائوں تلے روندھ رہا ہے باالکل اسی طرح “انقلابی اصولوں” کو بلوچ سیاست کے اہم کردار بھی پائوں تلے روندھ رہے ہیں۔ہماری قلم کی طاقت اور علمی بصیرت مثبت تبدیلی کی بجائے منفی رجحانات کو پیدا کرنےاور انتشار کے تاثرات کو پھیلانے میں استعمال ہورہی ہیں۔اور مزکورہ غلطیاں ہمیں کئی دہائیاں پیچھے کی جانب دھکیل رہی ہیں جن کی بدولت سے ہم روزبروز منزل کے قریب پہنچنے کی بجائے اس سے اجتماعی طور پر دور ہو رہے ہیں۔ہم اپنے منفی اعمال اور افعال کی وجہ سے ایسے نمونہ بنتے جارہے ہیں کہ نہ ہماری آنے والی نسلیں ہم پر فخر کرینگی اور نہ ہم ان کے لئے نجات کی راہوں کا صحیح معنوں میں تعین کرسکیں گے۔موجودہ میڈیائی انتشار کا حاصل صرف دائمی غلامی کا سبب بنے گا اور ہماری گروہی مقابلہ قومی سوچ کو منظم طریقے سے واش کریگی جو آگے چل کر ایک بھیانک صورتحال کو جنم دیگی۔
حیف ہے کہ ہمارے نام نہاد دانشور اور اہل قلم بھی اس صورتحال کو معض اس لیئے خراب کررہے ہیں کہ وہ مختلف گروہوں میں””اعلی مقام””حاصل کرسکیں۔ہمارے اہل قلم قومی دانشور کا کردار ادا کرنے سے قاصر ہیں اور اپنی علمی صلاحیتوں کو درباری بن کر مسخ کررہی ہیں۔اگر یہ صورتحال رہی اور ،،جنگ جنگ آخر صلاح،،کی پوزیشن پر ہم نہیں پہنچ سکے تو آجوئی ایک سراب بن کر آگے آگے اور ہم اس پیاسے کی مانند اس کے پیچھے پیچھے دوڑ کر کہیں بے ہوش ہوکر جنگلی سووروں کا شکار بن کر رہیں گے اور تاریخ کے کونے میں ہمیشہ کیلئے ہم ناکام قوم کی صورت میں یا د کیئے جائیں گے۔
مایوسی نہ صرف کفر ہے بلکہ اس سے بھی بڑا گناہ ہے ۔اور اس گناہ سے بچنے کے لیئے ہمیں فینن کے ان الفاظوں کو بار بار دہرانا چاہیئے کہ””ہر پسماندہ ملک کے متوسط طبقے کو چاہیئے کہ وہ ان راستوں سے جو تقدیر نے اس کے لئے مقرر کردیئے ہیں گریز کرنا اور اپنے آپ کو لوگوں کے ساتھ شامل کرنااپنا فرض منصبی سمجھے ۔دوسرے الفاظ میں یہ کہ وہ تمام علمی اور فنی سرمایہ جو اس نے استعماری یونیورسٹیوں سے اُچک لیا ہے،لوگوں کے لئے وقف کردے۔””
اگر ہمارے وہ نوجوان جو قومی شعور سے خود کو لیس سمجھتا ہے اور وہ دانشور یا اہل قلم جو حقیقی معنوں میں قومی دانشور ہےوہ یہ عہد کرے کہ وہ اپنی تمامتر صلاحیتیں قومی یکجہتی پر خرچ کریگی اور گروہی سوچ، اعمال کی حوصلہ شکنی کریگی اور اپنی خامیوں کو از خود دور کرنے کی کوشش کرکے نئے سرے سے اجتماعی قومی شعور کی تبلیغ اور تحریر کا عزم کرے تو ہمارے آدھے مسائل خود حل ہوجائیں گے۔ایسا نہ ہو کہ ایک خاص نقطے پر پہنچ کر ہم اپنی قومی ذمہ داریوں سے روگردانی کریں اور اس کا قصور وار ہم موجودہ نظام کو ٹہرائیں یا دوسروں پر انگلی اٹھائیں۔ہمیں اپنا سیاسی وژن،معاشی نظام،اور اصول پہلے سے طے کرنے چاہئیں،اگر چہ یہ کسی حد تک طے ہوچکے ہیں لیکن ایسامحسوس ہوتا ہے کہ کاروان کا کوئی سپاہی ان سے واقف نہیں۔ہمیں جدوجہد کرتے وقت اپنا قومی نفسیات،مقامی صورتحال،قبائلی نفسیات کو تاریخ کے تناظر میں مطالعہ کرنا ضروری ہے اور ہم زمینی حقائق سے ہٹ کر یاقومی نیچر کے برخلاف یک دم نظام کی ہر سطحوں کے خلاف تبدیلی کا خواہاں نظر آتے ہیں جو یکدم ممکن نہیں اسی لیئے ہمارے سامنے کئی مسائل کوہ قاف کی طرح رکاوٹ بنتے جارہے ہیں۔میں سمجھتا ہوں کہ ہماری موجودہ صورتحال کا ذمہ دارسیاسی لیڈر شپ اور سیاست دان تو ہیں لیکن ہمارے نام نہاد قومی دانشور اور اہل قلم پر زیادہ ذمہ داریاں عائد ہوتی ہیں جو قومی فریضہ کی ادائیگی سے منہ موڑ کرگروہیت کی حوصلہ افزائی میں مصروف عمل ہیں۔اور اس آزاد خیالی کا نتیجہ صرف انتشار،ٹوٹ پھوٹ،ناکامی اور خاتمہ پر منتج ہوگی جس کی کئی مثالیں تاریخ کا حصہ ہیں۔اس لئے ہمارے اہل قلم اور دانشوروں کو آگے آنا چاہیئے اورسنجیدگی سے قومی دانشوری کا فریضہ ادا کرنا چاہئے بصورت دیگر ان کے قلم سے نکلے ہوئے الفاظ ہماری ذہنی انتشارکا سبب بن کر متعین راہوں کو مزید دھندلا کردیں گی اور ہم ہمیشہ کیلئے فرقوں میں بٹتے جائیں گے اور کٹتے مرتے جائیں گےاور تاریخ کے دھاروں کی تبدیلی کجا ہم خود بھی بدل نہیں پائیں گے۔

بلوچستان میں تعلیم پر پابندی اور اس کے اثرات

تحریر: التاپ بلوچ

اکیسویں صدی جسے شعوروآگاہی کادور اگر کہا جایے تو غلط نہ ہوگا،اس دور میں بھی دنیا میں شاید کوئی بدنصیب خطہ ہو جہاں تعلیم پر قد غن لگی ہو۔اگر ایسا ہے تو وہ خطہ اس جدید دنیا کا بد قسمت ترین خطہ تصور کیا جائیگا اور اس خطے میں بسنے والے عوام بھی دنیا کا بد بخت ترین قوم ہوگا جو اس صدی میں تعلیم،شعورو آگاہی سے دور ہے۔جی ہاں اس وقت بلوچستان وہ خطہ ہے جہاں تعلیم پر ریاستی اور غیر ریاستی قوتوں نے اعلانیہ پابندی عائد کی ہے۔ بلوچستان میں تعلیمی اداروں کی بندش اور لایبریریوں پر چھاپوں کے بعد بلوچ عوام یہ محسوس کرنے میں حق بجانب ہے کہ اسے اپنے حق مانگنے کی پاداش میں کن کن مراحل سے گزرنا پڑرہا ہے اور اس سفر میں جبر کے خلاف وہ تن تنہا ہے۔پاکستان جس نے اقوام متحدہ کی انسانی حقوق کی چارٹر پر دستخط بھی کیے اور تمام انسانی حقوق کی شقیں مطالعہ کے بعد اپنے ملکی دستور میں بھی شامل کیے اس کے باوجود انسانی حقوق کی ان بنیادی شقوں کی خلاف ورزی کھلم کھلا جاری ہے۔کسی کو اس خوش فہمی میں نہیں رہنا چاہیے کہ کے پی کے میں ملالہ ڈرامہ پر پاکستان کی سول سوسائٹی نے جس طریقے سے احتجاج کی تھی وہ اسی انداز سے بلوچستان میں بھی بلوچ ملالائوں کی تعلیم کی بندش پر احتجاج کریں گے کیونکہ ہم نے اپنے پہلے آرٹیکل میں جہاں صحافت کی آزادی سے متعلق کہا تھا کہ یہاں نہ صحافت آزاد ہے اور نہ ہی سول سوسائٹی۔اس لیے بلوچ بیٹیوں یا بلوچ نوجوانوں کی تعلیم پر پابندی کے خلاف اس ملک کی صحافیوں اور سول سوساءٹی کی منہ پر تالہ لگا ہوا ہےاور یہ کسی قسم کا ردعمل نہیں دے رہے۔کیونکہ یہ نہ بلوچ کو انسان تصور کرتے ہیں اور نہ اس کے حقوق تسلیم کرتے ہیں۔اس میں اس لیے حیرانگی کی کوئی بات نہیں کیونکہ بلوچستان میں تعلیم کی بندش کے سنگین جرم پر صوبائی حکومت جو یہاں کے مقامی باشندوں پر مشتمل ہے وہ بے بس ہے اور اس صورتحال کو قابو نہیں کر سکتی اور اس کے خلاف کچھ عملی اقدامات نہیں اٹھا سکتی تو ریاست کے دیگر وفادار ادارے کیونکر ہمارے لیے اپنا وقت ضایع کریں گے۔
بلوچستان میں تعلیمی بندش کے منفی اثرات نہ صرف بلوچ معاشرے پر پڑیں گے بلکہ موجودہ نظام کو زندہ رکھنے والوں کے لیے بھی مستقل مشکلات کا باعث بھی بنے گی۔کیونکہ جب بلوچستان میں سیاسی،معاشی،اور قومی حقوق کے حصول کے لیے سیاسی میدان میں جو جدوجہد جاری ہے وہ ان حالات کو اپنے حق میں کیش کرسکتی ہے۔لیکن اگر تعلیمی اداروں کی بندش ختم ہوئی تو کوئی اس خوش فہمی میں بھی مبتلا ء نہ ہو کہ اس سے مزکورہ سیاسی میدان کے کھلاڑی فائدہ نہیں اٹھا سکتے۔اب صورتحال اس نہج کو پہنچ چکے ہیں کہ دونوں صورتوں میں سیاسی میدان میں گرما دینے والی ماحول کے کھلاڑی ہی سیاسی فائدہ اٹھا سکیں گی۔کیونکہ جب معاشرے میں سیاسی جدوجہد کا آغاز ہوگا تو اس وقت شعور وآگاہی کے لیے کسی تعلیمی ادارے کی ضرورت پیش نہیں آتی۔بلکہ ہر جبر کے بطن سے شعور کی شمعیں پانی کے چشموں کی طرح پھوٹتی ہیں اور حالات خود معاشرے کے لیے درسگاہ کا کام کرتی ہیں۔تعلیمی اداروں کی بندش اگر چہ وقتی طور پر نقصان دہ ثابت ہوئی ہے لیکن تعلیم دشمن عناصر کے اس اقدام سے اجتماعی طور پر بلوچ معاشرہ جس احساس کے سایے میں سانس لے رہی ہے وہ احساس قوم کو روشن مستقبل دینے کا ضامن ہوگا۔اور اگر ہم جبر کی تاریخ کا مطالعہ کریں اور حالات کا دیگر معاشروں سے موازنہ کریں جہاں جبر کے خلاف عوام سیاسی اور عسکری علوم سے لیس ہو کر اپنی سیاسی اور قومی آزادی کے لیے جنگ لڑ کراپنا حق چھیننے میں کامیاب ہوا ہے شاید وہاں بھی اس جیسا منظر نامہ ہمیں ملے گی۔سایہ کبھی اس طرف تو کبھی دوسری جانب اپنا رخ موڑ لیتی ہے کیونکہ یہ فطری عمل ہے گو کہ ہمارے لیے یہ انتہائی پریشان کن بات ہے اور باعث شرم ہے کہ ہم بلوچستان میں اس وقت تعلیم کے حصول کے لیے پابندیوں کا سامنا کررہے ہیں، لیکن ہر منفی عمل کے بھی مثبت پہلو پر نظر رکھنا لازمی ہوتا ہے۔جو قوتیں تعلیم پر شب خون مار کر اپنی فتح کا جشن مناتے ہیں دراصل وہ سامراجی قوتوں اور روایتی رجعتی قوتوں کی سنت ادا کررہے ہوتے ہیں اور ہر دور میں شکست ان قوتوں کا مقدر ٹہرتا ہے۔اگر چہ آج پارلیمنٹ میں بلوچ معاشرے سے نمایندے بٹھا یے گیے ہیں لیکن ان کی جانب سے موثر آوازکا نہ آنا کئی سوالات کو جنم دے رہا ہے۔لیکن ان سوالوں کا جواب شاید اب بلوچ معاشرے کے دہقان،ماہی گیر،پوریاگر،طالب علم،اور ہر طبقے کے پاس پہلے سے موجود ہیں کیونکہ جیسا کہ میں نے پہلے ہی کہا تھا کہ اب بلوچ معاشرے میں جہاں شعورو آگاہی اور علم کی روشنی کو روکنے کے لیے جس ہتھکنڈوں کا سہارا لیکر تعلیمی اداروں کو بند کیا جارہا ہے ،بلوچ معاشرے میں شعوروآگہی کو اب تعلیمی اداروں کی بندش سے روکا نہیں جاسکے گا۔کیونکہ حالات اب خود دنیا کی سب سے بڑی یونیورسٹی کا کام کرکے عوام کی رہنمائی کررہے ہیں۔اب اگر جس چیز کا فقدان ہمین نظر آرہا ہے وہ بلوچ معاشرے میں عدم برداشت کا کلچر اور اتحاد کا فقدان ہے۔بلوچ دانشوروں کو اس اہم مرحلے میں اپنی سیاسی قیادت اور طلباء کیڈر کو تقسیم کرنے کی بجائے ایک ہی صف میں لانے کے لیے سنجیدہ کوششیں کرنی چاہئے۔کیونکہ اس وقت صرف مکران کی چند علاقوں میں تعلیمی ادارے نشانہ بنے ہوئے ہیں تو کل یہ آگ پورے بلوچستان کی تعلیمی اداروں میں پھیل سکتی ہے۔کیونکہ جہاں جہاں روشنی کی کرن پھوٹنے لگتے ہیں وہاں روشنی سے ڈرنے والے تاریکی کا راج قائم کرنے کے لیے اپنی سازشوں کے جال بننا شروع کردیتے ہیں اور بہترین سیاسی قیادت وہ ہوتی ہے جو حالات کو کیش کرکے اپنی قوم کو درست سمت لے جاتی ہے۔اور بلوچ سیاسی قیادت کے سامنے بحرانوں کے پہاڑ لا کھڑا کیئے ہیں لیکن مدبرانہ حکمت عملی ہی ان پہاڑوں کو روئی کی طرح اکھاڑ پھینک سکتی ہیں۔تعلیم کے اس چراغ کو بجھانے والی قوتوں کو بے نقاب کرنا چاہیئے اور روشنی سے ڈرنے والوں کوان کی دائمی کمین گاہوں میں دفنانا چاہیئے تاکہ ان کے ہاتھ ہماری مستقبل کے معماروں کی گریبان تک نہ پہنچ سکیں اور ہمارے مستقبل کے معماروں کی دنیا تاریک نہ بنا دیں۔لیکن اگر جبر کا ٹولہ کامیاب بھی ہوگیا تو یہ کامیابی اس کی ناکامی ہی ثابت ہوگی اس میں مایوسی کی کوئی بات نہیں ہونی چاہیئے کہ جبر کے پرچار کرنے والوں نے ہمیں اندھیروں میں پھینکنے کے تیاریاں کی ہیں کیونکہ اب حالات اس نہج کو پہنچ چکی ہیں جہاں ہمارے احساس ہی ہمارے لیئے درسگاہ کا کام کرتی ہیں جنہیں کوئی نہیں روک سکتا اور وہ ہمیشہ روشنی پیدا کرتے رہتے ہیں۔

struggling for freedom of speech and human rights.